អតីតប្រធានាធិបតី ដូណាល់ ត្រាំ មិនបានសារភាពទោសកំហុសទេកាលពីថ្ងៃព្រហស្បតិ៍ចំពោះការចោទប្រកាន់ព្រហ្មទណ្ឌថាគាត់បានសមគំនិតដើម្បីលុបចោលលទ្ធផលនៃការបោះឆ្នោតឆ្នាំ ២០២០ និងបោកប្រាស់ប្រជាជនអាម៉េរិក។ ត្រាំ ដែលជាបេក្ខជននាំមុខគេសម្រាប់ការតែងតាំងតំណែងប្រធានាធិបតីពីគណបក្សសាធារណរដ្ឋឆ្នាំ ២០២៤ បានឡើងនិយាយបែបនេះក្នុងអំឡុងសវនាការជិត ៣០ នាទីនៅឯតុលាការក្រុងវ៉ាស៊ីនតោនដូចគ្នាដែលអ្នកគាំទ្ររបស់គាត់រាប់រយនាក់ត្រូវបានកាត់ទោសសម្រាប់តួនាទីរបស់ពួកគេនៅក្នុងការវាយប្រហារនៅថ្ងៃទី ៦ ខែមករាឆ្នាំ ២០២១ ទៅលើវិមានកាពីតូលអាម៉េរិក។