វប្បធម៌

ឯកអគ្គរាជទូត​នៃ​​ព្រះរាជាណា ចក្រ​ព្រុយ​ណេ​ប្រចាំ​នៅ​កម្ពុជា បានធ្វើ​ទស្សនកិច្ច​មកកាន់​”​បណ្ណាល័យ​សម្តេចម៉ែ​”

ដោយៈ​មជ្ឈមណ្ឌល​ឯកសារ​កម្ពុជា​/​ភ្នំពេញៈ​លោក ផេ​ន​ហ្គី​រេ​ន ខា​ស្មី​ហាន ផេ​ន​ហ្គី​រេ​ន ថា​ហ៊ី ឯកអគ្គរាជទូត​នៃ​ស្ថានទូត​ព្រះរាជាណាចក្រ​ព្រុយ​ណេ​ប្រចាំ​នៅ​កម្ពុជា បានធ្វើ​ទស្សនកិច្ច​មកកាន់ “​បណ្ណាល័យ​សម្តេចម៉ែ​” នៃ​វិទ្យាស្ថាន​ស្លឹករឹត​របស់​មជ្ឈមណ្ឌល​ឯកសារ​កម្ពុជា​កាលពី​ព្រឹក​ថ្ងៃទី​២០ ខែតុលា ឆ្នាំ​២០២០​។ ​ព្រុយ​ណេ​គឺជា​ប្រទេសមួយ​ស្ថិតក្នុង​ចំណោម​ប្រទេស​ជា​សមាជិក​អាស៊ាន​ទាំង​១០​។​ជា​ប្រទេស​ដែល​ប្រកាន់​របប​រាជាធិបតេយ្យ​មាន​ព្រះមហាក្សត្រ​គ្រងរាជ្យ​និង​កាន់អំណាច​។​ព្រុយ​ណេ​តែងតែ​ផ្តល់​ការគាំទ្រ​ដោយ​ប្រយោល​ជា​រៀងរហូត​មកដល់​ការងារ​របស់​មជ្ឈមណ្ឌល​ឯកសារ​កម្ពុជា​ក្នុង​ការសិក្សា​ស្រាវជ្រាវ​ទៅលើ​ជនជាតិ​ចាម​នៅ​កម្ពុជា​។​ប្រទេស​ព្រុយ​ណេ​គោរព​ប្រតិបត្តិ​សាសនា​អ៊ីស្លាម​។​គួររំឭកថា​ចាប់តាំងពី​ចាប់បដិសន្ធិ​មក​មជ្ឈមណ្ឌល​ឯកសារ​កម្ពុ​ជាមាន​បុគ្គលិក​កាន់សាសនា​អ៊ីស្លាម​សរុប​ប្រមាណ​១៥​ភាគរយ​នៃ​បុគ្គលិក​ទាំងអស់​។ បុគ្គលិក​ដែលមាន​ដើមកំណើត​ជា​ជនជាតិ​ចាម​មូស្លីម​ទាំងនេះ​បានធ្វើ​ការសិក្សា​ស្រាវជ្រាវ សរសេរ និង​បោះពុម្ព​សៀវភៅ​ផ្សេងៗ​ទាក់ទង​ជាមួយនឹង​សហគមន៍​របស់ខ្លួន​។...

របាយការណ៍​ប៉ាន់ប្រមាណ​អំពី​សត្វ​ផ្សោត​ទន្លេមេគង្គ​កម្ពុជា​នឹងត្រូវ​ផ្សព្វ​​ផ្សាយ​នៅ​ថ្ងៃទី​២២​តុលា​

