អាម៉េរិកប្រកាសទណ្ឌកម្មថ្មីលើអ៊ីរ៉ង់ ក្រោយវាយប្រហារមីស៊ីលលើមូលដ្ឋានទ័ពរបស់ខ្លួន
រដ្ឋបាលត្រាំកាលពីថ្ងៃសុក្រទី១០មករាបានប្រកាសរលកថ្មីនៃទណ្ឌកម្មលើអ៊ីរ៉ង់បន្ទាប់ពីការវាយប្រហារមីស៊ីលនៅសប្តាហ៍នេះដោយសាធារណរដ្ឋអ៊ីស្លាមមកលើមូលដ្ឋានទ័ពអាម៉េរិកនៅអ៊ីរ៉ាក់។ រដ្ឋមន្រ្តីក្រសួងការបរទេសអាម៉េរិកលោក ម៉ៃ ផមផេវ និងរដ្ឋមន្រ្តីក្រសួងហិរញ្ញវត្ថុលោក ស្តេវិន មេនូជីន បាននិយាយថាទណ្ឌកម្មថ្មីនឹងផ្តោតលើមន្រ្តីជាន់ខ្ពស់អ៊ីរ៉ង់ ៨ នាក់ដែលពាក់ព័ន្ធនឹងសកម្មភាព “បង្កអស្ថិរភាព” នៅមជ្ឈិមបូព៌ាក៏ដូចជាការវាយប្រហារដោយមីស៊ីលកាលពីថ្ងៃអង្គារ ដើម្បីសងសឹកចំពោះការដែលអាម៉េរិកសម្លាប់ឧត្តមសេនីយ៍ជាន់ខ្ពស់អ៊ីរ៉ង់ម្នាក់នៅក្នុងវាយប្រហារដោយដ្រូន។ លោកមេនូជីនបាននិយាយថាប្រធានាធិបតីដូណាល់ត្រាំនឹងចេញបទបញ្ជាប្រតិបត្តិមួយដើម្បីដាក់ទណ្ឌកម្មលើនរណាដែលពាក់ព័ន្ធនឹងវិស័យវាយនភណ្ឌសំណង់ផលិតកម្មឬរ៉ែរបស់អ៊ីរ៉ង់។ អាម៉េរិកក៏នឹងដាក់ទណ្ឌកម្មដាច់ដោយឡែកប្រឆាំងនឹងវិស័យដែកថែបនិងដែកផងដែរ។...