ប្រែសម្រួលៈបំណង(ដេល្លីម៉េល)៖ ការធ្លាក់ភ្លៀងខ្លាំងអស់ពេលពីរថ្ងៃនៅកូរ៉េខាងត្បូងបានសម្លាប់មនុស្សយ៉ាងតិចប្រាំពីរនាក់ និងពីរនាក់កំពុងបាត់ខ្លួនក្នុងការបាក់ដីនិងទឹកជំនន់នេះបើតាមរបាយការណ៍រដ្ឋាភិបាល។
មនុស្សប្រាំបីនាក់ទៀតក៏បានជាប់ខ្លួនក្រោយការបាក់ដីនៅតំបន់កណ្តាលកាលពីថ្ងៃសៅរ៍។
ក្រសួងមហាផ្ទៃនិងសន្តិសុខបាននិយាយថា មនុស្សបីនាក់បានស្លាប់កាលពីថ្ងៃសៅរ៍ នៅពេលការបាក់ដីបង្កឡើងដោយការធ្លាក់ភ្លៀងខ្លាំងបានកប់ផ្ទះរបស់គេនៅទីប្រជុំជនភាគកណ្តាលចំនួនពីរ។មនុស្សពីរនាក់ទៀតត្រូវបានរកឃើញស្លាប់នៅកន្លែងផ្សេងនៅថ្ងៃសៅរ៍ក្នុងឧបទ្ទវហេតុបាក់ដីសង្កត់ និងពីរនាក់ទៀតស្លាប់នៅក្នុងការបាក់អាគារបង្កឡើងដោយការបាក់ដីនៅទីក្រុង ទីក្រុង ណុនសាន។
របាយការណ៍បាននិយាយថា មនុស្សពីរនាក់កំពុងបាត់ខ្លួននៅក្នុងភូមិមួយនៅទីប្រជុំយេឆុនភាគកណ្តាល និងប្រាំនាក់រងរបួសក្នុងការបាក់ដី។
កូរ៉េខាងត្បូងជួបការធ្លាក់ភ្លៀងខ្លាំងចាប់តាំងពីថ្ងៃ៩កក្កដា ដោយក្រសួងមហាផ្ទៃបានរាយការណ៍ថា ការធ្លាក់ភ្លៀងនាំអោយមនុស្ស១.៥៧០នាក់បង្ខំចិត្តចាកចោលផ្ទះនិងផ្ទះរាប់ពាន់គ្មានចរន្តអគ្គិសនីប្រើ៕
ទីភ្នាក់ងារអាកាសធាតុកូរ៉េខាងត្បូងបាននិយាយថា ផ្នែកខ្លះនៃប្រទេសនឹងបន្តជួបការធ្លាក់ភ្លៀងខ្លាំងរហូតថល់ថ្ងៃអាទិត្យ