មេដឹកនាំអាស៊ានទទូចសុំអោយមីយ៉ាន់ម៉ាអនុញ្ញាតអោយតំណាងរបស់ខ្លួនចូលសម្របសម្រួល
ប្រែសម្រួលៈវាសនា៖ក្រុមមេដឹកនាំរបស់សមាគមនៃប្រជាជាតិអាស៊ីអាគ្នេយ៍(អាស៊ាន) នឹងបន្តជំរុញអោយអាជ្ញាធរមីយ៉ាន់ម៉ាអនុញ្ញាតអោយតំណាងពិសេសរបស់ខ្លួនចូលទៅក្នុងប្រទេសមីយ៉ាន់ម៉ាដើម្បីព្យាយាមសម្របសម្រួលភាគីដែលមានជម្លោះ នេះបើតាមពង្រាងសេចក្តីថ្លែងការណ៍របស់ប្រធានអាស៊ានដែលត្រូវចេញនៅជំនួបកំពូលអាស៊ាននៅសប្តាហ៍នេះ។ ពង្រាងសេចក្តីថ្លែងការណ៍ដែលទីភ្នាក់ងារសារព័ត៌មានក្យូដូទទួលបាន អំពាវនាវអោយរដ្ឋាភិបាលយោធាអនុវត្តការសន្យាតាំងចិត្តរបស់ខ្លួនចំពោះការមូលមតិគ្នា៥ចំណុច ដែលក្រុមមេដឹកនាំអាស៊ានបានព្រមព្រៀងគ្នាកាលពីខែមេសាដើម្បីជួយស្វែងរកដំណោះស្រាយមួយចំពោះវិបត្តិនយោបាយរបស់ប្រទេសជាសមាជិកមួយនេះ រួមមានការសម្រួលដល់ដំណើរទស្សនកិច្ចរបស់តំណាងពិសេសអាស៊ានប្រចាំមីយ៉ាន់ម៉ាដើម្បីស្ថាបនាជំនឿនិងទំនុកចិត្តជាមួយនឹងលទ្ធភាពចូលជួបគ្រប់ភាគីពាក់ព័ន្ធទាំងអស់។ ដំណើររបស់តំណាងពិសេសលោក អេរីវ៉ាន យូសូហ្វ នៅមិនទាន់ត្រូវអាជ្ញាធរមីយ៉ាន់ម៉ាអនុញ្ញាតនៅឡើយទេ ដោយសារតែមីយ៉ាន់ម៉ាមិនអនុញ្ញាតអោយលោកចូលជួបអតីតមេដឹកនាំស៊ីវិល អ៊ុងសាន ស៊ូជី និងមនុស្សមួយចំនួនទៀត។...