ដោយៈ ដកស្រង់ពីវចនានុក្រមសម្តេចសង្ឃរាជ ជួន ណាត
ចំណែវ
នាមសព្ទ
(ព. ថ.) ការចែវ
ចំណែវទូក, ប្រឹងធ្វើចំណែវឲ្យព្រមគ្នាឡើង ដើម្បីឲ្យទូកលឿន ។
ឆទានសាលា
(ឆៈទានៈសាល៉ា)
នាមសព្ទ
(បា.) សាលា, រោង ៦ កន្លែង សម្រាប់ចែកទានដល់ពួកស្មូម; ខ្មែរយើងច្រើនហៅត្រឡប់បទចុងជាដើមថា សាលាឆទាន (សាល៉ា -ឆ- ទាន)។ គួរថា ឆទ្ទានសាលា ។
ជជុះ
កិរិយាសព្ទ
រលាស់ឲ្យជ្រុះ, រំសោះរលាក់ទង្គិចជម្រុះ
ជជុះចំបើង, ជជុះសំពត់ ។
ឈឹង
គុណសព្ទ
សូន្យសូរសព្ទ, ស្ងប់ស្ងាត់, ជ្រៀប, ជ្រងំ
ស្ងាត់ឈឹង, ស្ងប់ឈឹង, បាត់មាត់ឈឹង ។
នាមសព្ទ
(ចិ.) តុទាបមានសណ្ឋានទ្រវែងឬបួនជ្រុង
ដាក់អីវ៉ាន់លើឈឹង ។
ញញើម
បរិវារសព្ទ
ពាក្យសម្រាប់និយាយផ្សំជាមួយនឹងពាក្យញញើត
ញញើតញញើម គឺញញើតដោយច្រើន ចេះតែញញើតឡើង, សម្ដែងអាការៈញើបៗ ។