សេដ្ឋកិច្ច

​ក្រសួង​ធនធានទឹក​មាន​ទិន្នន័យ​គ្រប់គ្រាន់​សម្រាប់​បូម​ស្តារ​ទន្លេ​ឱ្យមាន​និរន្តរភាព​

ដោយៈ​ប​.​ខុន​/​ភ្នំពេញៈ​នៅពេល​អ្នកយកព័ត៌មាន​កាសែត​រស្មី​កម្ពុជា​សួរថា​៖​តើ​ក្រសួង​ធនធានទឹក​និង​ឧតុនិយម​យល់​យ៉ាងណា​ចំពោះ​ការសម្រេច​របស់​រាជរ​ដ្ឋា​ភិ​បាល​ឱ្យ​ក្រុមហ៊ុន​ចតុមុខ​រី​សសស៍​សឺ​ប​ផ្លា​យ​អ៊ី​ម​ផត​អិ​ច​ផត​ឯ​.​ក​បូម​ស្តារ​ខ្សាច់​ល្បាប់​ភក់​តាម​ដង​ទន្លេបាសាក់​ទន្លេមេគង្គ​ក្រោម​និង​ទន្លេមេគង្គ​លើ​? ​ចម្លើយ​របស់លោក​ម៉ៅ​ហាក់​អ្នកបច្ចេកទេស​ទន្លេ​រប​ស់​ក្រសួង​ធនធានទឹក​និង​ឧតុនិយម​បានបញ្ជាក់​នៅ​ថ្ងៃទី​១០​ខែមីនា​ឆ្នាំ​២០២០​ថា​៖​បើ​និយាយ​ពី​បច្ចេកទេស​គឺ​គ្មាន​បញ្ហា​ទេ​ព្រោះ​ស្ថានភាព​របស់​តួ​ទន្លេ​ទាំងបី​(​ទន្លេបាសាក់​ទន្លេមេគង្គ​ក្រោម​និង​ទន្លេមេគង្គ​លើ​)​ក្រសួង​ធនធានទឹក​និង​ឧតុនិយម​មាន​ទិន្នន័យ​គ្រប់គ្រាន់​។​ដោយសារ​ក្រសួង​បានធ្វើ​ការសិក្សា​ជាប្រចាំ​រាល់​ឆ្នាំ​អំពី​ការប្រែប្រួល​របស់​ទន្លេ​ទាំងនោះ​។​ ​មន្ត្រី​ខាងលើ​បាន​បញ្ជាក់ថា​ទិន្នន័យ​ថ្មី​បំផុត​អំពី​ស្ថានភាព​ទន្លេ​ទាំងបី​ត្រូវ​ក្រសួង​បានធ្វើការ​យ៉ាង​លម្អិត​នៅក្នុង​ឆ្នាំ​២០១៩​បន្ទាប់ពី​រាជរដ្ឋាភិបាល​ឱ្យធ្វើ​ការសិក្សា​ដើម្បី​ឈានទៅ​ធ្វើការ​បូម​ស្តារ​កន្លែង​ដែលមាន​ដីដុះ​បង្កឱ្យមាន​ការបាក់​ច្រាំង​និង​សាងសង់​ច្រាំងទន្លេ​កន្លែង​មានការ​ប្រឈម​នឹង​ការបាក់​ស្រុត​ខ្លាំង​ឡើងវិញ​។​ ព្រម​ពេល​ជាមួយនឹង​ការសិក្សា​នោះ​ច្រាំងទន្លេ​ដែល​បាន​បាក់​ជិត​ដល់​ផ្លូវជាតិ​បាក់​ដាច់​ផ្លូវ​សួនច្បារ​លំនៅដ្ឋាន​របស់​ប្រជាពលរដ្ឋ​និង​បង្គោល​ព្រំដែន​មួយចំនួន​ត្រូវបានធ្វើ​ការទប់ស្កាត់​ជា​បន្តបន្ទាប់​ដោយ​សាងសង់​ជា​បណ្តោះអាសន្ន​និង​រឹងមាំ​ក៏មាន​។​មន្ត្រី​បច្ចេកទេស​របស់​ក្រសួង​ជំនាញ​ខាងលើ​បានឱ្យដឹង​ទៀតថា​ក្រសួង​ធ ន​ធាន​ទឹក មាន​ទិន​ន្ន​ន័យ​ពី​ផ្កាយរណប​រូប​ពីលើ​យន្តហោះ​និង​ការចុះ​វាស់​ផ្ទៀង ផ្ទាត់​ទួ​រ​ទន្លេ​ជាក់ស្តែង ថ្មី​បំផុត​។​ ​រំលឹក​ឱ្យដឹងថា​កាលពី​ថ្ងៃទី​៥​ខែមីនា​ឆ្នាំ​២០២០​កន្លងទៅ​ទីស្តីការគណៈរដ្ឋមន្ត្រី​បាន​ជម្រាប​ដល់​រដ្ឋមន្ត្រីក្រសួង​ធនធានទឹក​និង​ឧតុនិយម​រដ្ឋមន្ត្រីក្រសួង​រ៉ែ​និង​ថាមពល​អំពី​ករណី​សំណើសុំ​គោលការណ៍​ដ៏​ខ្ពង់ខ្ពស់​ពីស​ម្តេច​អគ្គមហាសេនាបតី​តេ ជោ ហ៊ុនសែន នាយក​រដ្ឋ មន្ត្រី ចុះ​ធ្វើការ​បូម​ស្តារ​ខ្សាច់ ល្បាប់​ភក់...