ដោយៈ​បូព៌​ព្រឹក្ស​/​ភ្នំពេញៈ​កិច្ចប្រជុំ​ផ្សព្វផ្សាយ​ស្តីពី​ស្ថានភាព​សត្វ​ផ្សោត​ទន្លេមេគង្គ​កម្ពុជា​របាយការណ៍​នៃ​ការប៉ាន់ប្រមាណ​ឆ្នាំ ២០២០​នឹង​ប្រព្រឹត្តិ​ទៅ​នៅ​បន្ទប់​ប្រជុំ​នៃ​រដ្ឋបាល​ជលផល ក្រសួងកសិកម្ម​រុក្ខាប្រមាញ់​និង​នេសាទ នៅ​ព្រឹក​ថ្ងៃទី​២២ ខែតុលា ខាងមុខ​។​នេះ​បើ​យោងតាម​សេចក្តីជូនដំណឹង​រួមគ្នា​រវាង​រដ្ឋបាល​ជល​ផល​និង​អង្គការ​WWF-​កម្ពុជា​នៅ​ថ្ងៃទី​២០​ខែតុលា​នេះ​។​ព្រឹត្តិការណ៍​នេះ​ត្រូវបាន​អនុញ្ញាត​ឲ្យ​អ្នកសារព័ត៌មាន​ចូលរួមបាន​។​ ​កិច្ចប្រជុំ​នេះ​មាន​គោលបំណងៈ​១. បង្ហាញ​ចំនួន​ប៉ាន់ប្រមាណ​សរុប​នៃ​សត្វ​ផ្សោត​ទន្លេ​ក្នុង​ឆ្នាំ​២០២០,២. ផ្តល់​វេទិកា​ដល់​អ្នកសារព័ត៌មាន​ជាតិ និង​អន្តរជាតិ ដើម្បី​ស្វែងយល់​ពី​ការគ្រប់គ្រង និង​ការការពារ សត្វ​ផ្សោត​ទន្លេមេគង្គ​នាពេល​បច្ចុប្បន្ន​,៣. បង្កើន​ការចូលរួម​របស់​ស្ថាប័ន​ពាក់ព័ន្ធ និង​សាធារណៈជន​ទូទៅ​ក្នុងការ​រួមចំណែក​ដល់​ការ...

លោកស្រី​ឯកអគ្គរដ្ឋទូត​បារាំង​ប្រចាំ​កម្ពុជា​ដឹកនាំ​គណៈប្រតិភូ​មក​ធ្វើ​ទស្សនកិច្ច​នៅ​ការិយាល័យ​កណ្តាល​របស់​មជ្ឈមណ្ឌល​ឯកសារ​កម្ពុជា និង បណ្ណាល័យ​សម្តេចម៉ែ​

ដោយ​: ផាត ចាន់​សុ​និ​តា​/​ភ្នំពេញៈ​លោកស្រី អេ​វ៉ា ង្វៀន ប៊ិ​ញ ឯកអគ្គរដ្ឋទូត​នៃ​សាធារណរដ្ឋ​បារាំង​ប្រចាំ​នៅ​កម្ពុជា​បាន​ដឹកនាំ​គណៈប្រតិភូ​ចំនួន​១២​រូប មក​ធ្វើ​ទស្សនកិច្ច​នៅ​ការិយាល័យ​កណ្តាល​របស់​មជ្ឈមណ្ឌល​ឯកសារ​កម្ពុជា និង បណ្ណាល័យ​សម្តេចម៉ែ នៃ​វិទ្យាស្ថាន​ស្លឹករឹត​របស់​មជ្ឈមណ្ឌល​ឯកសារ​កម្ពុជា​កាលពី​ព្រឹក​ថ្ងៃទី​១៩ ខែតុលា ឆ្នាំ​២០២០​។​ ​ ​ប្រទេស​បារាំង...

