ព័ត៌មានអន្តរជាតិ

https://www.rasmeinews.com/wp-content/uploads/2020/11/world.png

ប្រេង​ឡើងថ្លៃ ក្រោយ​អ៊ីរ៉ង់​វាយប្រហារ​លើ​កងកម្លាំង​អាម៉េរិក​

​ថ្លៃ​ប្រេង​បាន​ហក់​ឡើង​សារ​ជា​ថ្មី​កាលពី​ព្រឹក​ថ្ងៃ​ពុធ ក្រោយ​ពី​អ៊ីរ៉ង់​វាយប្រហារ​កងកម្លាំង​អាម៉េរិក​នៅ​អ៊ីរ៉ាក់​ជា​ការឆ្លើយតប​នឹង​ការ​ដែល​ដ្រូ​ន​អាម៉េរិក​សម្លាប់​​ឧត្តមសេនីយ៍​កំពូលអ៊ី​រ៉ង់​កលា​ពី​សប្តាហ៍​មុន ជាហេតុ​នាំ​អោយ​មាន​ការ​ព្រួយបារម្ភ​អំពី​ការផ្ទុះ​ជម្លោះ​រាលដាល​និង​ប៉ះពាល់​ការផ្គត់ផ្គង់​ប្រេង​។​ ​ប្រេង​ឆៅ​Brent​បាន​កើនឡើង​១,៥៦​ដុល្លារ មក​នៅត្រឹម​៦៩,៨៣​ដុល្លារ ក្នុង​មួយ​បារ៉ែល ក្រោយ​ហក់​ដល់​៧១,៧៥​ដុល្លារ មួយ​ភ្លែត ។​ ​ប្រេង​ឆៅ​នៅ​ផ្សារ​អាម៉េរិក​(West Texas Intermediate )​បាន​ឡើង​១,២៥​ដុល្លារ មក​នៅត្រឹម​៦៣,៩៥​ដុល្លារ​ក្នុង​មួយ​បារ៉ែល បន្ទាប់​ពី​ហក់​ឡើងដល់​៦៥,៨៥​ដុល្លារ​។​...

តុលាការ​ឥណ្ឌា ​បញ្ជា​ឱ្យ​ប្រហារ ជីវិត​ពួក​អ្នក​ចាប់​រំលោភ​និស្សិត​លើ​រថយន្តក្រុង​ឆ្នាំ​២០១២

​តុលាការ​ឥណ្ឌា​កាលពី​ថ្ងៃ​អង្គារ​ទី​៧​ខែ​មករា បាន​បញ្ជា​ឱ្យ​ប្រហារជីវិត​បុរស​ចំនួន​៤​នាក់ ​ចំពោះ​ទោស​ចាប់រំលោភ​បូក​(​ជា​ក្រុម​)​និង​សម្លាប់​និស្សិត​សកល​​វិទ្យាល័យ​ម្នាក់​នៅ​លើ​រថយន្តក្រុង​ក្នុង​រដ្ឋធានី​ញូវដែលី​ កាលពី​ឆ្នាំ​២០១២​។ ការប្រហារជីវិត​នេះ នឹង​ធ្វើឡើង​នៅ​ថ្ងៃទី​២២​ខែ​មករា​។​ ​ពីដំបូង មនុស្ស​៦​នាក់​ត្រូវបាន​ចោទប្រកាន់​ពីបទ​ចូលរួម​ការចាប់រំលោភ​ដ៏​សាហាវ​នៅលើ​រថយន្តក្រុង​មួយ​ ប៉ុន្តែ​មនុស្ស​ម្នាក់​ត្រូវបាន​ដោះលែង​បន្ទាប់​​ពី​ការឃុំខ្លួន​មួយរយៈ​ខ្លី ដោយ​សារ​ជា​អនីតិជន និង​ម្នាក់​ទៀត​បាន​ធ្វើ​អត្តឃាត​ខណៈ​ពេល​រង់ចាំ​ការជំនំជម្រះ​ទោស​។​ ​កាលពី​ថ្ងៃ​អង្គារ ចៅក្រម​តុលាការក្រុង​ញូវដែលី លោក​សា​ទី​ស គូ​មារ...

