ប្រែសម្រួល : កញ្ញាដាលីស (ប៊ីប៊ីស៊ី) ៖ លោក វ្ល៉ាឌីមៀ ពូទីន ត្រូវបង្ខំចិត្តបញ្ជូនចេញរថក្រោះនិងរថពាសដែកចាស់ៗស្ទើរតែពាក់កណ្តាលរបស់គាត់ពីឃ្លាំងទីវាលដ៏ធំមួយនៅតំបន់ស៊ីបេរី បន្ទាប់ពីទទួលរងការខាតបង់យ៉ាងច្រើននៅក្នុងប្រទេសអ៊ុយក្រែន។
របាយការណ៍បាននិយាយថា ម៉ាស៊ីនសង្គ្រាមច្រែះចាប់ចំនួន ១.៥៧០ គ្រឿងត្រូវបានផ្ទេរចេញពីឃ្លាំងស៊ីបេរី ហើយបានស្ដារឡើងវិញដើម្បីបម្រើដល់ការប្រយុទ្ធរបស់ប្រធានាធិបតីរុស្ស៊ីប្រឆាំងនឹងអ៊ុយក្រែន។
ជាង៤០ ភាគរយនៃរថក្រោះនិងរថយន្តយោធា ៣.៨៤០ គ្រឿង ដែលបង្ហាញនៅលើរូបភាពផ្កាយរណបពី Google Earth នៅឯឃ្លាំងសម្ភារៈយោធាវ៉ាកហ្សាណូវ៉ូ (Vagzhanovo) មុនពេលសង្គ្រាមឥឡូវត្រូវបានដកចេញពីកន្លែងផ្ទុកហើយ។
ទីតាំងឃ្លាំងនៅក្នុងសាធារណរដ្ឋបូរីយ៉ាធ្យា (Buryatia) គឺជាទីតាំងធំជាងគេនៅក្នុងប្រទេសរុស្ស៊ី ដែលគ្របដណ្តប់លើផ្ទៃដី៨គីឡូម៉ែត្រការ៉េ។
វីដេអូបង្ហាញរថក្រោះបុរាណដែលបានកែច្នៃឡើងវិញពីឃ្លាំងដូចជា Vagzhanovo ដែលក្នុងនោះមានជាច្រើនគ្រឿងនៅទូទាំងប្រទេសរុស្ស៊ី ត្រូវបានផ្ទេរទៅកាន់តំបន់សង្គ្រាមតាមរថភ្លើងយោធា។
ការប្រើប្រាស់សព្វាវុធសម័យសូវៀតគឺជាសញ្ញានៃភាពអស់សង្ឃឹមរបស់ពូទីន ប៉ុន្តែក៏អាចជាការគណនាខុសដែរ ដែលថា ធនធានមានស្រាប់របស់គាត់នឹងបំពេញបាននូវតម្រូវការសង្គ្រាមរបស់គាត់៕
រថក្រោះច្រែះចាប់ជាង ១.៥០០ គ្រឿងកំពុងដឹកពីរុស្ស៊ីទៅអ៊ុយក្រែន