ប្រែសម្រួល : កញ្ញាដាលីស (ដេល្លីម៉េល) ៖ ក្រុមហ៊ុន Apple បានបាត់បង់តំណែងជាក្រុមហ៊ុនតែមួយគត់របស់ពិភពលោកដែលមានតម្លៃទីផ្សារ ៣ ទ្រីលានដុល្លារ បន្ទាប់ពីក្រុមហ៊ុនបានព្រមានថាខ្លួនកំពុងឆ្ពោះទៅរកការលក់ធ្លាក់ចុះបួនត្រីមាសជាប់ៗគ្នា។
ភាគហ៊ុនរបស់ក្រុមហ៊ុន Apple បានបិទ ដោយធ្លាក់ចុះ ៤,៨ ភាគរយ មកនៅត្រឹម ១៨១,៩៩ ដុល្លារក្នុងមួយហ៊ុន ដោយរលាយបាត់អស់ជាង១៤០ ពាន់លានដុល្លារពីមូលធនប័ត្រទីផ្សាររបស់ក្រុមហ៊ុន នៅក្នុងការធ្លាក់ចុះភាគរយដ៏ធំបំផុតក្នុងរយៈពេលមួយថ្ងៃនៃភាគហ៊ុនរបស់ក្រុមហ៊ុនរហូតមកទល់ពេលនេះក្នុងឆ្នាំនេះ។
ភាគហ៊ុនរបស់ក្រុមហ៊ុន Apple បានធ្លាក់ចុះជាចម្បង ដោយសារតែក្រុមហ៊ុនបាននិយាយនៅក្នុងរបាយការណ៍ប្រាក់ចំណេញកាលពីថ្ងៃព្រហស្បតិ៍ថា តម្រូវការបន្តធ្លាក់ចុះសម្រាប់ទូរស័ព្ទ iPhone របស់ខ្លួន ជាពិសេសនៅក្នុងទីផ្សារអភិវឌ្ឍន៍។
ទោះបីជាក្រុមហ៊ុន Apple នៅតែជាក្រុមហ៊ុនដែលមានតម្លៃបំផុតក្នុងពិភពលោកក៏ដោយ ក៏វានៅតែមានន័យថាក្រុមហ៊ុនផលិត iPhone បានបាត់បង់មកុដជាក្រុមហ៊ុនមានតម្លៃ ៣ ទ្រីលានដុល្លារនៃតម្លៃទីផ្សារ ដែលជារង្វាស់តម្លៃដែលបូកសរុបតម្លៃភាគហ៊ុនទាំងអស់របស់ក្រុមហ៊ុន។
ទោះបីជាការលក់ iPhone ធ្លាក់ចុះក៏ដោយ ក៏ប៉ុន្តែអាជីវកម្មសេវាកម្មរបស់ក្រុមហ៊ុន Apple គឺជាចំណុចភ្លឺស្វាង និងបានជួយក្រុមហ៊ុនឱ្យមានការរំពឹងទុកប្រាក់ចំណេញខ្ពស់បំផុតសម្រាប់ត្រីមាសខែមិថុនា៕
ភាគហ៊ុន Apple ធ្លាក់ចុះ ៤,៨% ដែលជាការធ្លាក់ចុះធំបំផុតក្នុងពេលតែ១ថ្ងៃ