សភាមិនបញ្ចូលមូលនិធិជំនួយអ៊ុយក្រែនក្នុងច្បាប់ថវិការបស់ខ្លួនទេ តើវានឹងប៉ះពាល់សង្គ្រាមនៅអ៊ុយក្រែនកំរិតណា?
ប្រែសម្រួលៈបំណង(ដេល្លីម៉េល)៖អ៊ុយក្រែនមានហេតុផលតិចតួចដើម្បីអបអរនៅពេលពួកសមាជិកសភាអាម៉េរិកអនុម័តច្បាប់ថវិកាបណ្តោះអាសន្នមួយកាលពីថ្ងៃសៅរ៍ ដើម្បីបញ្ចៀសការបិទរដ្ឋាភិបាលតែបានផាត់ចេញជំនួយយោធា៦ពាន់លានដុល្លារដែលអ៊ុយក្រែនអះអាងថាខ្លួនត្រូវការចាំបាច់។ ឥឡូវ ក្រសួងការពារជាតិអាម៉េរិក សេតវិមាននិងសម្ពន្ធមិត្តអឺរ៉ុបកំពុងទទូចសុំសភាអោយប្រញាប់ប្រញាល់គិតគូររឿងនេះ។ពួកគេព្រមានថា បើអាម៉េរិកឈប់បញ្ជូនគ្រាប់រំសេវ គ្រឿងបន្លាស់និងប្រព័ន្ធការពារដែនអាកាស នោះអ៊ុយក្រែននឹងប្រឈមការចាញ់ប្រៀបនៅក្នុងប្រតិបត្តិការវាយបករបស់ខ្លួនលើកងកម្លាំងរុស្ស៊ី។ពួកគេលើកឡើងថា ការឈ្លានពានរបស់រុស្ស៊ីមិនបញ្ឈប់ត្រឹមអ៊ុយក្រែនទេ តែនឹងបន្តដល់ប្រជាជាតិដទៃទៀតរួមទាំងប្រទេសសម្ពន្ធមិត្តណាតូ ដែលវាបង្កគ្រោះណាស់។ ការជាប់គាំងនេះកើតឡើងនៅពេលក្រុមមេដឹកនាំក្រសួងការពារជាតិអាម៉េរិកត្រូវជួបប្រជុំនៅសប្តាហ៍ក្រោយជាមួយសម្ពន្ធមិត្តនៅក្រុងព្រុចសែល ដោយបញ្ហាអ៊ុយក្រែននឹងជាប្រធានបទក្តៅមួយ។ ចូរពិនិត្យមើលអ្វីដែលកបានផ្តល់អោយអ៊ុយក្រែនតាំងពីមុនមក និងអ្វីដែលកំពុងប្រឈមៈ...