ប្រែសម្រួល : កញ្ញាដាលីស (បាល់ទាត់) ៖ ខាងក្រោមនេះជាការប្រកួត ២ គូសម្រាំងក្នុងក្របខណ្ឌ English Premier League ជុំទី៦ សម្រាប់ថ្ងៃសៅរ៍។
– Manchester City vs Nottingham Forest
* Man City បានឈ្នះការប្រកួត Premier League ទាំង៥ របស់ពួកគេ។
* Man City របូតគ្រាប់បាល់ក្នុងរាល់ការប្រកួត៤លើកចុងក្រោយរបស់ពួកគេ។
* Forest មិនទាន់ខកខានស៊ុតចូលទីនៅក្នុងលីកទេ។
Manchester City បានចាប់ផ្ដើមយ៉ាងរឹងមាំក្នុងការការពារតំណែងជើងឯក Premier League របស់ពួកគេជាមួយនឹងជ័យជម្នះបើកឆាកទាំង ៥ លើក ខណៈ Nottingham Forest មាន ៧ ពិន្ទុពីការប្រកួតចំនួន ៥ លើករបស់ពួកគេ។
លោក Pep Guardiola គ្រូបង្វឹករបស់ City អាចនឹងផ្លាស់ប្តូរកីឡាករមួយចំនួនបន្ទាប់ពីការឈ្នះក្នុងកម្មវិធីបាល់ទាត់អឺរ៉ុបកាលពីពាក់កណ្តាលសប្តាហ៍លើក្រុម Red Star Belgrade ប៉ុន្តែសូម្បីតែក្រុមកីឡាករបម្រុងរបស់ពួកគេក៏នៅតែខ្លាំងពេកសម្រាប់ Forest ដែរ។
City គឺជាក្រុមដែលមានហាងឆេងទាបក្នុងការឈ្នះនៅទីនេះ ដូច្នេះជម្រើសល្អបំផុតគឺ គាំទ្រពួកគេឈ្នះហើយរបូតគ្រាប់បាល់។
Forest ស្មើ Man City ១-១ នៅពេលដែលក្រុមទាំងនេះជួបគ្នាលើកចុងក្រោយក្នុងខែកុម្ភៈនៅកីឡដ្ឋាន City Ground ហើយពួកគេបានស៊ុតបញ្ចូលទីក្នុងការប្រកួតទាំង ៥ នៃក្របខ័ណ្ឌ Premier League របស់ពួកគេនៅរដូវកាលនេះ រួមទាំងការស៊ុតចូលពេលចាញ់ក្រុម Arsenal និង Manchester United ។
Clean sheets គឺជាបញ្ហាមួយសម្រាប់ម្ចាស់ជើងឯក ខណៈដែលពួកគេបានរបូតគ្រាប់បាល់ក្នុងរាល់ការប្រកួតទាំង ៤ លើកចុងក្រោយរបស់ពួកគេនៅគ្រប់ការប្រកួតទាំងអស់ និងក្នុងការប្រកួតលីកចំនួន ៤ លើករបស់ពួកគេ ដូច្នេះ Forest យ៉ាងហោចណាស់អាចស៊ុតចូលគ្រាប់បង្គ្រប់កិច្ច។
Forest បានចាញ់ ៦-០ នៅពេលដែលពួកគេទៅលេងនៅផ្ទះរបស់ Manchester City កាលពីរដូវកាលមុន ប៉ុន្តែលទ្ធផលដដែលនេះមើលទៅមិនទំនងកើតឡើងម្តងទៀតទេ។ Man City នឹងចូលមកក្នុងការប្រកួតនេះបន្ទាប់ពីរាត្រីនៅអឺរ៉ុប ហើយជាមួយនឹងបញ្ជីរបួសដ៏វែង ដូច្នេះការឈ្នះ ៣-១ គឺជាការទស្សនទាយដ៏សមហេតុផល។
– Burnley vs Manchester United
* ការប្រកួតចំនួន៤លើកចុងក្រោយរបស់ Manchester United គឺរបូតគ្រាប់បាល់រហូត។
* ក្រុមទាំងនេះមាន Clean Sheet តែមួយគត់ក្នុងការប្រកួត Premier League ១០លើករួមបញ្ចូលគ្នា។
* Burnley របូតគ្រាប់បាល់យ៉ាងហោចណាស់៣គ្រាប់ក្នុងការប្រកួតលីកក្នុងផ្ទះទាំង៣លើកក្នុងរដូវកាលនេះ។
ក្រុម Manchester United បានរងបរាជ័យជាលើកទីបីជាប់ៗគ្នាក្នុងទីក្រុង Munich កាលពីថ្ងៃពុធ ប៉ុន្តែពួកគេអាចរកឃើញជ័យជម្នះឡើងវិញលើក្រុម Burnley ដែលមិនទាន់អាចឈ្នះការប្រកួតលីកក្នុងរដូវកាលនេះទេ បើទោះបីជាខ្សែការពាររបស់បិសាចក្រហមនៅតែរង្គោះរង្គើក៏ដោយ។
ក្រុមរបស់ Erik ten Hag ឥឡូវនេះបានរបូតដល់ទៅ ១៤ គ្រាប់នៅក្នុងការប្រកួតទាំងអស់នៅរដូវកាលនេះ ដោយរក្សា Clean Sheet បានតែម្តងប៉ុណ្ណោះ និងពឹងផ្អែកភាគច្រើនលើការស៊ុតខ្ជះខ្ជាយរបស់ Wolves ក្នុងសប្តាហ៍ទី ១ ដើម្បីធានាបានលទ្ធផលឈ្នះទល់សូន្យ។
ពិតណាស់ បិសាចក្រហមដែលមានបញ្ជីរបួសដ៏វែង ជួបកាលវិភាគប្រកួតលំបាកៗ ហើយគួរតែទទួលបានជោគជ័យនៅថ្ងៃសៅរ៍នេះ ប៉ុន្តែក្រុម Burnley បានស៊ុតបញ្ចូលទីក្នុងការប្រកួតលីកចំនួន ៣ ក្នុងចំណោមការប្រកួតចំនួន ៤ របស់ពួកគេ ហើយច្បាស់ណាស់នឹងគំរាមកំហែងសំណាញ់ទីរបស់ Andre Onana ។
ដូចគូប្រជែងរបស់ពួកគេដែរ បញ្ហាចម្បងរបស់ Burnley គឺខ្សោយខ្សែការពារ។ ពួកគេបានរបូតគ្រាប់បាល់ចំនួន ១២ គ្រាប់ក្នុងការប្រកួតលីកចំនួន ៤ លើករួមទាំងការរបូត ១១ គ្រាប់ក្នុងការប្រកួតក្នុងផ្ទះចំនួន ៣ លើកនៅចំពោះមុខអ្នកគាំទ្រដ៏ស្មោះត្រង់របស់ពួកគេ។
ដោយសារក្រុមទាំងពីរអន់ការពារដូចគ្នា លទ្ធផលដែល Man U ឈ្នះ ៣-១ គឺទំនងបំផុត៕
Man City រំពឹងឈ្នះជាលើកទី៦ក្នុង EPL ថ្ងៃសៅរ៍នេះ