ពិព័រណ៍​សត្វ​ស្លាប​កម្ពុជា លើក​ទី​២ ក្រោម​ប្រធានបទ “​ការមើល​សត្វ​ស្លាប ផ្សារភ្ជាប់​ជាមួយ​ទេសចរណ៍ធម្មជាតិ​”

​ដោយៈ គូលែន / សៀមរាបៈ ពិព័រណ៍​សត្វ​ស្លាប​កម្ពុជា លើក​ទី​២ ក្រោម​ប្រធានបទ “​ការមើល​សត្វ​ស្លាប ផ្សារភ្ជាប់​ជាមួយ​ទេសចរណ៍ធម្មជាតិ​” បាន​ប្រារព្ធ​ធ្វើ នៅ​ថ្ងៃទី​១៧ ខែតុលា ឆ្នាំ​២០២០ នៅ​ក្រុង​សៀមរាប ដោយមាន​ការចូលរួម...

​របៀប​ផ្តិត និង​សម្អាត​សិលាចារឹក​

​ដោយៈ គូលែន / សៀមរាបៈ ការងារ​ផ្តិត​សិលាចារឹក មិន​តម្រូវ​ទាល់តែ ជា​អ្នកបច្ចេកទេស បុរាណវិទ្យា អ្នកប្រវត្តិសាស្ត្រ ឬ អក្សរសាស្ត្រ ទើប​អាច​ផ្តិត​បាន​នោះឡើយ​។ វា​អាស្រ័យ​លើ​អ្នក ដែលមាន​ចិត្ត​អំណត់ និង​ប្រុងប្រយ័ត្ន...

អគ្គនាយកក្រុមហ៊ុន ចំរើន សម្បត្តិ ហែអង្គ កឋិនទាន មហាសាមគ្គីក្នុងពុទ្ធសីមាវត្តតាំងក្រសាំងខាងជើង

ដោយៈចាន់តូ/ភ្នំពេញៈ នៅរសៀលថ្ងៃទី១៨ ខែតុលា ឆ្នាំ២០២០ នេះ លោក ឃិត ឈឿនអគ្គនាយកក្រុមហ៊ុនចំរើនសម្បត្តិ និងផ្សារខេស៊ី លោកស្រី នៅ យ៉ន ព្រមទាំងក្រុមគ្រួសារបុគ្គលិក អាជីវករផ្សារ ប្រជាពុទ្ធបរិស័ទចំណុះជើងវត្ត បានមូលមតិគ្នាជាឯច្ឆ័នផ្ដួចផ្ដើមធ្វើបុណ្យកឋិនទាន មហាសាមគ្គីដើម្បីដង្ហែរទៅវេប្រគេន ព្រះសង្ឃដែលគង់ចាំព្រះវស្សាអស់កាលត្រីមាស ក្នុងពុទ្ធសីមាវត្ត តាំងក្រសាំងខាងជើង ស្ថិតនៅភូមិចំការឪឡឹកទី២ សង្កាត់កាកាបទី២ខណ្ឌពោធិ៍សែនជ័យ  ។ គួរបញ្ចាក់ផងដែរថា អង្គកឋិនទាននេះត្រូវបានប្រជាពុទ្ធបរិស័ទ តែងតែប្រារព្ធធ្វើតាមការកំណត់ដែលមានរយៈពេល២៩ថ្ងៃ គឺចាប់ពីថ្ងៃ១រោច ខែអស្សុជដល់ថ្ងៃ១៥កើតខែកត្ដឹក។ហើយបុណ្យកឋិននេះទៀតសោធគឺអ្នកផ្ដើមកសាងបុណ្យកឋិនទានទទួលបានអនិសង្ឃ៥យ៉ាង ។រីឯព្រះសង្ឃទទួលក្រាលគ្រងអង្គកឋិនទាននេះក៏ទទួលបានអនិសង្ឃ៥យ៉ាង៕សរន

សម្តេចព្រះធម្មលិខិតបណ្ឌិត សៅរ៍ ចន្ទថុល្ល បានបរិច្ចាគ បច្ច័យចំនួន ១២លានរៀល ជូន សម្តេចតេជោ ហ៊ុន សែន