នាវាធំៗចំនួន៥គ្រឿងដឹកវត្ថុធាតុដើម សម្រាប់រោងចក្រ បានចូល ចតនៅកំពង់ផែអន្តរជាតិសមុទ្រខេត្តព្រះសីហនុ

ដោយ:វណ្ណៈ/ព្រះសីហនុ ៖ អគ្គនាយករងកំពង់ផែស្វយត័ក្រុងព្រះសីហនុ លោកថៃ រិទ្ធី ក្នុងនាមថ្នាក់ដឹកនាំកំពង់ផែបានឲ្យដឹងថា នាវាទី១ដែល ដឹកសម្ភារវត្ថុធាតុដើមសម្រាប់វិស័យវាយនភណ្ឌកាត់ដេរនៅកម្ពុជា មកពីប្រទេសចិនបានបញ្ចប់ការផ្ទេរ លើកដាក់ទូ កុងតឺន័រផ្ទុកសម្ភាររួចរាល់ហើយ និងបានចាកចេញពីកំពង់ផែក្រុងព្រះសីហនុនៅវេលាម៉ោង១០ព្រឹកថ្ងៃទី១០ខែមីនាឆ្នាំ២០២០នេះ ហើយ។ ភ្លាមៗមន្ត្រីនិងក្រុមការងារបច្ចេកទេសខាងកំពង់ផែក៏បានចាត់ចែងដឹកជញ្ជូនទូ​កុង​តឺនរ័ផ្ទុកសម្ភារទាំងអស់នោះឆ្ពោះទៅគោលដៅកន្លែងផ្គត់ផ្គង់នៅរាជធានីភ្នំពេញ ជាការប្រញាប់ផងដែរ។...

ក្រោយ​មាន​ប្រព័ន្ធ​ស្រោចស្រព​ជំនួយ​ជប៉ុន​ពលរដ្ឋ​៣​ខេត្ត អាចធ្វើ​ស្រែ​១​ឆ្នាំ​២​ដង​

