ប្រែសម្រួលៈបំណង(ដេល្លីម៉េល)៖ទាហានអ៊ីស្រាអែលម្នាក់ត្រូវបានរំដោះចេញពីកន្លែងឃុំខ្លួនរបស់ក្រុមហាម៉ាសនៅហ្កាហ្សាស្ទ្រីបក្នុងអំឡុងប្រតិបត្តិការជើងគោករបស់ខ្លួន។ទាហានស្រីដែលមានឈ្មោះអូរី មេហ្គីឌីស( Ori Megidish)ត្រូវបានចាប់ជាចំណាប់ខ្មាំងដោយពួកយុទ្ធជនហាម៉ាសចាប់តាំងពីថ្ងៃ៧តុលា។
ក្រោយត្រូវបានរំដោះនាងត្រូវបានបញ្ជូនទៅពិនិត្យសុខភាពនិងបង្ហាញថាមានសុខភាពល្អទេ។
យោធាអ៊ីស្រាអែលបានប្រកាសកាលពីថ្ងៃល្ងាចថ្ងៃចន្ទ ថាការរំដោះចំណាប់ខ្មាំងត្រូវបានធ្វើឡើងកាលពីយប់តែមិនបានបញ្ជាក់លម្អិតអំពីប្រតិបត្តិការទេ។
មុនការប្រកាសការរំដោះចំណាប់ខ្មាំងនេះ នាយករដ្ឋមន្ត្រីអ៊ីស្រាអែលលោក បេនចាមីន ណេតាន់យ៉ាហ៊ូ បាននិយាយថា កិច្ចខិតខំរំដោះចំណាប់ខ្មាំងជាង២០០នាក់ដែលក្រុមហាម៉ាសកំពុងឃុំទុក កំពុងធ្វើឡើងក្នុងអំឡុងប្រតិបត្តិការជើងគោកនៅហ្កាហ្សា ដែលលោកបាននិយាយថាវា«បង្កើតឳកាសដើម្បីឈានដល់ការដោះលែងពួកគេ ហើយយើងនឹងមិនបំភ្លេចពួកគេទេ»។
អូរី មេហ្គីឌីស ក្រោយត្រូវបានទាហានអ៊ីស្រាអែលរំដោះពីក្រុមហាម៉ាស
លោកណេតាន់យ៉ាហ៊ូ ក៏បានថ្កោលទោសវីដេអូ«ឃោសនាចិត្តសាស្ត្រដ៏ព្រៃផ្សៃ»មួយដែលត្រូវក្រុមហាម៉ាសបញ្ចេញកាលពីថ្ងៃចន្ទ ដែលបង្ហាញចំណាប់ខ្មាំងបីនាក់ដែលក្រុមនេះបានចាប់នាំទៅពីអ៊ីស្រាអែលកាលពីថ្ងៃ៧តុលា។
ប្រជាជនអ៊ីស្រាអែលអបអរចំពោះការរំដោះបានចំណាប់ខ្មាំង
רבים ממשיכים להגיע לחגיגות בבית משפחת מגידיש@ShaIsrael2 pic.twitter.com/3QyffHW6FQ
— גלצ (@GLZRadio) October 30, 2023
វីដេអូបង្ហាញស្ត្រីជាចំណាប់ខ្មាំងបីនាក់ អង្គុយជាប់នឹងជញ្ជាំងដោយស្ត្រីម្នាក់ថ្លែងសារទាំងកំហឹងប្រឆាំងនាយករដ្ឋមន្ត្រីអ៊ីស្រាអែល
វីដេអូបង្ហាញស្ត្រីបីនាក់ អង្គុយជាប់នឹងជញ្ជាំងដោយស្ត្រីម្នាក់ថ្លែងសារទាំងកំហឹងប្រឆាំងនាយករដ្ឋមន្ត្រីអ៊ីស្រាអែល។ដោយចោទប្រកាន់លោកណេតាន់យ៉ាហ៊ូ ថាបរាជ័យក្នុងការការពារពលរដ្ឋអ៊ីស្រាអែលក្នុងអំឡុងការវាយប្រហាររបស់ហាម៉ាស និងបរាជ័យក្នុងការនាំពួកគេវិលទៅស្រុកវិញ ស្ត្រីចំណាស់នេះបានអំពាវនាវអោយមានកិច្ចព្រមព្រៀងមួយដើម្បីធានាការដោះលែងចំណាប់ខ្មាំងជាថ្នូរនឹងអ្នកទោសប៉ាឡេស្ទីន។
នៅក្នុងសេចក្តីថ្លែងការណ៍ លោកណេតាន់យ៉ាហ៊ូ បានធ្វើការសន្យាជាថ្មីថានឹងខិតខំគ្រប់បែបយ៉ាងដើម្បីនាំចំណាប់ខ្មាំងទាំងអស់មកវិញ។
យោងតាមអាជ្ញាធរអ៊ីស្រាអែល ចំណាប់ខ្មាំង២៣៩នាក់ មានទាំងអ៊ីស្រាអែលនិងបរទេស ត្រូវពួកហាម៉ាសចាប់ជាចំណាប់ខ្មាំងក្នុងអំឡុងពេលឆ្មក់ចូលវាយប្រហារអ៊ីស្រាអែលខាងត្បូងកាលពីថ្ងៃ៧តុលា ដែលបានសម្លាប់មនុស្ស១.៤០០នាក់។
ចំណាប់ខ្មាំងបួននាក់ត្រូវបានក្រុមហាម៉ាសដោះលែងតាំងពីមុនមក តែកិច្ចខិតខំក្រោយឆាកដឹកនាំដោយកាតាដើម្បីអោយមានការដោះលែងបន្ថែមទំនងជាជាប់គាំងក្រោយអ៊ីស្រាអែលបើកប្រតិបត្តិការជើងគោកចូលហ្កាហ្សា៕