នាយករដ្ឋមន្ត្រីថៃសុំឱ្យប្រជាជនងូតទឹកឱ្យតិច ខណៈគ្រោះរាំង​ស្ងួតកាន់តែអាក្រក់

នាយករដ្ឋមន្រ្តីថៃ​ លោកប្រាយុទ្ធ ចាន់អូចា កាលពីថ្ងៃអង្គារ ទី៧ មករា បានជំរុញឱ្យប្រជាជនបិទទឹកម៉ាស៊ីននិងងូតទឹកឱ្យតិចដើម្បីទប់ទល់នឹងគ្រោះរាំងស្ងួតដែលកំពុងប៉ះពាល់នៅខេត្តភាគខាងជើងនិងភាគកណ្តាលនៃប្រទេសថៃ។ កាលពីសប្តាហ៍មុន រដ្ឋាករទឹកក្រុងបាងកកបាននិយាយថាទឹកម៉ាស៊ីន​របស់ទីក្រុងបានប្រែទៅជាមានរសជាតិប្រៃ ខណៈទឹកសមុទ្របានរុញចូលមក​ច្រាំងទន្លេចៅប្រាយ៉ា ដែលជាប្រភពទឹកសំខាន់បំផុតសម្រាប់ថៃភាគកណ្តាល។ អ្នកនាំពាក្យរដ្ឋាភិបាលបានប្រាប់អ្នកយកព័ត៌មានថា​គណៈរដ្ឋមន្រ្តីបានព្រមព្រៀងកាលពីថ្ងៃអង្គារថានឹងចំណាយថវិកាចំនួន ៣ ពាន់លានបាត (១០០...

អាម៉េរិក​បញ្ជូន​​បុគ្គលិកអគ្គិភ័យ​ច្រើន​នាក់​បន្ថែមទៀត​ដើម្បី​ជួយ​ពន្លត់ភ្លើង​ឆេះ​ព្រៃ​នៅ​អូស្ត្រាលី​

​ក្រុមមន្ត្រី​បាន​និយាយ​កាលពី​ថ្ងៃ​អង្គារ​ទី​៧​មករា​ថា ពួកគេ​គ្រោង​នឹង​បញ្ជូន​ក្រុម​អ្នក​ពន្លត់ភ្លើង​១០០​នាក់​ផ្សេង​ទៀត​ទៅ​កាន់​ប្រទេស​អូស្ត្រាលី​ដើម្បី​ចូលរួម​​ជា​មួយ​ចំនួន​អ្នក​ពន្លត់​អគ្គិភ័យ​១៥៩​នាក់​របស់​ខ្លួន​នៅ​ប្រទេស​នេះ​រួចហើយ ដើម្បី​ជួយ​ពន្លត់ភ្លើង​ឆេះ​ព្រៃ​ដែល​រហូត​ដល់​ពេល​នេះ​បាន​សម្លាប់​មនុស្ស​២៥​នាក់​​និង​បំផ្លាញ​ផ្ទះ​២.០០០​ខ្នង​។​ ​ក្រុមប្រឹក្សា​អាជ្ញាធរ​សង្គ្រោះ​និង​អគ្គិភ័យ​អូស្ត្រាលី បានស្នើ​បញ្ជូន​ក្រុម​​អគ្គិភ័យ​នេះ​ជា​ផ្នែក​មួយ​នៃ​កិច្ចព្រមព្រៀង​ជួយ​គ្នា​ដែល​តាមរយ​កិច្ច​ព្រម​​ព្រៀង​នេះ អូស្ត្រាលី​បាន​បញ្ជូនបុគ្គលិក​អគ្គិភ័យ​អូស្ត្រាលី​ចំនួន​១៣៨ នាក់​ដើម្បី​ប្រយុទ្ធប្រឆាំង​នឹង​ភ្លើង​ឆេះ​ព្រៃ​នៅ​សហរដ្ឋ​អាម៉េរិក​កាលពី​ឆ្នាំ ២០១៨​។​ ​នៅពេលនេះ វា​ជា​រដូវក្តៅ​នៅ​ប្រទេស​អូស្ត្រាលី ហើយ​ដោយសារ​ភាពរាំងស្ងួត​និង​ក្តៅ​ខ្លាំង​នៅ​ឆ្នាំ​នេះ​នៅ​ប្រទេស​នេះ វា​បាន​បង្ក​ឱ្យ​ភ្លើង​ឆេះ​ព្រៃ​កាន់តែខ្លាំង​។​ ​សហរដ្ឋ​អាម៉េរិក អូស្ត្រាលី និង​នូវែ​លសេ​ឡង់...