ដោយៈ​សុផល​/​ពោធិ៍សាត់​៖​គម្រោង​ស្ដារឡើងវិញ​នូវ​ប្រព័ន្ធ​ស្រោចស្រព​និង​ប្រព័ន្ធ​រំដោះ​ទឹក​នៅ​ខាងលិច​បឹង​ទន្លេសាប​ចំនួន​៦​ដែលជា​ជំនួយ​របស់​រដ្ឋាភិបាល​ជប៉ុន​ដែល​ស្ថិតនៅក្នុង​ខេត្តកំពង់ឆ្នាំង​-​ពោធិ៍សាត់​និង​បាត់ដំបង​។​ប្រព័ន្ធ​ស្រោចស្រព​នេះ​បាន​ជួយ​ឱ្យ​ប្រជាពលរដ្ឋ​ពិសេស​ប្រជាកសិករ​ទទួលបាន​ផលប្រយោជន៍​ជាច្រើន​ក្នុងការ​បង្កបង្កើនផល​។​ ជាមួយ​នោះ​ជួយ​បង្កើន​ទិន្នផល​ស្រូវ​និង​ទិន្នផល​កសិកម្ម​ផ្សេងៗ​ទៀត​។​មុនពេល​មាន​គម្រោង​ស្ដារឡើងវិញ​នូវ​ប្រព័ន្ធ​ស្រោចស្រព​ទាំងនេះ​ប្រជាពលរដ្ឋ​មានការ​ខ្វះខាត​ទឹក​ប្រើប្រាស់ និង​អាចធ្វើ​ស្រូវ​បានតែ​ម្តង​ប៉ុណ្ណោះ​ក្នុង​មួយឆ្នាំ​។ តែ​បន្ទាប់ពី​មាន​គម្រោង​នេះ ប្រជាកសិករ អាច​ដាំ​ស្រូវ​បាន​ពី​២​ដង​ក្នុង​មួយឆ្នាំ​។​ ​នៅក្នុង​កម្មវិធី​ដំណើរ​ទស្សនកិច្ច​របស់​អ្នកសារព័ត៌មាន​ដែល​ដឹកនាំ​ដោយ​JICA​ដើម្បី​ចុះ​ពិនិត្យមើល​គម្រោង​ស្ដារឡើងវិញ​នូវ​ប្រព័ន្ធ​ស្រោចស្រព​និង​ប្រព័ន្ធ​រំដោះ​ទឹក​នៅ​ខាងលិច​បឹង​ទន្លេសាប​ពីថ្ងៃ​៤​ដល់​៦​មីនា​២០២០​ថ្មីៗ​នេះ​។​លោក​AkioYamashita​ប្រធាន​គម្រោង​ស្ដារឡើងវិញ​នូវ​ប្រព័ន្ធ​ស្រោចស្រព​និង​រំដោះ​ទឹក​ប្រចាំខេត្ត​ទាំង​៣​បាន​ប្រាប់​អ្នកសារព័ត៌មាន​ឱ្យដឹងថា​៖​គោលបំណង​នៃ​គម្រោង​នេះ​គឺ​ដើម្បី​បង្កើន​ផលិតកម្ម​ស្រូវ​នៅក្នុង​តំបន់​នៃ​អនុ​គម្រោង​ចំនួន​៦​ក្នុង​តំបន់​ទន្លេសាប​ភាគ​ខាងលិច​។​ ​លោក​AkioYamashita​បាន​បន្តថា​តាមរយៈ​ការសាងសង់​និង​ស្តារឡើងវិញ​នូវ​ប្រព័ន្ធធារាសាស្ត្រ​ការបង្កើត​និង​ពង្រឹង​សហគមន៍​អ្នក​ប្រ​ប្រាស់​ទឹក​កសិករ​និង​ការបង្កើន​សមត្ថភាព​ក​សិ​ករ​ក្នុងការ​គ្រប់គ្រង​កសិដ្ឋាន​ដែល​ទាំងអស់នេះ​ចូលរួមចំណែក​ដល់​ការបង្កើន​ប្រាក់ចំណូល​កសិកម្ម​និង​កម្រិតជីវភាព​កសិក​រ​ក្នុង​តំបន់​គម្រោង​។​ ​ លោក Yamashita បានឱ្យដឹង​ទៀតថា​៖ គម្រោង​ទាំង​៦​នោះ​រួមមាន ៖ ២​គម្រោង​ស្ថិតក្នុង​ខេត្តបាត់ដំបង...

