ដោយៈ ដកស្រង់ពីវចនានុក្រមសម្តេចសង្ឃរាជ ជួន ណាត
ឃូសៗ
ឧទានសព្ទ
សូរឮដោយគោះ, ដោយក្អកស្ងួត ( ម. ព. គឃូស ផង ) ។
ដងកន្ទុយ
នាមសព្ទ
តួកន្ទុយនៃសត្វចតុប្បាទប្រភេទខ្លះមានគោ, ក្របីជាដើម ដែលមានសក់កន្ទុយដុះនៅខាងចុង ( ម. ព.វាលៈ, វាលធិ និង សក់កន្ទុយ ផង ) ។
ធឺ
នាមសព្ទ
( យ. ) បែប, យ៉ាង, មុខ
មួយធឺ, ពីរធឺ; ធឺល្អ, ធឺអាក្រក់, របស់នេះមានប៉ុន្មានធឺ ?
មញ្ជេដ្ឋ
(ម័ញ-ជេត-ឋៈ ឬ –ជេត)
គុណសព្ទ
( បា. ; សំ. មញ្ជិឞ្ឋ ) ដែលមានសម្បុរហង្សបាទ គឺមានសម្បុរក្រហមប្រឿង
ព័ណ៌មព្ជោដ្ឋ ( ព័ណ៌ខ្លឹមស្បែង ) ។
ហប់
គុណសព្ទ
ដែលមានរបាំងរាំងផ្លូវខ្យល់ ពុំសូវមានខ្យល់ចេញចូល
ទីហប់, កន្លែងហប់ខ្យល់ ។
នាមសព្ទ
ប៉ែកផ្ទះពីខាងមុខឬពីខាងក្រោយបំផុតដែលតភ្ជាប់ពីមេដំបូល មានចែងឆ្វេងស្តាំ
ផ្ទះរោងមានហប់មុខ, ផ្ទះមានហប់មុខហប់ក្រោយ ។
កិរិយាសព្ទ
ឆ្ពុងរបស់អយោម័យឲ្យនៅក្នុងកម្ដៅភ្លើងដើម្បីមិនឲ្យច្រែះចាប់
ហប់បាត្រដែក ។
ដុតរបស់លោហម័យឲ្យរលាយក្នុងពុម្ពដើម្បីភ្ជិតស្នាមប្រេះឆាឬស្នាមបែក
ហប់ផ្តិលបែក ។
ចាប់ផ្អោបសរសៃធ្មៃ, សរសៃជក់ត្នោតជាដើម ត្រកួញដើម្បីវេញខ្សែ
ហប់ជក់ត្នោត ។