ដោយៈភ្នំស្វាយ / បន្ទាយមានជ័យ៖ ឯកអគ្គរដ្ឋទូតសហរដ្ឋអាម៉េរិក ប្រចាំព្រះរាជាណាចក្សកម្ពុជាលោក ផាទ្រីក មើហ្វី( PATRICK MURPHY) នៅពីថ្ងៃទី១៨ខែកញ្ញាឆ្នាំ២០២៣ នេះបានអញ្ជើញបំពេញទស្សនកិច្ចនៅខេត្តបន្ទាយមានជ័យ ដែលជាដំណើរទស្សនកិច្ចលើកដំបូងក្នុងរាជរដ្ឋាភិបាលអាណត្តិទី៧ នៃរដ្ឋសភា នេះ ។
ក្នុងឱកាសនេះលោកឯកអគ្គរដ្ឋទូតនិងសហការីបានអញ្ជើញចូលរួមប្រជុំនិងជួបសំណេះសំណាល ពិភាក្សាការងារ នៅសាលាប្រជុំ( ខ )ខេត្តបន្ទាយមានជ័យ ជាមួយលោកប្លែក វ៉ារី ប្រធានក្រុមប្រឹក្សាខេត្ត លោក លី សុវណ្ណរិទ្ធ អភិបាលខេត្តស្តីទី និងមានការអញ្ជើញចូលរួមពីលោក លោកស្រី មន្ត្រីរាជការស្រុក/ក្រុង ទាំងប្រាំបួន នៃខេត្តបន្ទាយមានជ័យផងដែរ ។ក្នុងចំណោមថ្នាក់ដឹកនាំកងកម្លាំងប្រដាប់អាវុធ លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យក៏បានអញ្ជើញចូលរួមដែរ ។
ក្នុងជំនួបនេះលោក ផាទ្រីក មើហ្វី (HE. W. PATRICK MURPHY) បានថ្លែងថា ដំណើរទស្សនកិច្ចលើកនេះ ក៏ដូចលើកមុនៗដែរគឺជាដើម្បីពង្រឹងទំនាក់ទំនង កិច្ចសហប្រតិបត្តិការរវាងនិងសហរដ្ឋអាម៉េរិក និងកម្ពុជា គ្រប់កម្រិត ។ក្នុងនោះក៏ចង់ពិនិត្យមើលវឌ្ឍនភាព និងការប្រឈមរបស់ខេត្តបន្ទាយមានជ័យ។
លោក លី សុវណ្ណារឹទ្ធិ បានបង្ហាញជូនសង្ខេបពីស្ថានភាពទូទៅ សន្តិសុខ សេដ្ឋកិច្ច សង្គមកិច្ចនិងការវិវត្តិថ្មីរបស់ខេត្ត ហើយក៏ស្នើលោកទូតជួយនាំមកអ្នកវិនិយោគអាមេរិក មកមើលឱកាសវិនិយោគនៅក្នុងខេត្ត ។
ប្រតិភូទូតអាម៉េរិក ក៏បានអញ្ជើញទស្សនកិច្ចពិនិត្យវឌ្ឍនភាពនៃដំណើរការសាងសង់ហេដ្ឋារចនាសម្ព័ន្ធនៅច្រកទ្វារព្រំដែនអន្តរជាតិស្ទឹងបត់ ដែលនៅទីនោះលោកទូតបានជួបក្រុមការងារអនុវត្តគម្រោងនិងជួបមន្ត្រីអាជ្ញាធរ មន្ត្រីសមត្ថកិច្ចជំនាញនានា។និងកន្លែងមួយចំនួនទៀតផងដែរ ៕សរន / N
