អង្គការសុខភាពពិភពលោកសម្តែងការព្រួយបារម្ភចំពោះការឆ្លងរាលដាលនៃកូរ៉ូណាវីរុស
ប្រធានអង្គការសុខភាពពិភពលោក(WHO)លោក ថេដ្រូស អាដាមណម ហ្គេប្រេអ៊ីស៊ូស( Tedros Adhanom Ghebreyesus)និយាយកាលពីថ្ងៃអាទិត្យទីថ្ងៃទី៩ខែកុម្ភៈ ថាមានការព្រួយបារម្ភអំពីករណីឆ្លងកូរ៉ូណាវីរុសដែលកំពុងឆ្លងរាលដាលពីមនុស្សដែលមិនមានប្រវត្តិធ្វើដំណើរទៅប្រទេសចិន ដោយនិយាយថា ” យើងគ្រាន់តែអាចឃើញករណីខ្លះៗប៉ុណ្ណោះនៅពេលតាមដាននិងពិនិត្យមើលវីរុសនេះ”។ លោកបាននិយាយថា ការរកឃើញករណីមួយចំនួនតូចអាចបង្ហាញពីការឆ្លងរាលដាលកាន់តែច្រើននៅក្នុងប្រទេសដទៃទៀត”។ ប្រធានអង្គការសុខភាពពិភពលោកនេះ បាននិយាយថា”នៅក្នុងភាពអាសន្ននៃសុខភាពសាធារណៈដែលកំពុងវិវឌ្ឍន៍នេះ...