អាជ្ញាធរជាតិអប្សរា បានហាមឃាត់ការចែករំលែកវីដេអូ កាត់ត នៅប្រាសាទអង្គរវត្ត បង្ហោះក្នុងបណ្តាញសង្គម ធ្វើឱ្យប៉ះពាល់ដល់វប្បធម៌ និងបេតិកភណ្ឌ ដ៏ផូរផង់របស់កម្ពុជា
ដោយៈ ទេពមង្គល/ ភ្នំពេញៈ នៅថ្ងៃអាទិត្យ ទី ១២ ខែវិច្ឆិកា ឆ្នាំ២០២៣ អាជ្ញាធរជាតិអប្សារា បានចេញសេចក្តីជូនដំណឹងមួយ ពាក់ព័ន្ធនឹងការចែករំលែកវីដេអូ កាត់ត នៅប្រាសាទអង្គរវត្ត បង្ហោះក្នុងបណ្តាញសង្គម ធ្វើឱ្យប៉ះពាល់ដល់វប្បធម៌ និងបេតិកភណ្ឌ ដ៏ផូរផង់របស់កម្ពុជា ដោយបានអំពាវនាវសូមឱ្យចូល រួមចំណែកជួយ ទប់ស្កាត់ នូវករណីអវិជ្ជមាននានា ដែលកើតមានឡើង ក្នុងតំបន់រមណីយដ្ឋានអង្គរ ដែលជាកិច្ចជួយពង្រឹងនូវតម្លៃនៃ មរតកវប្បធម៌ ដែលជាដួងព្រលឹងរបស់ជាតិ ។
សេចក្តីជូនដំណឹង បានសរសេរថា អាជ្ញាធរជាតិអប្សរា មានកិត្តិយស សូមជម្រាប សាធារណជន មេត្តាជ្រាបថា ថ្មីៗនេះ មានការចែករំលែកក្នុងប្រព័ន្ធបណ្តាញទំនាក់ទំនង សង្គម នូវវីដេអូខ្លីថតនៅប្រាសាទអង្គរវត្ត អមដោយភ្លេង និងរូបភាពកាត់តបញ្ចូលផ្សេងៗ ដែលធ្វើឱ្យប៉ះពាល់ដល់វប្បធម៌ និងបេតិកភណ្ឌដ៏ផូរផង់របស់កម្ពុជា។