ប្រែសម្រួលៈបំណង(CNA)៖ ភាគហ៊ុនរបស់ក្រុមហ៊ុនអចលនទ្រព្យ China Evergrande Groupដែលជាប់បំណុលរាប់ពាន់លានដុល្លារ បានធ្លាក់ចុះ២៥ភាគរយនៅថ្ងៃចន្ទទី១៨កញ្ញា ក្រោយការចាប់ខ្លួននិយោជិតជាច្រើននាក់របស់ក្រុមហ៊ុននៅចិន។
ថ្លៃភាគហ៊ុនរបស់Evergrandeបានចុះដល់០,៤៧ដុល្លារហុងកុងក្នុងមួយហ៊ុនក្នុងពេលបើកផ្សារពេលព្រឹក ជាថ្លៃទាបបំផុតធៀបនឹងថ្លៃនៅកន្លះខែមកនេះ ។
ការធ្លាក់ថ្លៃនេះកើតឡើងពីរថ្ងៃក្រោយប៉ូលិសនៅទីក្រុងសិនចិនភាគខាងត្បូងបាននិយាយថា និយោជិតជាច្រើននាក់របស់សាខាEvergrandeគឺក្រុមហ៊ុន Evergrande Wealth Managementត្រូវបានចាប់ខ្លូន។
អាជ្ញាធរមិនបានបញ្ជាក់ចំនួនមនុស្សត្រូវបានចាប់ខ្លួនទេឬក៏បញ្ជាក់អំពីការចោទប្រកាន់ប្រឆាំងពួកគេទេ តែសេចក្តីថ្លែងការណ៍បានអំពាវនាវសាធារណជនអោយរាយការណ៍ករណីណាមួយដែលសង្ស័យថាជាការឆបោក។
Evergrandeក្រុមហ៊ុនអភិវឌ្ឍន៍អចលនទ្រព្យដែលជាប់បំផុតច្រើនបំផុតក្នុងលោក ដែលគិតត្រឹមចុងខែមិថុនាមានរហូតដល់៣២៨ពាន់លានដុល្លារ បានក្លាយជាស្នូលនៃវិបត្តិទីផ្សាររបស់ចិន និងត្រូវគេបារម្ភខ្លាចវារាលដាលទៅកាន់ផ្នែកផ្សេងៗនៃពិភពលោកថែមទៀត។
ធ្លាក់ជាតារាមួយដួងនៅក្នុងការជួយជំរុញកំណើនសេដ្ឋកិច្ចចិន បំណុលដ៏ធំរបស់ Evergrandeត្រូវបានរដ្ឋាភិបាលទីក្រុងប៉េកាំងមើលឃើញថាជាហានិភ័យដែលមិនអាចទទួលយកបានមួយសំរាប់ប្រព័ន្ធហិរញ្ញវត្ថុរបស់ប្រទេស។អាជ្ញាធរជាបណ្តើរៗបានរឹងបន្តឹងការទទួលបានឥណទានសំរាប់ក្រុមហ៊ុននេះចាប់តាំងពីឆ្នាំ២០២០ ហើយរលកនៃការមិនអាចបង់សងបំណុលបានបានកើតមានតាមក្រោយ សំខាន់ជាគេគឺEvergrandeនេះឯង។
កាលពីថ្ងៃសុក្រ និយ័តករហិរញ្ញវត្ថុចិនបានអនុញ្ញាតអោយក្រុមហ៊ុនធានារ៉ាប់រងយានយន្តរបស់រដ្ឋចិនHaigang Life Insuranceចូលកាន់កាប់សាខាធានារ៉ាប់រងរបស់Evergrandeគឺក្រុមហ៊ុន Evergrande Life Insurance៕
ឡូហ្គោក្រុមហ៊ុននៅលើស្នាក់ការក្រុមហ៊ុនChina Evergrande Group នៅក្រុងសិនចិន