       សម្តេចព្រះធម្មលិខិតបណ្ឌិត សៅរ៍ ចន្ទថុល្ល ព្រះរាជាគណៈថ្នាក់ឯក និងជាឧត្តមប្រឹក្សាគណៈមហានិកាយនៃព្រះរាជាណាចក្រកម្ពុជា និងជាព្រះចៅវអធិការត្តលង្កា កាលពីថ្ងៃទី១៧ ខែតុលាឆ្នាំ២០២០ មានសទ្ធាជ្រះថ្លា បានបរិច្ចាគបច្ច័យចំនួន ១២លានរៀល ជូន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដើម្បីរួមចំណែកជួយប្រជាពលរដ្ឋដែលរងផលប៉ះពាល់ ដោយគ្រោះធម្មជាតិ។   វត្តលង្កា ជាវត្តមួយក្នុងចំណោមវត្តជាច្រើន នៅក្នុងព្រះរាជាណាចក្រកម្ពុជា ដែលមានសទ្ធាជ្រះថ្លា បានរួមចំណែកបរិច្ចាគថវិកាជាមួយរាជរដ្ឋាភិបាលកម្ពុជា សម្រាប់ជួយប្រជាពលរដ្ឋដែលរងផលប៉ះពាល់ ដោយសារទឹកជំនន់។ វត្តអារាម មិនត្រឹមតែបានអប់រំផ្នែកពុទ្ធចក្រតែប៉ុណ្ណោះទេប៉ុន្តែសម្រាប់ផ្នែកអាណាចក្រ វត្តរាមក៏បានចូលរួមចំណែកជួយសម្រាលបន្ទុកសេដ្ឋកិច្ច និងជួយដោះស្រាយបញ្ហាសង្គម។ យោងតាមទន្និន័យរបស់គណៈកម្មាធិការជាតិគ្រប់គ្រងគ្រោះមហន្តរាយ បានបង្ហាញពីផលប៉ះពាល់ ខូចខាត ដោយសារគ្រោះធម្មជាតិ ទឹកជំនន់ គិតចាប់ពីថ្ងៃទី០១ ខែកញ្ញា ដល់ល្ងាចថ្ងៃទី១៧ ខែតុលា ឆ្នាំ២០២០ ៖ បានបង្ហាញថា ខេត្តដែលរងផលប៉ះពាល់ដោយសារទឹកជំនន់មាន១៩ រាជធានី-ខេត្ត ស្មើ ៧១ ក្រុង/ខណ្ឌ ក្នុងនោះ មានខេត្តពោធិ៍សាត់ ប៉ែលិន បន្ទាយមានជ័យភ្នំពេញ បាត់ដំបង ស្វាយរៀង ឧត្តរមានជ័យ សៀមរាប តាកែវ កំពង់ស្ពឺ មណ្ឌលគីរី ព្រះសីហនុកោះកុង ព្រះវិហារ ស្ទឹងត្រែង កំពង់ចាម កណ្តាល កំពង់ធំ និងកំពង់ឆ្នាំង។ ទឹកជំនន់នេះបានប៉ះពាល់ដល់ប្រជាជនប្រមាណ ៦១,៣៥៧ គ្រួសារ ស្មើប្រមាណ ២៤៥,៤២៨ នាក់ ។  ប្រជាជនជន្លៀសប្រមាណ ៧,៩៩៧ គ្រួសារ ស្មើប្រមាណ ២៦,៦០៨ នាក់ ។ ប៉ះពាល់ផ្ទះប្រមាណ ៥៩,២៦៨ខ្នង ។ ផ្ទះខូចខាត ៥៦ ខ្នង។ សាលាលិចទឹកប្រមាណ ៤៥៩ កន្លែង ។ ស្រូវលិចទឹកប្រមាណ១៦៩,០៨១ ហិកតា ។ ដំណាំលិចទឹកប្រមាណ ៧៣,២៩១ ហិកតា ។ ផ្លូវជាតិ ផ្លូវខេត្ត ផ្លូវក្រួសក្រហម ប៉ះពាល់ប្រមាណ ៣៤៤ គីទ្បូម៉ែត្រ។ ផ្លូវលំជនបទលិចទឹកប្រមាណ ១,៤៥៩ គីទ្បូម៉ែត្រ ។ស្ពានលិចទឹកប្រមាណ ២៤ កន្លែង។ ទំនប់ប៉ះពាល់ប្រមាណ ២២.៧ គីទ្បូម៉ែត្រ ។ ប្រទ្បាយមេប៉ះពាល់ ១៦៩.១ គីទ្បូម៉ែត្រ។ ប្រទ្បាយរងប៉ះពាល់ ១២៩.៣ គីទ្បូម៉ែត្រ។ ប្រទ្បាយស្រោចស្រពប៉ះពាល់ ៧៩.៦ គីទ្បូម៉ែត្រ។ ច្រាំងទន្លេ ប៉ះពាល់ ៤១០ គីទ្បូម៉ែត្រ៕សរន

