ប្រែសម្រួល : កញ្ញាដាលីស (ដេល្លីម៉េល) ៖ នាយករដ្ឋមន្ត្រីកាណាដា លោក ចាស្ទីន ទ្រូដូបានធ្វើការស្តីបន្ទោសភ្លើងឆេះព្រៃដ៏កាចសាហាវដែលកំពុងបង្កការបំផ្លិចបំផ្លាញនៅភាគឦសានទៅលើការប្រែប្រួលអាកាសធាតុទាំងស្រុង និងការមិនអើពើនឹងការលើកឡើងថាការគ្រប់គ្រងព្រៃឈើមិនល្អអាចដើរតួនាទីដល់រឿងនេះ។
លោកបៃដិនកាលពីថ្ងៃពុធបានបញ្ជូនអ្នកពន្លត់អគ្គិភ័យជនជាតិអាម៉េរិកចំនួន ៦០០ នាក់ទៅកាន់ប្រទេសកាណាដាដើម្បីជួយពន្លត់ភ្លើងដែលកំពុងឆេះអស់រយៈពេលប្រាំមួយសប្តាហ៍នៅភាគខាងជើងនៃព្រំដែន។
អគ្គិភ័យទាំងនោះបានឈានដល់ការចាប់អារម្មណ៍យ៉ាងខ្លាំងកាលពីថ្ងៃពុធ នៅពេលដែលផ្សែងហុយខ្លាំងបានបក់មកភាគខាងត្បូង ដោយធ្វើឱ្យទីក្រុងញូវយ៉កមានខ្យល់អាកាសមិនល្អបំផុតនៅលើផែនដី និង បង្កឱ្យមានភាពចលាចលនៅក្នុងរដ្ឋជាច្រើនទៀត។
ព្រឹត្តិការណ៍ខាងក្រៅទីវាលត្រូវបានលុបចោល អ្នកក្រុងញូវយ៉កទាំងអស់ត្រូវបានប្រាប់ឱ្យស្នាក់នៅក្នុងផ្ទះ (ឬពាក់ម៉ាស់នៅខាងក្រៅ) ហើយជើងហោះហើរដែលភ្ជាប់ទៅនឹងអាកាសយានដ្ឋាន LaGuardia ត្រូវបានផ្អាក។ អាកាសយានដ្ឋានត្រូវបានផ្អាកម្តងទៀតនៅថ្ងៃពុធ ដោយបង្កឱ្យមានការលុបចោលនិងការពន្យារពេលដែលបង្កចលាចលនៅក្នុងអាកាសយានដ្ឋានទាំងនៅសហរដ្ឋអាម៉េរិកនិងកន្លែងផ្សេងៗទៀត។
ប្រភពដើមនៃភ្លើងព្រៃមិនទាន់បានកំណត់ច្បាស់លាស់នៅឡើយទេ ប៉ុន្តែមន្ត្រីកាណាដាត្រូវបានព្រមានជាច្រើនឆ្នាំមកហើយថា ការគ្រប់គ្រងព្រៃឈើល្អប្រសើរគឺចាំបាច់ដើម្បីបញ្ចៀសគ្រោះមហន្តរាយបែបនេះ៕
លោកទ្រូដូបន្ទោសភ្លើងឆេះព្រៃថាកើតមកពីបម្រែបម្រួលអាកាសធាតុ
ផ្សែងភ្លើងឆេះព្រៃមកពីកាណាដានាំអោយទីក្រុងញូវយ៉កស្ងាត់កាលពីថ្ងៃព្រហស្បតិ៍