ប្រែសម្រួល៖បំណង(ស្ត្រេតថែមស៍)៖ រញ្ជួយដីក្នុងជំរៅដីរាក់មួយតែកំលាំងមធ្យមត្រឹមតែ៥,៤រិច្ឆទ័រ បានវាយប្រហារចិនខាងកើតកាលពីដើមថ្ងៃអាទិត្យ និងសារព័ត៌មានរដ្ឋបានរាយការណ៍ថា មនុស្ស២១នាក់បានរងរបួស ហើយផ្ទះនិងអាគាររាប់សិបបានរលំបាក់។
វីដេអូក្នុងបណ្តាញសង្គមបានបង្ហាញអាគាររលំបាក់ ដីញ័រនិងមនុស្សត្រូវបានជម្លៀសចេញពីអាគារ និងវីដេអូមួយទៀតបង្ហាញមនុស្សដើរកាត់គំនរឥដ្ឋនៅលើដី។
刚刚深夜，中国山东大地震，波及整个东部地区
pic.twitter.com/kWVi4hnexT— Inty热点新闻 (@__Inty__) August 5, 2023
រញ្ជួយដីបានកើតឡើងនៅម៉ោង២និង៣៣នាទីជិតភ្លឺ នៅចម្ងាយ២៦គីឡូម៉ែត្រពីក្រុងតាជោ(Dezhou )ក្នុងខេត្តសាន់ទុងក្នុងជំរៅដី១០គីឡូម៉ែត្រ។
ទូរទស្សន៍ចិនCCTVបាននិយាយយោងតាមពួកមន្ត្រីមូលដ្ឋានដែលថា មនុស្ស២១នាក់រងរបួស និងផ្ទះឬអាគារចំនួន១២៦ខូចខាតដោយរញ្ជួយដី។រញ្ជួយដីនេះមានរញ្ជួយតិចៗតាមក្រោយ៥២លើកទៀត។
យោងតាមទីភ្នាក់ងារសារព័ត៌មានរដ្ឋស៊ីនហួរ ក្រសួងគ្រប់គ្រងគ្រាអាសន្នចិនបានបញ្ជូនក្រុមមួយទៅកាន់ខេត្តសាន់ទុងដើម្បីដឹកនាំការងារជួយសង្គ្រោះ។
រញ្ជួយដីនៅសានទុងអាចអោយគេដឹកដល់ទីក្រុងប៉េកាំង ក្រុងទៀនជីននិងក្រុងសៀងហៃ ដែលនៅចម្ងាយ៨០០គីឡូម៉ែត្រពីស្នូលរញ្ជួយ៕
រូបវីដេអូបង្ហោះក្នុងបណ្តាញសង្គមបង្ហាញអាគារបាក់ធ្លាក់ដុំឥដ្ឋពេញចិញ្ចើមផ្លូវនិងថ្នល់