ប្រែសម្រួល : កញ្ញាដាលីស (ដេល្លីម៉េល) ៖ ក្រុមហ៊ុន Virgin Galactic របស់លោក រីឆាត ប្រ៊ែនសុន (Richard Branson) បានប្រកាសកាលពីថ្ងៃព្រហស្បតិ៍ថា អ្នកទេសចរអវកាសដំបូងរបស់ខ្លួននឹងចាប់ផ្តើមចេញដំណើរនៅថ្ងៃទី ១០ ខែសីហា។
បេសកកម្ម ឈ្មោះ Galactic 02 នឹងឃើញអតិថិជនបីនាក់បង់ប្រាក់ដើម ២៥០.០០០ ឬ ៤៥០.០០០ ដុល្លារនៅឆ្នាំនេះ។
អវកាសយានិក ដែលមិនទាន់ត្រូវបានបញ្ចេញឈ្មោះទាំងបី នឹងឡើងជិះក្នុងយានអវកាសរបស់ក្រុមហ៊ុន ដែលភ្ជាប់ទៅនឹងផ្នែកខាងក្រោមនៃយន្តហោះដឹកជញ្ជូនខ្នាតធំមួយ ហើយហោះចេញទៅលំហអាកាសតែម្តង។
នៅពេលណាដែលយន្តហោះទាំងពីរឡើងដល់កម្ពស់យ៉ាងតិច ១៤ គីឡូម៉ែត្រ នោះយន្តហោះរ៉ុក្កែតនឹងផ្តាច់ចេញ ហើយធ្វើដំណើរលើផ្ទៃផែនដី ៨០ គីឡូម៉ែត្រ។
ក្រុមហ៊ុន Virgin Galactic បានកក់ទុកអតិថិជនចំនួន ៨០០ នាក់រួចហើយ ដែលកំពុងតែប្រជែងគ្នាសម្រាប់ឱកាសឡើងទៅកាន់ទីអវកាស ដែលរឿងនេះអាចធ្វើទៅបានដោយសារបេសកកម្មបើកឆាករបស់ក្រុមហ៊ុនកាលពីខែមិថុនា។
ក្រុមហ៊ុនរបស់លោកប្រ៊ែនសុនបាននិយាយថា ខ្លួននឹងចេញផ្សាយការបាញ់បង្ហោះយាន រួមទាំងនាវិកនិងអ្នកបើកបរ នៅពេលក្រោយ ហើយគ្រោងនឹងផ្សាយផ្ទាល់ការបាញ់បង្ហោះនេះ៕
អ្នកទេសចរបីនាក់ដំបូងនឹងចេញដំណើរទៅទីអវកាសនៅថ្ងៃទី ១០ ខែសីហា ។ពួកគេនឹងឡើងជិះក្នុងយានអវកាសរបស់ក្រុមហ៊ុន ដែលភ្ជាប់ទៅនឹងផ្នែកខាងក្រោមនៃយន្តហោះដឹកជញ្ជូនខ្នាតធំមួយ ហើយហោះចេញទៅលំហអាកាសតែម្តង