ដាក់តាំងពិព័រណ៍សត្វស្លាបកម្ពុជា លើកទី២ ក្រោមប្រធានបទ «ការមើលសត្វស្លាបផ្សារភ្ជាប់ជាមួយទេសចរណ៍ធម្មជាតិ»

   ដោយៈមូលសម្បត្តិ/ភ្នំពេញៈកាលពីថ្ងៃទី១៧ ខែតុលាអគ្គនាយកដ្ឋានចំណេះដឹង និងព័ត៌មានបរិស្ថាន នៃក្រសួងបរិស្ថាន បានសហការជាមួយសមាគមមគ្គុទេ្ទសក៏សត្វស្លាបកម្ពុជា និងមានការគាំទ្រពីគម្រោងព្រៃឡង់បៃតង បានរៀបចំការតាំងពិព័រណ៌សត្វស្លាបកម្ពុជា ជាលើកទី២ ក្រោមប្រធានបទ «ការមើលសត្វស្លាបផ្សារភ្ជាប់ជាមួយទេសចរណ៍ធម្មជាតិ»  ក្រោមការដឹកនាំដោយលោកជួប ប៉ារីស៍ អគ្គនាយកចំណេះដឹង និងព័ត៌មានបរិស្ថាន ជាតំណាងលោកសាយ សំអាល់រដ្ឋមន្ត្រីក្រសួងបរិស្ថាន និងមានការចូលរួមពី លោក ង៉ាន់ ភិរុណ អភិបាលរងនៃគណៈអភិបាលខេត្ត លោក អ៊ុន ចក្រី អ្នកតំណាងនៃគម្រោង USAID ព្រៃឡង់ មន្ទីរបរិស្ថានខេត្តអង្គការដៃគូជាតិ-អន្តរជាតិ ស្ថាប័នពាក់ព័ន្ធផ្សេងៗ យុវជនកាកបាទក្រហម យុវជនសសយក ក្រុមកាយរិទ្ធ សិស្សានុសិស្ស ប្រជាសហគមន៍ ភ្ញៀវទេសចរណ៍ជាតិ-អន្តរជាតិ ក្រុមអ្នកថតរូបសត្វស្លាប និងធម្មជាតិ ប្រមាណជ២០០នាក់។  គោលបំណងនៃការរៀបចំពិព័រណ៌៍សត្វស្លាបនេះ គឺ ១.ផ្សព្វផ្សាយពីសក្តានុពលសត្វស្លាបកម្ពុជានៅតាមតំបន់ការពារធម្មជាតិក្នុងប្រទេសកម្ពុជាដល់សាធារណជន ។២.បង្កើនចំណេះដឹងដល់សាធារណជនអំពីសារសំខាន់នៃសត្វស្លាប និងការងារអភិរក្សនៅកម្ពុជា។៣.បណ្តុះចិត្តស្រឡាញ់និងការចូលរួមពីសាធារណជន ជាពិសេសយុជន ក្នុងការថែរក្សា និងអភិរក្សសត្វស្លាបនៅកម្ពុជា ។៤.ទាក់ទាញដល់វិស័យទេសចរណ៍នៅតាមតំបន់ការពារធម្មជាតិ ដោយរួមបញ្ចូលសកម្មភាពមើលសត្វស្លាប ដើម្បីលើកកម្ពស់ជីវភាពសហគមន៍។ លោក អ៊ុន ចក្រី តំណាងគម្រោងUSAID ព្រៃឡង់បៃតង បានមានប្រសាសន៍ថា ការអភិរក្សជីវៈចម្រុះ ដូចជាព្រៃឈើ សត្វព្រៃ និងសត្វស្លាបជាដើមនេះ គឺជាផ្នែកមួយស្ថិតក្នុងគោលដៅអភិរក្សរបស់គម្រោង