ប្រែសម្រួលៈបំណង(ដេល្លីម៉េល,ប៊ីប៊ីស៊ី)៖ ការវាយប្រហារដោយដ្រូនលើអាកាសយានដ្ឋានមួយនៅក្រុងស្កាវ( Pskov)នៅរុស្ស៊ីភាគពាយព្យបាននាំអោយខូចយន្តហោះដឹកជញ្ជូនយោធាចំនួនបួន នេះបើតាមសេចក្តីរាយការណ៍របស់បណ្តាទីភ្នាក់ងារសារព័ត៌មានរុស្ស៊ី។
របាយការណ៍និយាយថា យន្តហោះដឹកជញ្ជូនIlyushin 76បានឆេះនៅក្នុងការវាយប្រហារ។ទីភ្នាក់ងារសារព័ត៌មានតាស(Tass)របស់រុស្ស៊ីបាននិយាយថា យន្តហោះ Ilyushin 76 (Il-76) បួនគ្រឿងបានរងការខូចខាតដោយពីរគ្រឿងផ្ទុះឆេះ។
យន្តហោះIlyushin 76បែបនេះដែលត្រូវបំផ្លាញក្នុងការវាយប្រហារដោយដ្រូន 
ដ្រូនវាយប្រហារអាកាសយានដ្ឋានរុស្ស៊ីនៅតំបន់ស្កាវ បណ្តាលអោយឆេះយន្តហោះ
អភិបាលក្រុងបាននិយាយថា យោធាបានវាយរុញច្រានការវាយប្រហារមួយ ហើយលោកបានថតបង្ហោះរូបអគ្គិភ័យដ៏ធំមួយនៅពេលឮសម្លេងផ្ទុះ។
ក្រុងស្កាវ នៅចម្ងាយជាង៦០០គីឡូម៉ែត្រពីព្រំដែនអ៊ុយក្រែន ក្បែរព្រំដែនអេស្តូនី។តំបន់នេះបានរងការវាយប្រហារដោយដ្រូនផងដែរកាលពីខែឧសភា។
សូមបញ្ជាក់ថា អ៊ុយក្រែនមិនបានបញ្ជាក់ថាខ្លួនជាប់ពាក់ព័ន្ធនឹងការវាយប្រហារនេះដែរឬអត់ តែរដ្ឋាភិបាលទីក្រុងគៀវកម្រអះអាងទទួលខុសត្រូវចំពោះការវាយប្រហារនៅក្នុងទឹកដីរុស្ស៊ីណាស់។
ពួកមន្ត្រីរុស្ស៊ីបានចោទប្រកាន់អ៊ុយក្រែនថាបានធ្វើការវាយប្រហារដោយដ្រូនលើតំបន់រុស្ស៊ីចំនួនប្រាំមួយកាលពីដើមថ្ងៃពុធទី៣០សីហា ក្នុងអ្វីដែលត្រូវបានចាត់ទុកថាជាការវាយប្រហារដោយដ្រូនទ្រង់ទ្រាយធំបំផុតក្នុងទឹកដីរុស្ស៊ី ចាប់តាំងពីរដ្ឋាភិបាលទីក្រុងមូស្គូបញ្ជូនទ័ពចូលប្រទេសក្បែរខាងអ៊ុយក្រែនកាលពី១៨ខែមុន។
នៅប៉ុន្មានសប្តាហ៍មកនេះ រុស្ស៊ីរងការវាយប្រហារដោយដ្រូនកាន់តែញឹកញាប់។នៅថ្ងៃពុធនេះ យោធារុស្ស៊ីបាននិយាយថា ខ្លួនបានទម្លាក់ដ្រូនអ៊ុយក្រែនបីគ្រឿងនៅតំបន់ប្រាយ៉ាន់សខ៍( Bryansk )ភាគខាងត្បូងនិងមួយគ្រឿងលើតំបន់អ័រយ៉ូល(Oryol)ភាគកណ្តាល ។
ការវាយប្រហារដោយដ្រូននៅតំបន់បែលហ្គោរ៉ូដ( Belgorod )របស់រុស្ស៊ី បានសម្លាប់មនុស្សបីនាក់កាលពីសប្តាហ៍មុន នៅបួនម៉ោងក្រោយដ្រូនមួយវាយប្រហារក្រុងមូស្គូ។វាកើតឡើងតែប៉ុន្មានថ្ងៃក្រោយពីយន្តហោះទម្លាក់គ្រាប់បែកចម្ងាយឆ្ងាយរបស់រុស្ស៊ីមួយត្រូវបំផ្លាញក្នុងការវាយប្រហារដោយដ្រូនអ៊ុយក្រែននៅក្បែរទីក្រុង សេន ផេធឺស្ប៊ឺក៕
រុស្ស៊ីអះអាងថាបានបាញ់ទម្លាក់ដ្រូនអ៊ុយក្រែនលើសមុទ្រខ្មៅ