សងសឹក​! អ៊ីរ៉ង់​បាញ់​កាំជ្រួច​ស្រោច​លើ​មូលដ្ឋានទ័ព​អាម៉េរិក​នៅ​អ៊ីរ៉ាក់​

​មូលដ្ឋាន​ទ័ពអាកាស អាយ​ណាល់ អា​សាត​(Ayn al-Asad ) ដែល​ជា​មូលដ្ឋាន​ទ័ព​អាកាស​ធំ​មួយ​របស់​អាម៉េរិក​នៅ​អ៊ីរ៉ាក់ បាន​រង​ការវាយប្រហារ​ដោយ​គ្រាប់​រ៉ុក្កែត​​ជា​ច្រើន​គ្រាប់ ​ពី​សំណាក់​កង​ឆ្មាំ​បដិវត្តន៍​អ៊ីរ៉ង់ ដើម្បី​ជា​ការ​សងសឹក​ការ​ដែល​អាម៉េរិក​សម្លាប់​ឧត្តមសេនីយ៍​ជាន់ខ្ពស់​អ៊ីរ៉ង់​​ម្នាក់​។​ ​មូលដ្ឋាន​ទ័ពអាកាស​អា​យ​ណាល់ អាសា​តរង​ការវាយប្រហារ​ដោយ​គ្រាប់​រ៉ុក្កែត ក្រោយ​អ៊ីរ៉ង់​បាញ់​កាំជ្រួច​ដាក់​កាលពីដើម​ថ្ងៃ​ពុធ​ ​នៅ​ព្រឹក​ថ្ងៃ​ពុធ​ទី​៨​មករា​នេះ​ កង​ឆ្មាំ​បដិវត្តន៍​អ៊ីរ៉ង់​(IRGC)​បាន​អះអាង​ទៅកាន់​ទូរទស្សន៍​Press TV​ថា...

ការ​ជាន់​គ្នា​សម្លាប់​មនុស្ស​៤០​នាក់​នៅ​បុណ្យសព​ឧត្តមសេនីយ៍​អ៊ីរ៉ង់​

​ការ​ជាន់​គ្នា​ឬ​បញ្ច្រៀត​គ្នា​រហូត​ដល់​ថប់ដង្ហើ​ម​នៅ​បុណ្យសព​ឧត្តមសេនីយ៍​ជាន់ខ្ពស់​អ៊ីរ៉ង់​កាលពី​ថ្ងៃ​អង្គារ​ទី​៧​មករា បាន​សម្លាប់​មនុស្ស​យ៉ាង​តិច​៤០​នាក់ និង​ជាង​២០០​នាក់​ទៀត​រងរបួស នៅពេល​មនុស្ស​រាប់​ម៉ឺន​នាក់​ចេញ​មក​ចូលរួម​បុណ្យសពទីប្រជុំកំណើតរបស់លោក​។​ ​ការជាន់​ឬ​បញ្ជៀ​ត​គ្នា​ដល់​ថប់ដង្ហើម​ស្លាប់​នេះ​បាន​កើតឡើង​នៅ​ទីក្រុង គឺ​ម៉ាន់ ដែល​ជា​ទីក្រុង​កំណើត​របស់ អតីត​មេបញ្ជាការ​កង​អង្គភាព​មួយ​នៃ​កង​ឆ្មាំ​​បដិវត្តន៍​អ៊ីរ៉ង់ លោក កា​សេម សូ​ឡេ​ម៉ានី នៅ​ពេល​ក្បួន​ដង្ហែ​សព​បាន​ចាប់ផ្តើម​។​ ​មិន​មាន​ព័ត៌មាន​ស្តីពី​មូលហេតុ​ដែលនាំអោយ​មាន​ការ​ជាន់​គ្នា​នេះ​នៅឡើយ​ទេ ។​ព័ត៌មាន​អន​ឡាញ​បង្ហាញ​មនុស្ស​ដេក​នៅលើ​ដី និង​មុខ​គ្រប​ដោយ​ក្រណាត់​​ហើយ​បុគ្គលិក​ជួយសង្គ្រោះ​បាន​អនុវត្ត​ការជួយ​បឋម​CPR...

