ដោយៈ ដកស្រង់ពីវចនានុក្រមសម្តេចសង្ឃរាជ ជួន ណាត
ងងិះងងុះ
កិរិយាវិសេសន៍
ដែលសំដែងអាការរឹងរូស ឲ្យសំឡេងងិះងុះមិនចង់ធ្វើតាមបង្គាប់
កូនខ្ញុំនេះពិបាកប្រើណាស់ វាចេះតែងងិះងងុះមករកវិញ ។
គុណសព្ទ
ដែលសំដែងអាការរឹងរូស ឲ្យសំឡេងងិះងុះមិនចង់ធ្វើតាមបង្គាប់
កូនខ្ញុំនេះពិបាកប្រើណាស់ វាចេះតែងងិះងងុះមករកវិញ ។
ដកព
នាមសព្ទ
ឈ្មោះឈើមួយប្រភេទ មានសាច់ស្វិត; និយាយក្លាយថា ដក់ព ក៏មាន ។
ថង់
នាមសព្ទ
យាមធ្វើដោយសំពត់ឬខ្សែស្រែះ មានមាត់រូតបាន សម្រាប់ដាក់របស់តូច, របស់ស្រាលល្មមយួរបាន ។
ពងចាប
នាមសព្ទ
(សព្ទអារក្ស) ពាក្យមេមត់ហៅកូនខ្ចីឬកូនតូច ( ម. ព. ផ្កាឈូក និង ប្រាក្រឹត ផង ) ។
វង់ក្រចក
នាមសព្ទ
ឈ្មោះវណ្ណយុត្តមួយគូមានសណ្ឋានកោងខុបបញ្ឈរ ( ) នេះ, ដើមកំណើតនៅប្រទេសអឺរ៉ុប (បារ. ប៉ារ៉ង់តែស Parenthèse ), សម្រាប់ប្រើបិទរាំងសេចក្ដីដែលមានដំណើរដោយឡែក . . . ; ជាវណ្ណយុត្ត, ក្នុងសម័យនេះ, ផ្សាយចេញទួទៅក្នុងសាកលលោក ។
កិរិយាសព្ទ
សរសេរវណ្ណយុត្ត ( ) នេះ
វង់ក្រចកទៅ!, ចុះវង់ក្រចកទៅ !