USAID ព្រៃឡង់ ដែលផ្តោតទៅលើការការពារ និងអភិក្សធនធានធម្មជាតិផ្សេងៗនៅក្នុងតំបន់ទេសភាពព្រៃឡង់។ ថ្មីៗនេះ គម្រោងបានដាក់ប្រព័ន្ធកាមេរ៉ា ដើម្បីចាប់រូបភាពតាមដានអំពីប្រភេទសត្វស្លាបដែលមាននៅក្នុងព្រៃនៃតំបន់ការពារធនធានធម្មជាតិ ហើយជាលទ្ធផលយើងទទួលបានវត្តមាននៃប្រភេទសត្វស្លាបកម្រមួយចំនួន ដូចជា ត្រយ៉ងយក្ខ ត្រយ៉ងចង្រ្កមពណ៌ស ទាព្រៃស្លាបស ត្មាតជាដើម..។  ក្នុងឱកាសនោះ លោក ជួប ប៉ារីស៍ បានមានប្រសាសន៍ថា «ការអភិវឌ្ឍប្រកបដោយចីរភាពនៅក្នុងបរិបទសង្គម យើងចាំបាច់ត្រូវគិតគូរអំពីសសរស្តម ៣យ៉ាង គឺ ទី១.កត្តាសេដ្ឋកិច្ច ។ទី២.កត្តាសន្តិសុខ និងសុខុមាលភាពសង្គម និងទី៣.កត្តាបរិស្ថាន»។ លោកបានបន្ថែមទៀតថា  «ទេសចរណ៍ធម្មជាតិ បានដើរតួនាទីយ៉ាងសំខាន់ក្នុងការលើកកម្ពស់ជីវភាពរស់នៅរបស់ប្រជាសហគមន៍ និងបានរួមចំណែកក្នុងការការពារ និងអភិរក្សធនធានធម្មជាតិ ក៏ដូចជាការអភិវឌ្ឍន៍សង្គមជាតិ ហើយនៅក្នុងតំបន់ការពារធម្មជាតិនៃប្រទេសកម្ពុជា មានសក្តានុពលយ៉ាងខ្លាំងក្នុងការប្រែក្លាយទៅជាតំបន់ទេសចរណ៍សត្វស្លាប ដែលអាចទាកទាញភ្ញៀវទេសចរណ៍ជាតិ និងអន្តរជាតិ មកកំសាន្ត និងសិក្សាស្វែងយល់ពីការរស់នៅរបស់សត្វស្លាប។ កំណើននៃចំនួនភ្ញៀវទេសចរណ៍នេះ បានជួួយបង្កើនប្រាក់ចំណូលបន្ថែមដល់ប្រជាសហគមន៍ និងជាពិសេសបានលើកទឹកចិត្តសហគមន៍ក្នុងការចូលរួមថែរក្សា និងអភិរក្សសត្វស្លាបផងដែរ»។  គួរបញ្ជាក់ថាកម្មវិធីពិព័រណ៍សត្វស្លាបនេះ រៀបចំឡើងចំនួន២ថ្ងៃ ចាប់ពីថ្ងៃទី១៧ ដល់ថ្ងៃទី១៨ខែតុលានៅតាមបណ្តោយសួនច្បារមាត់ស្ទឹង នៃទីរួមខេត្តសៀមរាប ដោយមានស្តង់សម្រាប់ដាក់តាំងបង្ហាញនូវរូបភាពនៃប្រភេទសត្វស្លាបជាច្រើនប្រភេទ សៀវភៅគំនូរ សៀវភៅផ្សព្វផ្សាយអំពីបរិស្ថានផ្សេងៗ សមិទ្ធផល និងផលិតផលរបស់ប្រជាសហគមន៍ដែលរស់នៅក្នុងតំបន់ការពារនិងអភិរក្សធនធានធម្មជាតិ៕សរន