អ៊ីរ៉ង់​ចាត់ទុក​កងកម្លាំង​អាម៉េរិក​ជា​ភេរ​វករ​និង​គំរាម​ដុត​ទីតាំង​គាំទ្រ​ដោយ​អាម៉េរិក​អោយ​ឆេះ​

​សភា​អ៊ីរ៉ង់​កាលពី​ថ្ងៃ​អង្គារ​ទី​៧​មករា បាន​អនុម័ត​ច្បាប់​មួយ​ដែល​ដាក់​កងកម្លាំង​អាម៉េរិក​ទាំងអស់​ជា​«​ភេរ​វករ​» ដោយសារ​តែ​សម្លាប់​មេបញ្ជាការ​យោធា​ជាន់​​ខ្ពស់​របស់​ខ្លួន​ម្នាក់​កាលពី​សប្តាហ៍​មុន​។​ ​ឧត្តមសេនីយ៍ កា​សេម សូ​ឡេ​ម៉ានី ត្រូវបាន​សម្លាប់​ដោយ​ការវាយប្រហារ​របស់ដ្រូន​អាម៉េរិក​នៅក្រៅ​អាកាសយានដ្ឋាន​ក្រុង​បា​ដា​ត​កាលពី​ថ្ងៃ​សុក្រ ដោយ​រុញ​ភាព​​តានតឹង​ក្នុង​តំបន់​ដល់​កំពូល​ភ្លាម​។​ ​ក្នុងពេល​ជាមួយគ្នា ប្រមុខ​កង​ឆ្មាំ​បដិវត្តន៍​អ៊ីរ៉ង់​បាន​គំរាម​ដុត​អោយ​ឆេះ​រាល់​ទីកន្លែង​ដែល​គាំទ្រ​ដោយ​អាម៉េរិក ដោយសារ​តែ​ការសម្លាប់​ឧត្តមសេនី​យ៍​ដ៏មាន​​ឥទ្ធិពល​រូបនេះ​។​ ​ហូ​ស​សេន សាឡា​មី បាន​ធ្វើ​ការសន្យា​នៅ​ចំពោះ​ហ្វូង​មនុស្ស​រាប់ពាន់​នាក់​នៅ​ទីក្រុង​កំណើត​របស់​សូ​ឡេ​ម៉ា​នីថា​«​យើង​នឹង​សងសឹក​។​យើង​នឹង​ដុត​អោយ​ឆេះ​​កន្លែង​ដែល​ពួក​គេ​ចូលចិត្ត​។​ ​ការប្តេជ្ញា​ចិត្ត​របស់​លោក​ឆ្លុះបញ្ចាំង​ការទាមទារ​ពី​មន្ត្រី​អ៊ីរ៉ង់​កំពូលៗ...

ចៀ​ម​និង​គោ​ជាង​១០០.០០០ ក្បាល ងាប់​ដោយសារ​ភ្លើង​ឆេះ​ព្រៃ​នៅ​អូស្ត្រាលី​

​កងទ័ព នឹង​ជីករណ្តៅ​ដ៏​ធំ​ជាច្រើន​ដើម្បី​កប់​សត្វ​ចៀម​និង​គោ​ក្របី​ជាង ១០០.០០០​ក្បាល​ដែល​បាន​ងាប់​ដោយសារ​ភ្លើង​ឆេះ​ព្រៃ​ដើម្បី​ការពារ​ជំងឺឆ្លង​ពី​សត្វ​​ទៅ​មនុស្ស​។​ ​លោក​ដា​វីត លី​តថល​ប្រោត រដ្ឋមន្ត្រី​គ្រប់គ្រង​គ្រាអាសន្ន​បាន​និយាយ​ថា​ការជីក​កប់​សត្វ​ងាប់​ទាំងនេះ​គឺជា​ការងារ​បន្ទាន់ ។​ ​ចំណែក​រដ្ឋមន្ត្រី​កសិកម្ម លោក​ប្រ៊ី​ហ្កេ​ត ម៉ាក​កេន​ហ្ស៊ី បាន​និយាយថា បសុពេទ្យ​១០០​នាក់​ត្រូវបាន​បញ្ជូន​ទៅ​កាន់​រដ្ឋ​ទាំងឡាយ​ដែល​មាន​ភ្លើង​ឆេះ​ព្រៃ ដើម្បី​ធ្វើ​​ការវាយតម្លៃ​និង​សម្លាប់ចោល​សត្វ​រាប់ពាន់​ក្បាល​ដែល​មាន​ជំងឺ​និង​របួស​។​ ​លោក​បាន​និយាយថា វិបត្តិ​ភ្លើង​ឆេះ​ព្រៃ​នេះ...

