ប្រែសម្រួល : កញ្ញាដាលីស (ដេល្លីម៉េល) ៖ សូមក្រឡេកមើលអ្វីដែលនឹងកើតឡើងក្នុងបាល់ទាត់អឺរ៉ុបនៅយប់ថ្ងៃសុក្រនេះ ៖
– អង់គ្លេស
ក្របខណ្ឌ Premier League នឹងចាប់ផ្តើមជាមួយម្ចាស់ជើងឯក Manchester City លេងក្រៅដីនៅទឹកដីរបស់ Burnley ដែលឈ្នះជើងឯកលំដាប់ទី២កាលពីរដូវកាលមុន។ Burnley គឺបង្វឹកដោយលោក Vincent Kompany ដែលជាកីឡាករអស្ចារ្យបំផុតរបស់ City និងមានរូបសំណាកនៅខាងក្រៅកីឡដ្ឋានរបស់ក្លិបក្នុងទីក្រុង Manhcester ។ City កំពុងចាកចេញពីរដូវកាលដែលឈ្នះពានបី នៅពេលដែលពួកគេប្រមូលបានពាន Premier League, FA Cup និង Champions League។ City អាចនឹងផ្តល់ជម្រើសដំបូងដល់ខ្សែការពារកណ្តាលក្រូអាស៊ី Josko Gvardiol ដែលបានចូលរួមពី Leipzig កាលពីសប្តាហ៍មុន។
– អេស្ប៉ាញ
Sevilla ទទួលភ្ញៀវ Valencia នៅរាត្រីបើកឆាកនៃលីកអេស្ប៉ាញយប់នេះ។ ខណៈ Sevilla សង្ឃឹមបន្តលេងល្អដូចរដូវកាលមុននៅពេលដែលពួកគេឈ្នះជើងឯក Europa League ជាលើកទីប្រាំពីរ Valencia កំពុងតែប្រឈមមុខនឹងឆ្នាំដ៏លំបាកមួយទៀតបន្ទាប់ពី Edinson Cavani, Yunus Musah និង Justin Kluivert បានចាកចេញពីក្លិប។ Almeria នឹងទទួលភ្ញៀវ Rayo Vallecano មុនគូខាងលើក្នុងការប្រកួតបើកឆាករដូវកាលថ្មី។ Rayo ត្រូវបានគ្រប់គ្រងដោយអតីតគ្រូបង្វឹកក្រុម Almeria លោក Francisco Rodríguez ដែលបានជំនួសតំណែងលោក Andoni Iraola ដ៏ជោគជ័យ បន្ទាប់ពីគាត់បានចូលដឹកនាំ Bournemouth ក្នុងក្របខណ្ឌ Premier League ។
– បារាំង
លីកបារាំងចាប់ផ្តើមដោយ Nice ធ្វើជាម្ចាស់ផ្ទះទទួល Lille ។
– អាល្លឺម៉ង់
German Cup ចាប់ផ្តើមរដូវកាលថ្មីជាមួយនឹងការប្រកួតជុំទីមួយចំនួន ៣ គូរួមមានក្រុមលីកកំពូល Borussia Moenchengladbach ដែលត្រូវជួបជាមួយកីឡាករ TUS Bersenbrueck មកពីលីកលំដាប់ទី៥។ Schalke ដែលទើបត្រូវកាត់ចោល ត្រូវប្រកួតជាមួយក្រុម Eintracht Braunschweig មកពីលីកលំដាប់ទី២ដូចគ្នា៕
Man City បើកឆាក EPL ដោយធ្វើដំណើរសួរសុខទុក្ខ Burnley នៅយប់ថ្ងៃសុក្រនេះ 