ប្រែសម្រួល : កញ្ញាដាលីស (ដេល្លីម៉េល) ៖ ម៉ាសុន ហ្គ្រីនវូដ (Mason Greenwood) នឹងចំណាយពេលសេសសល់ក្នុងរដូវកាលនេះក្នុងការខ្ចីជើងនៅក្លិប Getafe របស់អេស្ប៉ាញ ខណៈដែលខ្សែប្រយុទ្ធរូបនេះបានចាប់ផ្តើមអាជីពរបស់គេឡើងវិញនៅឆ្ងាយពីក្រុមបិសាចក្រហម Manchester United។
កីឡាករវ័យ ២១ ឆ្នាំរូបនេះត្រូវបានក្លិបនៅ Old Trafford បញ្ឈរជើងចោលកាលពីថ្ងៃទី ៣០ ខែមករា ឆ្នាំ ២០២២ ជុំវិញការចោទប្រកាន់ទាក់ទងនឹងនារីវ័យក្មេងម្នាក់ បន្ទាប់ពីរូបភាពនិងវីដេអូត្រូវបានបង្ហោះតាមអ៊ីនធឺណិត។
ហ្គ្រីនវូដបានប្រឈមមុខនឹងការចោទប្រកាន់ជាច្រើន រួមទាំងការប៉ុនប៉ងរំលោភនិងការវាយដំ ប៉ុន្តែសេវាអយ្យការបានប្រកាសកាលពីខែកុម្ភៈថា ករណីនេះត្រូវបានបញ្ឈប់លែងប្តឹងផ្តល់ហើយ។
ស្របពេលនេះដែរ ក្រុមបិសាចក្រហមបានខ្ចីជើងខ្សែបម្រើសញ្ជាតិម៉ារ៉ុក សូហ្វ៊ីយ៉ាន អាមរ៉ាបាត (Sofyan Amrabat) ពីក្លិប Fiorentina របស់អ៊ីតាលី។ រូបគេត្រូវបានផ្ទេរក្នុងលក្ខខណ្ឌខ្ចីជើងរយៈពេលមួយរដូវកាលពេញពីក្លិបអ៊ីតាលីនៅវិនាទីចុងក្រោយក្នុងថ្ងៃបញ្ចប់នៃទីផ្សារដោះដូរកីឡាករ (៣១សីហា)។
តាមដំណឹងនានា Fiorentina នឹងទទួលបានកម្រៃខ្ចីជើង ១០,៨ លានដុល្លារ ហើយ Man U មានជម្រើសទិញផ្តាច់ក្នុងតម្លៃ ២១,៥ លានដុល្លារ៕
ហ្គ្រីនវូដត្រូវបានខ្ចីជើងនៅក្លិប Getafe