រដ្ឋបាលបៃដិនបានយល់ព្រមផ្ទេរយុទ្ធោបករណ៍អាម៉េរិកជាលើកដំបូងទៅកាន់កោះតៃវ៉ាន់ ក្រោមកម្មវិធីមួយ ដែលជាទូទៅត្រូវបានបម្រុងទុកសម្រាប់ជំនួយដល់រដ្ឋឯករាជ្យនិងមានអធិបតេយ្យភាពប៉ុណ្ណោះ។ ក្រសួងការបរទេសបានជូនដំណឹងដល់សភាអំពីការលក់នេះកាលពីថ្ងៃពុធ។ ក្រសួងបាននិយាយថា សម្ភារៈយោធានឹង “ត្រូវបានប្រើដើម្បីពង្រឹងសមត្ថភាពស្វ័យការពាររបស់តៃវ៉ាន់តាមរយៈសមត្ថភាពការពាររួមគ្នានិងរួមបញ្ចូលគ្នា និង ពង្រឹងការយល់ដឹងអំពីដែនសមុទ្រនិងសមត្ថភាពសន្តិសុខដែនសមុទ្រ”។