ប្រែសម្រួល : កញ្ញាដាលីស (ដេល្លីម៉េល) ៖ ក្រុមទាំងអស់នៅ Premier League នឹងលុតជង្គង់ម្តងទៀតក្នុងកាយវិការប្រឆាំងនឹងការរើសអើងពូជសាសន៍នៅគ្រាដ៏សំខាន់ក្នុងរដូវកាលខាងមុខ។
កីឡាករនឹងលុតជង្គង់នៅថ្ងៃសុក្រនេះក្នុងការប្រកួតបើកឆាកនៃយុទ្ធនាការថ្មីរវាងក្រុម Burnley និង Manchester City និងការប្រកួតជុំទីមួយផ្សេងទៀតទាំងអស់។
ហើយពួកគេនឹងធ្វើដូចគ្នាក្នុងការប្រកួតចុងក្រោយក៏ដូចជាការប្រកួត No Room For Racism ក្នុងខែតុលានិងខែមេសា និងថ្ងៃ Boxing Day។
បណ្តាប្រធានក្រុមនៅ Premier League បាននិយាយថា “យើងរួបរួមគ្នាក្នុងជំនឿរបស់យើងថាទម្រង់នៃការរើសអើងណាមួយមិនមានកន្លែងនៅក្នុងបាល់ទាត់ ឬសង្គមទេ ហើយប្តេជ្ញាប្រើប្រាស់វេទិការបស់យើងដើម្បីជួយអបអរភាពចម្រុះនិងបង្ហាញការគាំទ្ររបស់យើងក្នុងការប្រយុទ្ធប្រឆាំងនឹងការរើសអើងជាតិសាសន៍”។
“ដូច្នេះហើយ យើងនឹងបន្តបង្ហាញនូវសាមគ្គីភាពដោយលុតជង្គង់នៅគ្រាសំខាន់ៗក្នុងរដូវកាលខាងមុខ”។
“ភាពចម្រុះគឺជាចំណុចសំខាន់នៃភាពជោគជ័យនៃការប្រកួត ហើយយើងមានអារម្មណ៍យ៉ាងខ្លាំងថាមនុស្សគួរតែគោរពអ្នកដទៃ ដោយមិនគិតពីជាតិសាសន៍ ឬសាវតារបស់ពួកគេ”៕
ការប្រកួត Premier League នឹងចាប់ផ្តើមនៅថ្ងៃសុក្រ ជាមួយនឹងការលុតជង្គង់