ប្រែសម្រួល : កញ្ញាដាលីស (DailyOberver) ៖ ប្រធានាធិបតី ចូ បៃដិន នឹងមកដល់វៀតណាមនៅថ្ងៃអាទិត្យស្អែកក្នុងបេសកកម្មមួយដើម្បីពង្រឹងឥទ្ធិពលរបស់សហរដ្ឋអាម៉េរិក ប៉ុន្តែការសង្កត់ធ្ងន់យ៉ាងខ្លាំងលើការប្រឆាំងនឹងគូប្រជែងចិនទំនងជានឹងរុញការព្រួយបារម្ភអំពីសិទ្ធិមនុស្សទៅមួយផ្នែក។
លោកបៃដិននឹងក្លាយជាមនុស្សចុងក្រោយបង្អស់ក្នុងជួរប្រធានាធិបតីអាម៉េរិកមិនចេះដាច់ ចាប់តាំងពីលោក ប៊ីល គ្លីនតុន ក្នុងឆ្នាំ ២០០០ ដែលមកទស្សនកិច្ចអតីតសត្រូវអាស៊ីអាគ្នេយ៍មួយនេះ។គោលដៅចម្បងនឹងមានលក្ខណៈដូចគ្នានឹងអំឡុងពេលរបស់លោកបៃដិននៅក្នុងកិច្ចប្រជុំកំពូល G20 នៅទីក្រុងញូវដេល្លីក្នុងសប្តាហ៍នេះ ដើម្បីកៀរគរការគាំទ្រការប្រឆាំងនឹងឥទ្ធិពលកើនឡើងរបស់ចិន។
ទីប្រឹក្សាសន្តិសុខជាតិលោក ជែក ស៊ូលលីវ៉ាន់ (Jake Sullivan) បានប្រាប់សន្និសីទសារព័ត៌មាននៅសប្តាហ៍នេះថា “អស់ជាច្រើនទសវត្សរ៍មកហើយ ដែលសហរដ្ឋអាម៉េរិក និងវៀតណាមបានធ្វើការដើម្បីជម្នះលើកេរ្តិ៍ដំណែលរួមគ្នាដ៏ឈឺចាប់នៃសង្គ្រាមវៀតណាម”។
លោកបាននិយាយថា “ដំណើរទស្សនកិច្ចនេះគឺជាជំហានដ៏គួរឱ្យកត់សម្គាល់មួយក្នុងការពង្រឹងទំនាក់ទំនងការទូតរបស់យើង ហើយវាឆ្លុះបញ្ចាំងពីតួនាទីឈានមុខគេ ដែលវៀតណាមនឹងដើរតួក្នុងបណ្តាញភាពជាដៃគូដែលកំពុងរីកចម្រើនរបស់យើងនៅឥណ្ឌូប៉ាស៊ីហ្វិក ខណៈយើងសម្លឹងមើលទៅអនាគត”។
សេតវិមានបាននិយាយថា នៅថ្ងៃអាទិត្យនៅទីក្រុងហាណូយ ប្រធានាធិបតីអាម៉េរិក អាយុ៨០ឆ្នាំរូបនេះ នឹងជួបជាមួយមេដឹកនាំបក្សកុំម្មុយនីស្តកំពុងកាន់អំណាចរបស់វៀតណាម លោក ង្វៀន ភូ ជុង (Nguyen Phu Trong)។
នឹងមានពិធីស្វាគមន៍ សុន្ទរកថារបស់មេដឹកនាំទាំងពីរ និងសន្និសីទសារព័ត៌មានដោយប្រធានាធិបតីអាម៉េរិក ដែលកាលពីថ្ងៃអង្គារបានផ្តល់មេដាយកិត្តិយសយោធាថ្នាក់កំពូលរបស់សហរដ្ឋអាម៉េរិកដល់អ្នកបើកបរឧទ្ធម្ភាគចក្រម្នាក់ ដែលបានជួយសង្គ្រោះទាហានបួននាក់ក្នុងអំឡុងសង្គ្រាមវៀតណាម។
លោកបៃដិននឹងជួបជាមួយប្រធានាធិបតី វ៉ូ វ៉ាន់ ធឿង (Vo Van Thuong) និងនាយករដ្ឋមន្ត្រី ផាំ មិញ ជិញ (Pham Minh Chinh) នៅថ្ងៃចន្ទ។
