អគ្គិភ័យ​លើ​នាវា​ដឹក​រថយន្ត​នៅ​ឯនាយ​ឆ្នេរ​ហូឡង់នៅបន្តតែថ​ម​ថយកម្លាំង​

​ប្រែ​សម្រួលៈ​បំណង​(​អាអេ​ហ្វ​ប៉េ​)៖​អគ្គិភ័យ​លើ​នាវា​ដឹក​ទំនិញ​ដែល​ដឹក​រថយន្ត​រាប់ពាន់​គ្រឿង​នៅ​ឯនាយ​ឆ្នេរ​ហូឡង់​ចាប់តាំងពី​ថ្ងៃ​អង្គារ​មកនោះ បាន​ថម​យ​ថ​កម្លាំង​កាលពី​ថ្ងៃ​សុក្រ​នៅពេល​អគ្គិភ័យ​នេះ​បង្ក​ការព្រួយបារម្ភ​អំពី​ការខូចខាត​ទីតាំង​ធម្មជាតិ​ក្បែរ​ខាង​។​

​គេ​សង្ស័យថា រថយន្ត​អគ្គិសនី​ណាមួយ​អាច​បង្ក​ផ្កាភ្លើង​បង្កើតជា​អគ្គិភ័យ​នេះ ហើយ​ពួក​មន្ត្រី​កាលពី​ថ្ងៃ​សុក្រ​បាន​និយាយថាមានរថយន្ត​ជិត​៤.០០០​គ្រឿង​នៅ​លើ​នាវា​កើតហេតុ គឺច្រើន​ជាង​របាយការណ៍​កាលពីមុន​។​

​អគ្គិភ័យ​បាន​កើតឡើង​នៅ​លើ​នាវា​ហ្វ្រី​មែនថ​ល ហាយវ៉េ​(Fremantle Highway )​កាលពី​យប់​ថ្ងៃ​អង្គារ​ដោយ​សម្លាប់​សមាជិក​នាវិក​ម្នាក់ និង​នាំអោយ​មាន​កិច្ចខិតខំ​ពន្លត់ភ្លើង​នេះ​ដ៏​ធំ​។​

​កង​ឆ្មាំ​សមុទ្រ​បាន​និយាយថា​« ភ្លើង​នៅតែ​ឆេះ​បង្ក​ផ្សែង​ខ្មួលខ្មាញ់ តែ​មើល​ទៅ​ដូចជា​ថមថយ​បើ​ធៀប​នឹង​មួយ​ថ្ងៃមុន​»​។​

​ក្រុមហ៊ុន​ដឹកជញ្ជូន​K Line​ដែល​មាន​មូលដ្ឋាន​នៅ​ជប៉ុន បាន​រាយការណ៍​ថា មាន​រថយន្ត​៣.៧៨៣​គ្រឿង​នៅ​ក្នុង​នាវា​នៅពេល​វា​ឆេះ គឺ​ច្រើន​ជាង​របាយការណ៍​ដំបូង​ដែល​ថា​ជិត៣.០០០​គ្រឿង​។​ក្រុមហ៊ុន​បានអោយដឹង​ទៀត​ថា រថយន្ត​ទាំងនោះ​ជា​រថយន្ត​ថ្មី​ទាំងអស់ មិន​មាន​រថយន្ត​មួយ​ទឹក​ទេ​និង​រួម​មាន​រថយន្ត​អគ្គិសនី​៤៩៨​គ្រឿង​។​

​ក្នុងពេលជាមួយគ្នា ម្ចាស់​នាវា​ បាន​និយាយថា រថយន្ត​អគ្គិសនី​មាន​ឳ​កាស​ខ្ពស់​ក្នុង​ការបង្ក​អគ្គិភ័យ តែ​គេ​ត្រូវ​ធ្វើ​ការស៊ើបអង្កេត​រក​មូលហេតុ​។​

​សមាជិក​ដើរកប៉ាល់​ម្នាក់​បាន​ស្លាប់ ក្រោយ​ជនរងគ្រោះ​និង​សមាជិក​នាវិក​២២​នាក់​ទៀត ដែល​សុទ្ធតែ​ជា​ជនជាតិ​ឥណ្ឌា ត្រូវបាន​សង្គ្រោះ​ចេញពី​នាវា​ដែល​កំពុង​ឆេះ​។​សមាជិក​នាវិក​មួយចំនួន​បាន​បង្ខំចិត្ត​លោត​ចូល​ក្នុង​ទឹកសមុទ្រ​មុនត្រូវបានជួយសង្រ្គោះ៕

​អគ្គិភ័យ​លើ​នាវា​Fremantle Highway​នាំអោយ​មាន​ការបារម្ភ​អំពី​ការប៉ះពាល់​បរិស្ថាន​ធម្មជាតិ​នៅ​កម្រង​កោះ​ក្បែរៗ​នោះ

​