ប្រែសម្រួល : កញ្ញាដាលីស (The Drive) ៖ SCALP-EG ដែលជាប្រភេទមីស៊ីលបណ្តែតតាមអាកាសដូចមីស៊ីល Storm Shadow របស់ចក្រភពអង់គ្លេសដែរនោះ ឥឡូវបានដាក់ឱ្យប្រើប្រាស់ជាផ្លូវការជាមួយកងកម្លាំងប្រដាប់អាវុធអ៊ុយក្រែនហើយ។
បារាំងនិយាយថាខ្លួនផ្តល់ឱ្យអ៊ុយក្រែននូវមីស៊ីល SCALP-EG តាំងពីខែឧសភានិងបានបញ្ជាក់ពីការសម្រេចចិត្តនេះនៅពាក់កណ្តាលខែកក្កដា រូបភាពពីដំណើរទស្សនកិច្ចរបស់ប្រធានាធិបតីហ្សេលេនស្គីទៅកាន់អង្គភាពយន្តហោះ Su-24 Fencer ដែលបាញ់មីស៊ីលនេះ បានបញ្ជាក់ពីស្ថានភាពប្រតិបត្តិការរបស់វា។
លោកហ្សេលេនស្គីបានចុះហត្ថលេខាលើមីស៊ីល SCALP-EG ដែលតុបតែងយ៉ាងភ្លឺរលោងជាមួយនឹងការរចនារបស់វាជាពណ៌ទង់ជាតិបារាំងនិងរូបសញ្ញាទាហានជាតិអ៊ុយក្រែន អមជាមួយនឹងប៉មតួអេហ្វហ្វែល ខណៈមីស៊ីលនេះព្យួរពីក្រោមយន្តហោះ Su-24 Fencer ។ SCALP-EG តំណាងឱ្យពាក្យ “Système de Croisière Autonome à Longue Portée – Emploi Général” ឬ “Long Range Autonomous Cruise Missile System – General Purpose” ជាភាសាអង់គ្លេស។ មីស៊ីលនេះត្រូវបានបង្កើតឡើងដោយក្រុមហ៊ុន MBDA។
Tweet ជាបន្តបន្ទាប់របស់ក្រសួងការពារជាតិអ៊ុយក្រែនបានសន្មតថា មីស៊ីលនេះបានបង្កឱ្យមានស្នាមរណ្តៅលើលើស្ពាន Chongar និង Henichesk។ ស្ពានទាំងនេះគឺជាសរសៃឈាមសំខាន់សម្រាប់បញ្ជូនការផ្គត់ផ្គង់និងទាហានពីតំបន់គ្រីម៉េទៅកាន់កងទ័ពរុស្ស៊ីនៅតាមបណ្តោយខ្សែត្រៀមជួរមុខនៅភាគខាងជើង៕
លោកហ្សេលេនស្គីស៊ីញ៉េលើមីស៊ីល SCALP-EG