សត្វ​ចង្កៀលខ្យង​រាប់ម៉ឺន​ក្បាល​បង្ហាញ​វត្ត​មាននៅ​ស្រុក​បូរី​ជលសារ​និង​ស្រុក​កោះអណ្តែត​

ដោយៈ​បូព៌​ព្រឹក្ស​/​ភ្នំពេញៈ​តាមរយៈ​រូបថត​ជាច្រើន​សន្លឹក​ដែល​បង្ហាញ​នៅក្នុង​ផេ​ក​ផ្លូវការ​នៃ​ក្រសួងបរិស្ថាន​នៅ​ថ្ងៃទី​១៧​ខែតុលា​នេះ​បានសរសេរថា​នៅ​តំបន់ការពារទេសភាព​បឹង​ព្រែក​ល្ពៅ ក្នុងភូមិ​សាស្ត្រ ស្រុក​បូរី​ជលសារ និង​ស្រុក​កោះអណ្តែត នៃ​ទឹកដី​ខេត្តតាកែវ​មាន​សត្វ​ចង្កៀលខ្យង​រាប់ម៉ឺន​ក្បាល កំពុង​រស់នៅ​។ ពិសេស​បាន​បន្ត​ពូជ ធ្វើ​សម្បុក​នៅតាម​ដើម​រាំង​។ មាន​ដើម​រាំង​ខ្លះ​រហូតដល់​ទៅជិត​៥០​សម្បុក​។ មន្ត្រី​ឧ​ទ្យា​នុ​រក្ស​កំពុងតែ​យកចិត្តទុកដាក់​ក្នុងការ​ថែរក្សា​ការពារ​។​​ការរៀបរាប់​នេះ​បាន​យោង​លើ​សេចក្តីរាយការណ៍​របស់​មន្ទីរ​បរិស្ថាន​ខេត្ត​។ នេះគឺជាធនធានធម្មជាតិមួយដែលយើងត្រូវរួមគ្នារក្សាការពារ។សូមកុំប្រមាញ់វា៕​សរន​

សកម្មភាព​កម្មករ​ដឹក​ជញ្ជូន​ថ្ម​ទៅ​ជួសជុល​ប្រាសាទ​កណ្តាល​ស្រះស្រង់​

ដោយ​: គូលែន / សៀមរាប​: ប្រាសាទ​កណ្តាល​ស្រះស្រង់ បាន​ដំណើរការ​ជួសជុល​ឱ្យមាន​រូបរាង​ឡើងវិញ​កាលពី​អំឡុង​ខែឧសភា ឆ្នាំ​២០២០ ដោយ​អ្នកជំនាញ​អាជ្ញាធរ​ជាតិ​អប្សរា​។​មកដល់ពេលនេះ ក្រុមការងារ​បាន​រៀប​គ្រឹះ​ប្រាសាទ​ជិត​រួចរាល់​ហើយ​។ នេះ​គឺជា​លារ​បញ្ជាក់​អោយដឹងពី​អាជ្ញាធរ​ជាតិ​អប្សរា នា​ថ្ងៃទី​១៧ ខែតុលា ឆ្នាំ​២០២០​នេះ​។​ ​អាជ្ញាធរ​ជាតិ​អប្សរា បានអោយដឹងថា...