​ស្ត្រី​មេផ្ទះ​ម្នាក់​ជួប​សំណាង​ធំ​ឈ្នះ​រង្វាន់​១០​ម៉ឺន​ដុល្លារ​

ដោយ​៖​ដេប៉ូ​/​ភ្នំពេញ​៖​មនុស្ស​ម្នាក់ៗ​ពិតជា​មើល​សំណាង​មិនឃើញ​មែន​ដូចជា​ស្ត្រី​មេផ្ទះ​មួយរូប​រស់នៅ​រាជធានី​ភ្នំពេញ​បានឈ្នះ​ប្រាក់រង្វាន់​រហូតដល់​១០​ម៉ឺន​ដុល្លារ​គ្រាន់តែ​បាន​ផ្ញើ​សារ​ចូលរួម​ក្នុង​កម្មវិធី​”​ផ្ញើ​សារ​ឈ្នះ​ប្រាក់រង្វាន់​១​ម៉ឺន​ដុល្លារ​ជា​រៀងរាល់ថ្ងៃ​ពី​ក្រុមហ៊ុន​សែ​ល​កាត​”​ប៉ុណ្ណោះ​។​ ​ស្ត្រី​ដែលមាន​សំណាង​អាច​ឈ្នះ​ប្រាក់រង្វាន់​ធំ​រូបនេះ​មានឈ្មោះ​អ្នកស្រី​ព្រំ​លក្ខិណា​សព្វថ្ងៃ​រស់នៅ​ខណ្ឌចំការមន​រាជធានី​ភ្នំពេញ​។​ប្រាក់រង្វាន​ដ៏​ច្រើន​ដែល​គាត់​បានឈ្នះ​នេះដែរ​គឺ​បន្ទាប់ពី​គាត់​បាន​ចូលរួម​ផ្សងសំណាង​ផ្ញើ​សារ​ជាមួយ​ក្រុមហ៊ុន​សែ​ល​កាត​អស់​ជាច្រើន​ខែ​កន្លងមកនេះ​។​ គួរ​បញ្ជាក់ថា​ក្រុមហ៊ុន​សែ​ល​កាត​តែង​ធ្វើដំណើរ​ទៅ​ប្រគល់​រង្វាន់​ដល់​គេហដ្ឋាន​របស់​អតិថិជន​របស់ខ្លួន​ដែល​បានឈ្នះ​រង្វាន់​បន្តបន្ទាប់​។​ការចុះទៅ​ចែក​រង្វាន់​ផ្ទាល់ៗ​បែបនេះ​ដើម្បី​ចង់បង្ហាញ​ពី​ការ​ក្រុមហ៊ុន​របស់ខ្លួន​បានផ្តល់​រង្វាន់​ពិតៗ​ឥត​ក្លែងបន្លំ​នោះឡើយ​។​ព្រម​ជាមួយគ្នានេះ​ដើម្បី​ឈ្នះ​រង្វាន់​១​ម៉ឺន​ដុល្លារ​អាមេរិក ជា​រៀងរាល់ថ្ងៃ ពី​ក្រុមហ៊ុន សែ​ល​កាត​អតិថិជន​របស់​ក្រុមហ៊ុន​មួយ​នេះ​។​ ​គ្រាន់តែ ផ្ញើ​សារ​ជា​អក្សរ «10K» រួច​ផ្ញើ ទៅកាន់​លេខ «8888» ឬ ក៏​ទូរស័ព្ទ​ទៅកាន់​លេខ «8888»​នោះគេ...

សម្ដេច​តេ​ជោ​ស្នើ​ឲ្យ​មន្ត្រី​ពាក់ព័ន្ធ​ជួយ​សម្រួល​ដល់​ការដឹកជញ្ជូន​វត្ថុ​ធាតុ​ចូល​រោង​ចក្រ

​ដោយ​: លីន​ណា / ភ្នំពេញ​: សម្ដេច​តេ​ជោ ហ៊ុន សែន នាយករដ្ឋមន្ត្រី បានស្នើ​ឲ្យ​មន្ត្រី​ដែល​ពាក់ព័ន្ធ​ក្នុងការ​ដឹកជញ្ជូន ទាំង​គយ​ក្ដី ទាំង​ខាង​កំពង់ផែ​ក្ដី រហូតមក​ទីក្រុង​ភ្នំពេញ​ជួយ​សម្រួល​ក្នុង​ការដឹក​វត្ថុធាតុដើម ដើម្បី​ជៀសវាង​ការបិទ​រោងចក្រ និង​ព្យួរការងារ​។ អ៊ីចឹង​ទេ...

