ដោយៈ ប.ជ័យ / បន្ទាយមានជ័យៈ នៅខេត្តបន្ទាយមានជ័យ ការប្រមូលផលស្រូវ រដូវវស្សា ឆ្នាំ២០២៣ បាន១០០%ហើយ។ លោកប្រធានមន្ទីកសិកម្ម រុក្ខាប្រមាញ់ និងនេសាទខេត្តបន្ទាយមានជ័យជម្រាបជូនដូច្នេះ ចំពោះលោក ឌិត ទីណា រដ្ឋមន្ត្រីក្រសួងកសិកម្ម និងប្រតិភូ ដែលចុះមេីលការប្រមូលផលស្រូវរបស់កសិករ នៅក្នុងភូមិសាស្រ្ត ស្រុកភ្នំស្រុកខេត្តបន្ទាយមានជ័យ កាលពីថ្ងៃទី១១ ខែកញ្ញា ឆ្នាំ២០២៣ ។
លោករដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ ព្រមទាំងប្រតិភូ ត្រូវបានអម ដំណេីរដោយលោក ឃ្លោក នួយ អភិបាលរងខេត្តតំណាងលោក អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ លោក ប៉ាង វណ្ណាសេដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត អញ្ជេីញចុះមេីលការបង្កបង្កេីនផលស្រូវ ព្រមទាំងបាន ជួបសំណេះសំណាល ជាមួយបងប្អូនប្រជាកសិករ ដែលកំពុងប្រមូលផលស្រូវ នៅក្នុងភូមិសាស្រ្ត ស្រុកភ្នំស្រុក ខេត្តបន្ទាយមានជ័យ។
លោករដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទ ក៏បានណែនាំដល់កសិករ ត្រូវជ្រេីសរេីសប្រើប្រាស់ពូជស្រូវសុទ្ធ ពូជស្រូវល្អ ដូចជាសែនក្រអូប និងផ្ការំដួលដែលជា ពូជស្រូវយុទ្ធសាស្ត្ររបស់ខ្មែរ ដេីម្បីទទួលបានទន្និផលខ្ពស់ និងមានតម្រូវការទីផ្សារ។
លោករដ្ឋមន្ដ្រីក្រសួងកសិកម្ម បានបញ្ជាក់ថាៈ ការជ្រើសរើសពូជស្រូវសុទ្ធ ដូចជា សែនក្រអូប និងផ្ការំដួល គឺជួយដល់កសិករទទួលបានទន្និផល និងបង្កើនផលចំណេញ សម្រាប់កសិករ មួយវិញទៀត វាក៏មានតម្រូវទីផ្សារនិងមានតម្លៃល្អផងដែរ។
ក្រៅពីការចុះពិនិត្យមេីលការបង្កបង្កេីនផលស្រូវរបស់កសិករ លោកឌិត ទីណា រដ្ឋមន្ត្រីក្រសួងកសិកម្ម ក៏បានចុះពិនិត្យមេីលស្ថានភាពភូមិសាស្រ្ត នៅតាមបន្ទាត់ព្រំដែន ដោយលោក បានផ្តោតសំខាន់លេីប៉ូលសេដ្ឋកិច្ចទី៤ រួមមាន ខេត្តបន្ទាយមានជ័យ បាត់ដំបង ពោធិ៍សាត់ និងខេត្តបៃលិនព្រាមទាំងបានពិនិត្យមេីលយុទ្ធសាស្រ្ត នៃការនាំចេញ-នាំចូលតាមព្រំដែន ពិសេសផ្តោតសំខាន់លេីផលិតផលកសិកម្ម ដែលកសិករផលិតបាន ដេីម្បីធ្វេីការនាំចេញ ទៅក្រៅប្រទេស។
យោងតាមរបាយការណ៍របស់លោក ប៉ាង វណ្ណសេដ្ឋ ប្រធានមន្ទីកសិកម្ម រុក្ខាប្រមាញ់ និងនេសាទខេត្តបន្ទាយមានជ័យបានបង្ហាញថា ក្នុងឆ្នាំ២០២៣ ការងារដាំដុះដំណាំ កសិកម្ម ដំណាំស្រូវរដូវវស្សា ផែនការដាំដុះ ២៥២.៣២០ ហិកតា, ភ្ជួររាស់បានសរុប ២៥៥.៣៤១ ហិកតា, ដាំដុះសរុប ២៥២១៦៣៦ ហិកតា។ ការប្រមូលផលស្រូវ (ដើមរដូវ) សរុប ២២៦.៧៤៥ ហិកតា ស្មើនឹង ១០០% នៃផែនការ ហើយបរិមាណ ផលសរុប ៧៦៨.៧២៥ តោន ។
ដោយឡែក ដំណាំស្រូវដូវប្រាំង ផែនការដាំដុះ មានចំនួន ២២.០០០ ហិតតា, ភ្ជួររាស់បានសរុប ៥២.៣៩៩ ហិកតា ដាំដុះសរុប ៥២.៣៩៩ ហិកតា ស្មើនឹង ២៣៨,១៨ ភាគរយ នៃផែនការ៕ V / N
