ដោយៈ ទេព មង្គល / ភ្នំពេញៈ លោកលាងឫទ្ធា ប្រធានកម្មវិធីជាតិប្រយុទ្ធនឹងជំងឺ គ្រុនឈាមនៃក្រសួងសុខាភិបាល បាននិយាយប្រាប់អ្នកសារព័ត៌មាន កាលពីថ្ងៃ ព្រហស្បតិ៍ ទី៥ ខែតុលា ឆ្នាំ២០២៣ថា ក្នុងរយៈពេល ៩ខែ នៃឆ្នាំ២០២៣ ករណីជំងឺ គ្រុនឈានៅកម្ពុជា មានចំនួន ២១.៥៦៨ ករណីដែលជាការកើនឡើង គួរឱ្យកត់ សម្គាល់ពី ១៨៤ ភាគរយឬស្មើនឹង ៧.៥៩៧ករណីក្នុងរយៈពេលដូចគ្នា កាលពីឆ្នាំមុន។
លោកប្រធានកម្មវិធីជាតិប្រយុទ្ធនឹងជំងឺគ្រុនឈាមនៃក្រសួងសុខាភិបាល បានបព្ជាាក់ថាៈ “ជំងឺនេះ បានសម្លាប់មនុស្ស ៣៨នាក់ក្នុងអំឡុងពីខែមករា ដល់ខែកញ្ញា ឆ្នាំនេះ កើនឡើងពីចំនួន ១៤នាក់ដែលបានស្លាប់ក្នុងរយៈពេលដូចគ្នា កាលពីឆ្នាំមុន” ។
លោកបានលើកឡើងថា ក្រោមការណែនាំរបស់លោកឈាងរ៉ា រដ្ឋមន្ត្រីក្រសួងសុខាភិ បាលមន្ទីរសុខាភិបាលខេត្តទូទាំងប្រទេសបានផ្តល់ថ្នាំអាបេតសម្រាប់ដាក់ក្នុងពាងឬអាងទឹកដើម្បីសម្លាប់ដង្កូវទឹកនៅតាមផ្ទះ និងបានបាញ់ថ្នាំសម្លាប់សត្វមូសតាំងពីខែសីហា មក។
លោកបានបន្តទៀតថា យើងបានធ្វើការយ៉ាងសកម្មជាមួយដៃគូអភិវឌ្ឍន៍និងអង្គការ នានា ដើម្បីទប់ស្កាត់ការរីករាលដាលនៃជំងឺគ្រុនឈាមនៅក្នុងប្រទេស។ ជំងឺគ្រុនឈាម គឺជាជំងឺដែលមានមេរោគឆ្លង តាមរយៈមូសខ្លាខាំនៅពេលថ្ងៃ។ ជំងឺនេះ បណ្តាលឱ្យមានសភាពធ្ងន់ធ្ងរដែលជាធម្មតា មានរោគសញ្ញា ដូចជាឈឺក្បាលក្តៅខ្លួនរហូតដល់ ៤០ អង្សាសេ អស់កម្លាំងឈឺសាច់ដុំនិងសន្លាក់ធ្ងន់ធ្ងរហើមក្រពេញក្អួតនិងកន្ទួលលើស្បែក។ នៅកម្ពុជា ជំងឺគ្រុនឈាមកើនឡើងខ្ពស់គឺនៅរដូវវស្សា ចាប់ពីខែឧសភា ដល់ខែតុលា
លោកប្រធានកម្មវិធីជាតិប្រយុទ្ធនឹងជំងឺគ្រុនឈាមនៃក្រសួងសុខាភិបា បានជំរុញឲ្យ ឪពុកម្តាយនាំកូនឈឺទៅកាន់មណ្ឌលសុខភាពឬមន្ទីរពេទ្យរដ្ឋក្នុងរយៈពេល ៤៨ ម៉ោងប្រសិនបើពួកគេសង្ស័យថាកូនរបស់ពួកគេ ឆ្លងមេរោគគ្រុនឈាម។ មិនតែ ប៉ុណ្ណោះ លោកបានអំពាវនាវដល់គ្រួសារទាំងអស់ ឱ្យចាក់ដីលុបកន្លែងដក់ទឹកនៅជុំវិញ ផ្ទះ ពីព្រោះកន្លែងទាំងនោះ ជាប្រភពនៃមូសខ្លា៕ V / N