ស្ត្រី​មេផ្ទះ​និង​អ្នកលក់​អន​ឡាញ​ជាង​មួយ​ពាន់​នាក់​ជួបជុំគ្នា​នៅ​ថ្ងៃ​សិទ្ធ​នារី​

ភ្នំពេញៈ​ក្រុម​ស្ត្រី​មេផ្ទះ​ដែល​បាន​ប្រែក្លាយជា​អ្នកជំនួញ​រកស៊ី​លក់​ផលិតផល​តាម​អន​ឡាញ​ជាង​មួយ​ពាន់​នាក់​មកពី​ខេត្ត រាជធានី បាន​ជួបជុំគ្នា​ក្នុង​ពិធី​អបអរ​៨​មីនា​លើកកម្ពស់​សមភាព យេនឌ័រ​និង​សិទ្ធ​នារី​ជា​សកលលោក​។​ ​កាលពី​ថ្ងៃទី​៨ ខែមីនា ឆ្នាំ​២០២០ នៅ​អគារ​ព្រី​មៀរ​សែន​សុខ​ក្រុម​ស្ត្រី​មេផ្ទះ និង​អ្នកលក់​អន ឡាញ​ជាង​មួយ​ពាន់​នាក់​ជួបជុំគ្នា​ដើម្បី​អបអរ​ទិវា​៨​មីនា​។​អ្វី​ជាពិសេស​ជួបជុំគ្នា​ដើម្បី​ចែករំលែក​ចំណេះដឹង និង ទទួល​ការអប់រំ​លើក​ចិត្ត ។​ ​អ្នកស្រី ទ្រី...

អភិបាលខេត្ត​ចុះ​ពិនិត្យ​ការដ្ឋាន​សាងសង់​ផ្លូវ​៣​ខ្សែ​ក្នុង​ក្រុង​សៀមរាប​

​ដោយ​បាយ័ន​/​ខេត្តសៀមរាប​៖​កាលពី​ថ្ងៃទី​៩​ខែមីនា​ឆ្នាំ​២០២០​លោក​ទៀ​សីហា​អភិបាលខេត្ត​បាន​ដឹកនាំ​មន្ទីរ​អង្គ​ភាពចុះ​ពិនិត្យ​ការដ្ឋាន​សាសង់​ផ្លូវ​ចំនួន​៣​ខ្សែ​។​ក្នុងនោះ​ដោយ​ផ្លូវ​ទី​១,​ស្ថិត​ផ្លូវ​ភូមិ​តាវៀន​ចាប់ពី​ក្រោយ​ផ្សារលើ​កាត់​ផ្ទះ​តា​អុច​រហូតដល់​ផ្លូវ​វាង​ក្រុងមាន​ប្រវែង​១.២៥០​ម៉ែត្រ​ទទឹង​១០​ម៉ែត្រ​និង​ដាក់លូ​មុខកាត់​១​ម៉ែត្រ​(​លូ​ជ្រុង​)​។​ផ្លូវ​នេះ​អនុវត្តបាន​ប្រមាណ​៩៧​ភាគរយ​ដែលជា​គម្រោង​របស់​រដ្ឋ​បាល​ខេត្ត​ដោយ​សាងសង់​ប្រភេទ​ផ្លូវ​បេតុង​,​។​ ​ទី​២,​ផ្លូវ​ភូមិ​តាវៀន​ចាប់ពី​ផ្លូវ​៧​មករា​ចំណុច​ហាង​លក់​គ្រឿងសំណង់​លី​ហាំង​សេង​រហូតដល់​ក្រោយ​គ្លីនិក​នាគ​ទេ​ពម​ឋ​ន​ប្រវែង​៧៩០​ម៉ែត្រ​ទទឹង​៦,៥​ម៉ែត្រ​(​លូ​ជ្រុង​)​។​ផ្លូវ​នេះ​អនុវត្តបាន​ប្រមាណ​៣០​ភាគរយ​ដែលជា​គម្រោង​របស់​រដ្ឋ​បាល​ខេត្ត​ដោយ​សាងសង់​ផ្លូវ​ប្រភេទ​ផ្លូវ​បេតុង​។​ ទី​៣,​ផ្លូវ​ក្រវ៉ាត់​ក្រុង​ចាប់ពី​ចុង​កៅស៊ូ​រហូតដល់​ផ្លូវបំបែក​ជន្លង់​មាន​ប្រវែង​២.២៣០​ទទឹង​១៤​ម៉ែត្រ​អនុវត្តបាន​៦០​ភាគរយ​និង​ការដាក់​លូ​មូល​មុខកាត់​១​ម៉ែត្រ​តាម​បណ្តោយ​ផ្លូវ​អនុវត្តបាន​៧០​ភាគរយ​ដែលជា​គម្រោង​របស់​ក្រសួង​សាធារណការ​និង​ដឹកជញ្ជូន​ដោយ​សាងសង់​ផ្លូវ​ប្រភេទ​ផ្លូវ DBST​។​ ​សូមបញ្ជាក់​ផងដែរ​ថា គម្រោង​សាងសង់​ផ្លូវ ២​ខាងលើនេះ ស្ថិតក្នុង​ចំណោម​គម្រោង​ផ្លូវ​ទាំង ១៧ របស់​រដ្ឋបាល​ខេត្តសៀមរាប​ហើយ​គម្រោង​សាងសង់​ផ្លូវ​ផ្សេងៗ​ទៀត​បាន​នឹង​កំពុងដំណើរការ​ផងដែរ​។​ជាមួយនឹង​ការសាងសង់​នេះ​ឯកឧត្តម​អភិបាលខេត្ត​ក៏​ស្នើ​សុំឱ្យ​បងប្អូន​ចូលរួម​សហការ​ក្នុងការ​ពង្រីក​ទំហំ​ផ្លូវ​ដែល​កំណត់ដោយ​អាជ្ញាធរខេត្ត​។​ទន្ទឹមនឹងនេះ​លោក​អភិបាលខេត្ត​សូម​ធ្វើការ​យោគយល់​ពី​បងប្អូន​ខ្ពស់​ពី​សំណាក់​បងប្អូន​ដែល​បានរស់នៅ​តាម​បណ្តោយ​ផ្លូវ​នេះ​ដែលមាន​ការប៉ះពាល់​ដោយ​ក្រុមការងារ​សាងសង់​ផ្លូវ​នេះ​៕S/ ​រូបភាព​÷ អភិបាលខេត្ត​ចុះ​ពិនិត្យ​ការដ្ឋាន​សាងសង់​ផ្លូវ ៣​ខ្សែ​ក្នុង​ក្រុង​សៀមរាប​មាន​ផ្លូវ​ចុង​កៅស៊ូ ផ្លូវ​តា​អុច និង​ផ្លូវ​ខាងកើត​ផ្ទះ​លក់សំន​ង់​លី...

