ប្រែសម្រួលៈបំណង(ដេល្លីម៉េល)៖ យោធាអ៊ីស្រាអែលបានប្រកាសថា ខ្លួនបង្កើនការទម្លាក់គ្រាប់បែកលើតំបន់ហ្កាហ្សាដែលគ្រប់គ្រងដោយក្រុមហាម៉ាសកាលពីថ្ងៃសៅរ៍ នៅពេលតែប៉ុន្មានម៉ោងក្រោយរថយន្តដឹកជំនួយដំបូងបានចេញពីអេហ្ស៊ីបទៅដល់ហ្កាហ្សា ដោយនាំជំនួយចាំបាច់ដល់ជនស៊ីវិលនៅក្នុងបរិពន្ធភូមិខ្ទេចខ្ទាំដោយសង្គ្រាមនេះ។
យោធាអ៊ីស្រាអែលបាននិយាយថា ខ្លួនមានបំណងកាត់បន្ថយហានិភ័យដល់ទាហានអ៊ីស្រាអែលនៅពេលពួកគេចូលទៅក្នុងហ្កាហ្សានៅក្នុងសង្គ្រាមដំណាក់កាលបន្ទាប់ គឺការវាយប្រហារដោយកងកម្លាំងជើងគោលចូលបោសសម្អាតពួកសកម្មប្រយុទ្ធហាម៉ាស។
សូមបញ្ជាក់ថាពួកហាម៉ាសបានសម្លាប់មនុស្សយ៉ាងតិច១.៤០០នាក់នៅអ៊ីស្រាអែលក្នុងការវាយប្រហារដ៏ភ្ញាក់ផ្អើលកាលពីថ្ងៃ៧តុលា និងបានចាប់មនុស្សប្រមាណ២០០នាក់ជាចំណាប់ខ្មាំង។អ៊ីស្រាអែលបានសងសឹកដោយបានចាប់ផ្តើមការវាយប្រហារតាមផ្លូវអាកាស ជាមួយនឹងការទម្លាក់គ្រាប់បែកឥតឈប់ឈរអស់ពីរសប្តាហ៍មកនេះ ដោយសម្លាប់មនុស្សជាង៤.៣០០នាក់នៅហ្កាហ្សា ភាគច្រើនជាជនស៊ីវិល។
ក្រោយការវាយប្រហាររបស់ហាម៉ាស អ៊ីស្រាអែលបានបិទខ្ទប់ហ្កាហ្សាដោយកាត់ផ្តាច់ស្បៀង ទឹកនិងចរន្តអគ្គិសនី ព្រមទាំងប្រេងទៅកាន់ទឹកដីដែលមានជនប៉ាឡេស្ទីនរស់នៅប្រមាណ២,៤លាននាក់នេះ នាំអោយមានការព្រមានអំពីមហន្តរាយមនុស្សធម៌៕
យោអាអ៊ីស្រាអែលធ្វើយុទ្ធនាការកំទេចប្លុកអាគារនៅហ្កាហ្សាអោយរាបដល់ដី មុនរុញកងទ័ពជើងគោកចូល
ទាហានអ៊ីស្រាអែលរាប់ម៉ឺននាក់ត្រូវបានបញ្ជូនទៅកាន់ព្រំដែនហ្កាហ្សាមុនការវាយប្រហារជើងគោក ដែលពួកមន្ត្រីអះអាងថានឹងចាប់ផ្តើមក្នុងពេលឆាប់ៗ
កាលពីថ្ងៃសៅរ៍ រថយន្តធំប្រមាណ២០គ្រឿងដឹកជំនួយមនុស្សធម៌ពីអេហ្ស៊ីបចូលហ្កាហ្សាជាលើកដំបូង
