លិខិតមិត្តអ្នកអាន៖ ការរំកិលសេវាលិខិតឆ្លងដែនដល់កាំជណ្តើរពលករនៅក្រៅប្រទេស ជាយុទ្ធសាស្ត្រដ៏មានប្រសិទ្ធិភាពថ្មីសម្រាប់ ពលករ ដែលគួរតែសាទរ
ភ្នំពេញ៖នៅក្នុងជំនួបសំណេះសំណាលជាមួយកម្មករ កម្មការិនីជិតពីរម៉ឺននាក់ នៅខេត្តកំពង់ស្ពឺកាលពីពេលថ្មីៗកន្លងទៅនេះ សម្ដេចធិបតីនាយករដ្ឋមន្ត្រី ហ៊ុន ម៉ាណែត បានប្រកាសអនុញ្ញាតឱ្យសមត្ថកិច្ចពាក់ព័ន្ធ រៀបចំធ្វើលិខិតឆ្លងដែនជូនពលករខ្មែរដែលកំពុងស្នាក់នៅ និងធ្វើការក្នុងប្រទេសកូរ៉េខាងត្បូងដល់ទីតាំងនោះផ្ទាល់តែម្តង ដើម្បីសម្របសម្រួលមធ្យោបាយ កាត់បន្ថយពេលវេលា ការចំណាយរបស់ពលករខ្មែរនៅទីនោះ។សម្ដេចនាយករដ្ឋមន្ត្រីមានប្រសាសន៍គូសបញ្ជាក់ថា លោកបានសម្រេចអនុញ្ញាតឱ្យរៀបចំធ្វើលិខិតឆ្លងដែន (Passport) បាននៅក្រៅប្រទេសតែម្ដង...