សភាពការណ៍​កូ​វីដ​១៩​ធ្វើឱ្យ​ចំណូល​ពន្ធ​ច្រកទ្វា​អន្តរជាតិ​មាន​ភាគរយ​ទាប​ជាង​ច្រកទ្វារ​ទ្វេភាគី​

ដោយ​បូកគោ​/​កំពត​៖​អំឡុងពេល​នៃ​ការផ្ទុះ​ឡើង​នូវ​ជំងឺ​កូ​វីដ​១៩​ប្រាក់ចំណូល​ពន្ធគយ​នៅ​ច្រកទ្វារ​អន្តរជាតិ​ព្រែក​ចាក​បែរជា​ស្ថិតក្នុង​លំដាប់​ភាគរយ​តិចជាង​ចំណូល​របស់​ច្រកទ្វារ​ទ្វេភាគី​ទាន់ហន់​ទៅវិញ​។ ប្រធាន​ច្រកទ្វារ​អន្តរជាតិ​ដ៏​សំខាន់​មួយ​នេះ​បាន​ក្រើនរំលឹក​ដល់​មន្ត្រី​ចំណុះ​ទីស្នាក់ការ​ត្រូវ​គិតគូរ​អំពី​សាមគ្គីភាព​ផ្ទៃក្នុង​ដើម្បី​រួមគ្នា​រកប្រាក់​ចំណូល​ជូន​រដ្ឋ​ឱ្យបាន​ស័ក្តិសម​នឹង​បរិមាណ​ទំនិញ​នាំចូល​។ ​ក្នុង​កិច្ចប្រជុំ​ប្រចាំខែ​កុម្ភៈ​កាលពី​ព្រឹក​ថ្ងៃទី​៩​ខែមីនា​ឆ្នាំ​២០២០​លោក​ង៉ែត​សាវឿន​ប្រធាន​ទីស្នាក់ការ​ត្រួតពិនិត្យ​ច្រកទ្វារព្រំដែន​អន្តរជាតិ​ព្រែក​ចាក​បាន​មានប្រសាសន៍ថា​នា​អំឡុងពេល​នៃ​ការផ្ទុះ​ឡើង​នូវ​ជំងឺ​កូ​វីដ​១៩​ប្រាក់ចំណូល​ពន្ធគយ​នៅ​ច្រកទ្វារ​អន្តរជាតិ​ព្រែក​ចាក​បែរ​ជាមាន​ភាគរយ​តិចជាង​ចំណូល​របស់​ច្រកទ្វារ​ទ្វេភាគី​ទាន់ហន់​ទៅវិញ​។​ក្នុងនោះ​ច្រកទ្វារ​ព្រែក​ចាក​បាន​ធ្លាក់​មក​ត្រឹម​១៨​ភាគរយ​ខណៈដែល​ច្រកទ្វារព្រំដែន​ទ្វេរ​ភាគី​ទាន់ហន់​ប្រមូលបាន​រហូតដល់​ទៅ​១២០​ភាគរយ​។ ​លោក​ប្រធាន​ទីស្នាក់ការ​បាន​ក្រើន​រំលឹកថា​ដើម្បី​ទប់ស្កាត់​រាល់​ល្បិចកល​របស់​ជនខិលខូច​និង​ក្រុម​ឈ្មួញ​ឆ្លៀតឱកាស​មួយចំនួន​នោះ​មន្ត្រី​គ្រប់ផ្នែក​ចំណុះ​ទីស្នាក់ការ​ទាំងមូល​ត្រូវ​រួម​សាមគ្គី​ផ្ទៃក្នុង​និង​បន្ត​កិច្ចសហការ​ក្នុងការ​អនុវត្ត​តួនាទី​ភារកិច្ច​ឱ្យបាន​ល្អប្រសើរ​បន្ថែមទៀត​។​ជាមួយនេះ​ក៏ត្រូវ​គោរព​និង​អនុវត្តតាម​ស្មារតី​នៃ​លិខិតបទដ្ឋាន​គតិយុត្ត​នានា ពិសេស​អនុក្រឹត្យ​លេខ​៦៤ អនក្រ​.​បក ចុះ​ថ្ងៃទី​៩ ខែកក្កដា ឆ្នាំ ២០០១​។​ ​ លោក​ង៉ែត​សារឿន​បាន​បន្តទៀតថា​មន្ត្រី​ក្នុង​ដែន​ជំនាញ​ត្រូវ​ប្រមូលគ្នា​មក​ត្រួតពិនិត្យ​ទំនិញ​និង​ឯកសារ​ផ្សេងៗ​នៅ​កន្លែង​តែមួយ​។​តាម​បញ្ជរ​នីមួយៗ​ត្រូវមាន​ស្លាក​ឈ្មោះ​អង្គភាព​ឬ​ស្ថាប័ន​ឈរជើង​ដើម្បី​ផ្តល់​ភាពងាយស្រួល​សម្រាប់​ប្រជាពលរដ្ឋ​ក៏ដូចជា​អ្នកដំណើរ​នានា​មក​ទទួល​សេវា​។​ ​ភាពប្រាកដប្រជា​សម្រាប់​កិច្ចការងារ​ជា​អាយុជីវិត​របស់​រាជរ​ដ្ឋា​ភិ​បាល​នេះ​គឺ​រាល់​មធ្យោបាយ​ដឹកជញ្ជូន​និង​ទំនិញ​ឆ្លងកាត់​ច្រកទ្វារ​អន្តរជាតិ​ព្រែក​ចាក​ដាច់ខាត​ត្រូវតែ​មានច្បាប់​អនុញ្ញាត​ជា​ចាំបាច់​។​និយាយ​រួម​មិនអាច​បណ្តែតបណ្តោយ​ឱ្យមាន​ភាព​លាក់​លៀប ស៊ុមគ្រលំ ឬ​ឃុបឃិត​គ្នា​កើតមាន​ជាដាច់ខាត​៕S/​