ប្រធានាធិបតី​ចិន ជួប​មេដឹកនាំ​នៃ​ប្រទេស​គី​រី​បាទី​បន្ទាប់​ពី​ផ្តាច់ការ​ទូត​ចេញពី​តៃវ៉ាន់​

​ប្រធានាធិបតី​ចិន លោក ស៊ី ជីន​ពីង បាន​ថ្លៃ​ង​សរសើរ​ប្រទេស​គី​រី​បាទី​កាលពី​ថ្ងៃ​ចន្ទ​ទី​៦​មករា​ចំពោះ​ការ​ឈរ​នៅ​ខាង​ភាពត្រឹមត្រូវ​នៃ​ប្រវត្តិសាស្ត្រ​ក្នុងអំឡុង​​កិច្ច​ជំនួប​លើក​ទី​មួយ​របស់​លោក​ជាមួយ​មេដឹកនាំ​នៃ​ប្រទេស​ជា​កោះ​នៅ​សមុទ្រ​ប៉ាស៊ីហ្វិក​នេះ ចាប់តាំងពី​ប្រទេស​នេះ បាន​កាត់​ផ្តាច់ទំនាក់ទំនង​ជាមួយ​កោះ​​តៃវ៉ាន់​។​ ​ប្រទេស​គី​រី​បាទី​បាន​ផ្លាស់ប្តូរ​មក​ធ្វើ​សម្ព​ភាព​និង​មាន​ភក្តីភាព​ជាមួយ​ប្រទេស​ចិន​កាលពី​ខែ​កញ្ញា ដោយ​ទុក​ឱ្យ​កោះ​តៃវ៉ាន់​នៅ​មាន​ប្រទេស​ជា​សម្ពន្ធមិត្ត​​តែ​១៥ ប្រទេស​ប៉ុណ្ណោះ​នៅលើ​ពិភពលោក​។​ ​ដោយ​និយាយ​ទៅកាន់ លោក ស៊ី ជីន​ពីង លោក​តាណេ​ទី...

សិង្ហ​បុរី​បញ្ជូន​ឧទ្ធម្ភាគចក្រ​ទៅ​ជួយ​ពន្លត់ភ្លើង​ឆេះ​ព្រៃ​ដ៏​បំផ្លិចបំផ្លាញ​នៅ​អូស្ត្រាលី​

​សិង្ហបូរី​កំពុង​បញ្ជូន​ឧទ្ធម្ភាគចក្រ​ចំនួន​២ គ្រឿង​ដើម្បី​ជួយ​កិច្ច​ប្រឹងប្រែង​របស់​ប្រទេស​អូស្ត្រាលី​ក្នុង​ការឆ្លើយតប​នឹង​វិបត្តិ​ភ្លើង​ឆេះ​ព្រៃ​ដែល​បាន​សម្លាប់​​មនុស្ស ២៥​នាក់​និង​បំផ្លាញ​ដីព្រៃ​ជាង​៨​លាន​ហិច​តា​។​ ​នាយករដ្ឋមន្ត្រី​អូស្ត្រាលី​លោក​ស្កត់ ម័រ​រី​សុន បាន​ថ្លែង​អរគុណ​ចំពោះ​សម​ភាគី​សិង្ហ​បុរី​របស់ លោក​គឺ លោក​លី សៀន​ឡុង​ចំពោះ​ផ្តល់​ការគាំទ្រ ដោយ​និយាយ​​ថា​ឧទ្ធម្ភាគចក្រ​Chinook ចំនួន​២ គ្រឿង​នឹង​ធ្វើដំណើរ​ទៅកាន់​រដ្ឋ​វិច​ធឺ​រៀ ។​ ​រដ្ឋមន្ត្រីការបរទេស​សិង្ហ​បុរី លោក...