ប្រែសម្រួល : កញ្ញាដាលីស (ដេល្លីម៉េល) ៖ លក្ខណៈពិសេសមួយក្នុងចំណោមមុខងារថ្មីៗដែលបានបង្ហាញនៅក្នុងព្រឹត្តិការណ៍ Apple ដែលរំពឹងទុកយ៉ាងខ្លាំងនៅថ្ងៃទី ១២ ខែកញ្ញា គឺជួយអ្នកប្រើប្រាស់នាំផ្លូវពួកគេទៅកាន់អ្នកប្រើប្រាស់ផ្សេងទៀតដែលបានចែករំលែកទីតាំងរបស់ពួកគេ។
ការឆ្លើយតបទៅនឹងលក្ខណៈពិសេសនេះមានភាពវិជ្ជមានយ៉ាងទូលំទូលាយ បើទោះបីជាមានអ្នកខ្លះមើលឃើញថាវា “គួរតែចេញមកយូរណាស់មកហើយ”។
ព្រឹត្តិការណ៍នេះបានដាក់បង្ហាញនាឡិកា Apple Watch Series 9 នាឡិកា Apple Watch Ultra 2 ទូរស័ព្ទ iPhone 15 និង iPhone 15 Pro ។
ឧបករណ៍ទាំងបួននេះនឹងត្រូវបំពេញយ៉ាងពេញលេញជាមួយនឹង “បន្ទះឈីប Ultra wideband chip” ថ្មីដែល “បើកវិធីថ្មីទាំងស្រុងក្នុងការប្រើប្រាស់ការស្វែងរកទីតាំងជាក់លាក់”។
ឥឡូវនេះ អ្នកអាចនាំផ្លូវខ្លួនអ្នកទៅកាន់មិត្តភក្តិឬសមាជិកគ្រួសារដែលបានចែករំលែកទីតាំងរបស់ពួកគេជាមួយអ្នកនៅលើឧបករណ៍ដែលស្រដៀងគ្នា ហើយអ្នកអាចដើរតាមសញ្ញាព្រួញទៅកាន់ពួកគេ ដោយទូរស័ព្ទក៏វាប្រាប់អ្នកពីចម្ងាយទៅកាន់គោលដៅរបស់អ្នកដែរ។
អ្នកអត្ថាធិប្បាយម្នាក់នៅលើ X បាននិយាយថា “វាជាការរង់ចាំយូរមកហើយ ប៉ុន្តែឥឡូវនេះដោយហេតុថាពួកគេកំពុងធ្វើមុខងារកែលម្អថ្មីបែបនេះ តើពេលណាពួកវានឹងចេញមកឱ្យប្រើ? ខ្ញុំមានអារម្មណ៍ថាឆាប់ៗនេះហើយ”៕
iPhone 15 មានកម្មវិធីនាំផ្លូវអ្នកទៅកាន់មនុស្សដែលចែករំលែកទីតាំង