​នគរបាលចាប់បាន​រថយន្ដ​ដឹកឈើ​មួយគ្រឿងនៅខេត្តស្ទឹងត្រែង

ដោយ​:​សុខុម​/​ស្ទឹងត្រែង​:​កម្លាំង​ការិយាល័យ​ប្រឆាំង​បទល្មើស​សេដ្ឋកិច្ច​នៃ​ស្នងការដ្ឋាន​នគរបាល​ខេត្តស្ទឹងត្រែង ចាប់បាន​រថយន្ដ​ដឹកឈើ​ល្មើសច្បាប់​មួយគ្រឿង​នៅ​ថ្ងៃទី ៩​ខែមីនា​ឆ្នាំ​២០២០​។​ លោក​វរសេនីយ៍ឯក​វ៉ា​សុផាន់​នាយការិយាល័យ​ប្រឆាំង​បទល្មើស​សេដ្ឋកិច្ច​នៃ​ស្នងការដ្ឋាន​នគរបាល​ខេត្តស្ទឹងត្រែង​បាន​ប្រាប់ថា​រថយន្ត​ដឹកឈើ​នេះ​ដឹក​ចេញ​មកពី​ឃុំ​ស្រែគរ​ថ្មី​ឆ្លងកាត់​តាមផ្លូវ​ក្រាល​ក្រួស​ក្រហម​ឃុំ​ភ្លុក​ឃុំ​កំ​ភុ​ន​ឃុំ​សាម​ឃួ​យ​ស្រុក​សេ​សាន​ចូល​មករក​ទីផ្សារ​ក្នុង​ទី​រួម​ខេត្តស្ទឹងត្រែង​។​សមត្ថកិច្ច​យើង​ស៊ើប​ដឹង​ទើប​តាម​ក្រោយមក​ស្ទាក់​ចាប់បាន​នៅ​ទីប្រជុំជន​ភូមិ​រា​ជានុ​គោល​សង្កាត់​ស្ទឹងត្រែង ក្រុង​ស្ទឹងត្រែង​។​ ​ ក្រោយពី​បង្ក្រាប​រថយន្ត​និង​ឈើ​យើង​បានប្រគល់​ជូនទៅ​រដ្ឋបាល​ព្រៃឈើ​ខេត្ត​។​មន្ដ្រី​រដ្ឋា​បាល​ព្រៃឈើ​បាន​ប្រាប់ថា វត្ថុតាង ប្រភេទ​ឈើ​បេង មាន​ចំនួន​138​ដុំ ស្មើ 1,901 ( មួយ​ម៉ែត្រគូប​ប្រាំបួន​ផ្លាន​) បានប្រគល់​ជូន​ជំនាញ​រដ្ឋបាល​ព្រៃឈើ​ខេត្ត​ដោយឡែក​មធ្យោបាយ​បម្រើ​ឲ្យ​បទល្មើស​ជា​រថយន្ត​សាំ​យ៉ុង...

ស្ថានទូត​ចិន​បញ្ជាក់​អំពី​ការខិតខំ​ដោះស្រាយ​វិបត្តិ​កង្វះ​វត្ថុធាតុដើម​សម្រាប់​ឧស្សាហ៍កម្ម​កម្ពុជា​

​ដោយៈ ពិស្តារ​/​ភ្នំពេញៈ​ក្នុងនាម​ជា​បងប្អូន​ដែកថែប ប្រទេស​ចិន​បាន​កំពុងតែ​ចាត់វិធានការ​និង​សកម្មភាព​យ៉ាង​ឆាប់ រហ័ស​ក្នុងការ​ដោះស្រាយ​បញ្ហា​កង្វះ​វត្ថុធាតុដើម​ក្នុង​វិស័យ​វាយ​ន​ភណ្ឌ​នៅក្នុង​ប្រទេស​កម្ពុជា នេះ​គឺជា​ការបញ្ជាក់​របស់​ម​ន្ត្រី​ជាន់ខ្ពស់​នៅ​ស្ថានទូត​ចិន​ប្រចាំ​នៅ​កម្ពុជា កាលពី​ថ្ងៃទី ៩ ខែ មីនា ឆ្នាំ​២០២០​នៅក្នុង​ទំព័រ​ហ្វេ​ស​ប៊ុ​ក​ផ្លូវការ​របស់​ស្ថានទូត​ចិន​ប្រចាំ​កម្ពុជា ។​ លោក វូ ជូ​កាន (...