នៅលើសន្លឹកបៀ គឺ ការធ្វើឱ្យប្រសើរឡើងក្នុងទំនាក់ទំនងរវាងប្រទេសទាំងពីរ គឺតិចជាង ៥០ ឆ្នាំបន្ទាប់ពីការបញ្ចប់ជម្លោះដែលបានបណ្តាលឱ្យជនជាតិវៀតណាមរាប់លាននាក់និងទាហានអាម៉េរិកចំនួន ៥៨.០០០ នាក់ស្លាប់។
ពួកមេដឹកនាំត្រូវបានរំពឹងថានឹងចុះហត្ថលេខាលើ “ភាពជាដៃគូយុទ្ធសាស្ត្រគ្រប់ជ្រុងជ្រោយ” ដែលជាទំនាក់ទំនងការទូតកម្រិតខ្ពស់បំផុតរបស់រដ្ឋាភិបាលក្រុងហាណូយ។
លោក ហ្គ្រេហ្គោរី ផូលីង (Gregory Poling) នៃមជ្ឈមណ្ឌលសិក្សាយុទ្ធសាស្ត្រនិងអន្តរជាតិបាននិយាយថា សម្រាប់វៀតណាម ទីតាំងរបស់ប្រទេសនេះក្នុងនាមជាដៃគូក្នុងឋានានុក្រមនៃទំនាក់ទំនងការទូតគឺមានសារៈសំខាន់ណាស់។
បច្ចុប្បន្ន វៀតណាមមានទំនាក់ទំនងក្នុងកម្រិតស្មើគ្នាជាមួយរុស្ស៊ី ឥណ្ឌា កូរ៉េខាងត្បូង និងចិន។
ហើយគឺប្រទេសចិនដែលលោកបៃដិនមាននៅក្នុងចិត្តនៅក្នុងដំណើរទស្សនកិច្ចនេះ ខណៈរដ្ឋាភិបាលក្រុងប៉េកាំងនៅតែបន្តកិច្ចខិតខំប្រឹងប្រែងយ៉ាងខ្លាំងដើម្បីពង្រីកឥទ្ធិពលរបស់ខ្លួននៅក្នុងតំបន់អាស៊ី។
ចិន ដែលធ្វើសង្គ្រាមជាមួយវៀតណាមនៅចន្លោះឆ្នាំ ១៩៧៤ ដល់ ១៩៨៨ ក៏មិនបន្ធូរបន្ថយនោះដែរ។
សប្តាហ៍នេះ ចិនបានបញ្ជូនគណៈប្រតិភូជាន់ខ្ពស់ទៅកាន់ប្រទេសវៀតណាម ដើម្បី “ពង្រឹងសាមគ្គីភាពនិងកិច្ចសហប្រតិបត្តិការ” នេះបើយោងតាមប្រព័ន្ធផ្សព្វផ្សាយរដ្ឋរបស់ចិន។
លោក ង្វៀន គួក គួង (Nguyen Quoc Cuong) ឯកអគ្គរដ្ឋទូតវៀតណាមប្រចាំនៅសហរដ្ឋអាម៉េរិកពីឆ្នាំ ២០១១ ដល់ឆ្នាំ ២០១៤ បាននិយាយថា ទោះយ៉ាងណាក៏ដោយ វៀតណាមនឹងមិនមានបំណងដើរតួនាទីក្នុងការធ្វើឱ្យមានតុល្យភាពរវាងរដ្ឋាភិបាលក្រុងវ៉ាស៊ីនតោននិងក្រុងប៉េកាំងនោះទេ។
លោកគួងបាននិយាយថា “វៀតណាមមានគោលនយោបាយច្បាស់លាស់ណាស់ក្នុងការរាប់អានមិត្តទាំងអស់។ វៀតណាមតែងតែនិយាយថា យើងមិនប្រកាន់បក្ខពួកទេ មិនជ្រើសរើសអាម៉េរិកប្រឆាំងនឹងចិនទេ។ អាម៉េរិកដឹងច្បាស់អំពីរឿងនេះ”។
ប៉ុន្តែលោកបៃដិនកំពុងភ្នាល់ថា វៀតណាមនឹងមិនប្រកាន់ដែលនៅកៀកនឹងវ៉ាស៊ីនតោនជាងនោះទេ នៅពេលដែលការអះអាងដែនសមុទ្រដ៏ធំរបស់ចិននៅក្នុងសមុទ្រចិនខាងត្បូងជាន់លើការអះអាងរបស់វៀតណាមផងដែរ៕
កាលពីថ្ងៃអង្គារលោកបៃដិនផ្តល់មេដាយកិត្តិយសយោធាថ្នាក់កំពូលរបស់សហរដ្ឋអាម៉េរិកដល់អ្នកបើកបរឧទ្ធម្ភាគចក្រម្នាក់ ដែលបានជួយសង្គ្រោះទាហានបួននាក់ក្នុងអំឡុងសង្គ្រាមវៀតណាម