1 March, 2020 - Rasmei Kampuchea Daily

សន្តិសុខ

ប្រទះឃើញគ្រាប់មិនទាន់ផ្ទុះ១គ្រាប់ដែលអាចបង្កគ្រោះថ្នាក់ដល់ជីវិត

Mar 1, 2020

ដោយៈសៅវ៉ាន់ឌី/ព្រះវិហារ៖កាលពីថ្ងៃទី១ខែមីនាឆ្នាំ២០២០ពលរដ្ឋបានប្រទះឃើញគ្រាប់មិនទាន់ផ្ទុះ១គ្រាប់នៅក្បែរគីឡូម៉ែត្រលេខ៥៩ផ្លូវជាតិ៦២ភូមិរំចេកឃុំរម្មណីស្រុករវៀងខេត្តព្រះវិហារ។គ្រាប់មិនទាន់ផ្ទុះនោះវាមានរូបរាងដូចទៅនឹងគ្រាប់បែកត្បាល់៨០មីលីម៉ែត្រចឹងដែរ។ ប្រជាពលរដ្ឋបានសុំឱ្យមន្ត្រីជំនាញយកវាទៅបំផ្លាញចោលឆាប់ៗនេះព្រោះបើទុកយូរខ្លាចថាមានភ្លើងឆេះព្រៃបណ្តាលឱ្យគ្រាប់នោះផ្ទុះបង្កគ្រោះថ្នាក់ដល់ប្រជជនដែលអាស្រ័យផលនៅក្បែរនោះឬអ្នកធ្វើដំណើរដែលឆ្លងកាត់ទីនោះ។បើតាមពលរដ្ឋដែលឃើញបាននិយាយឱ្យដឹងថាគ្រាប់ត្បាល់Mota82mmប្រភេទគ្រាប់ផ្លោងហាមប៉ះឫនៅក្បែព្រោះគេបាញ់រួចហើយ។គ្រាប់នេះវាត្រៀមផ្ទុះគ្រប់ពេលទុកឱ្យមន្ត្រីជំនាញធ្វើបានសុវត្ថិភាព។ លោកសាយដេតអធិការស្រុករវៀងបានឱ្យនៅថ្ងៃទី១ខែមីនាឆ្នាំ២០២០នេះថាជំនាញបានយកចេញពីទីតាំងដែលប្រជាជនប្រទះឃើញគ្រាប់ខាងលើនោះហើយដើម្បីយកកម្ទេចចោល៕S/

សង្គម

ផ្សព្វផ្សាយលទ្ធផលសន្និបាតលើកទី៤២អាណត្តិទី៥នៃគណបក្សប្រជាជនកម្ពុជាស្រុកជាំក្សាន្ត

Mar 1, 2020

ដោយៈសៅវ៉ាន់ឌី/ព្រះវិហារ៖នៅស្រុកជាំក្សាន្តខេត្តព្រះវិហារកាលពីព្រឹកថ្ងៃទី១ខែមីនាឆ្នាំ២០២០នេះមានកិច្ចប្រជុំផ្សព្វផ្សាយលទ្ធផលសន្និបាតគណៈកម្មាធិការកណ្តាលលើកទី៤២អាណត្តិទី៥នៃគណបក្សប្រជាជនកម្ពុជាស្រុកជាំក្សាន្ត។ចូលរួមមានលោកឡុងសុវណ្ណសមាជិកគណៈកម្មាធិការកណ្ដាលនិងជាអនុប្រធានគណៈបក្សប្រជាជនកម្ពុជាខេត្តព្រះវិហារ។ លោកស្រីឌឹកសមាជិកកណៈកម្មាធិការកណ្ដាលគណៈបក្សប្រជាជនកម្ពុជានិងជាប្រធានក្រុមការងារចុះជួយស្រុក។ក្នុងនោះក៏មានការអញ្ជើញចូលរួមពីសំណាក់ប្រធានអនុប្រធានចុះជួយថ្នាក់ខេត្តប្រធានអនុប្រធានចុះជួយថ្នាក់ស្រុកសមាជិកក្រុមប្រឹក្សាស្រុកសមាជិកសមាជិការគណបក្សស្រុកសមាជិកសមាជិការឃុំសង្កាត់ប្រជាពលរដ្ឋប្រមាណ៧៣៥នាក់។ លោកឡុងសុវណ្ណបានបញ្ជាក់ថាតាមសេចក្តីជូនដំណឹងស្តីពីលទ្ធផលនៃសន្និបាតគណៈកម្មាធិការកណ្តាលលើកទី៤២អាណត្តិទី៥ក៏បានពិភាក្សាអនុម័តជាឯកច្ឆ័ន្ទនូវរបាយការណ៍ស្តីពី“សភាពការណ៍ទូទៅនិងការងារគណបក្សឆ្នាំ២០១៩និងទិសដៅភារកិច្ចឆ្នាំ២០២០។ដោយអង្គសន្និបាតបានពិភាក្សានិងក្តាប់ជាប់នូវតួនាទីភារកិច្ចរបៀបរបបការងាររបស់ក្រុមការងារគណបក្សចុះមូលដ្ឋាននិងអំពីកំណែទម្រង់ រដ្ឋបាលថ្នាក់ក្រោមជាតិ។ លោក ឡុង សុវណ្ណ បានជំរុញដល់សមាជិសមាជិការគណបក្សស្រុកទាំងអស់ត្រូវខិតខំ ពង្រឹងសមត្ថ ភាពរបស់ខ្លួនដើម្បីការងារក្នុងគណបក្សប្រជាជនកម្ពុជារបស់យើងឱ្យកាន់តែមានសន្ទុះខ្លាំងក្លាបន្ថែមទៀត។ត្រូវគ្រប់គ្រងសមាជិករបស់ខ្លួនឱ្យបានល្អត្រូវពង្រឹកប្រមូលម្តុំគៀងគងសមាជិកថ្មីបន្ថែមទៀត៕S/

សន្តិសុខ

រកឃើញសង្វៀនជល់មាន់មួយនៅជើងភ្នំម្ចាស់រត់ចូលព្រៃអស់សល់តែមាន់និងម៉ូតូ

Mar 1, 2020

ដោយ៖វណ្ណៈ/ព្រះសីហនុ៖លោកវរសេនីយទោហួយ៉ៃអធិការនគរបាលស្រុកព្រៃនប់បានឱ្យដឹងកាលពីរសៀលថ្ងៃទី១ខែមីនាឆ្នាំ២០២០នេះថាកម្លាំងអធិការដ្ឋាននគរបាលស្រុកព្រៃនប់សហការជាមួយប៉ុស្តិ៍នគរបាលរដ្ឋបាលឃុំរាមនិងប្រជាការពារបានរកឃើញសង្វៀនជល់មាន់ដ៏អាថ៌កំបាំងមួយកន្លែង។ លោកវរសេនីយទោបានបន្តថាទីតាំងនោះនៅចំណុចជើងភ្នំក្បាលហុងស្ថិតក្នុងភូមិអុងឃុំរាមស្រុកព្រៃនប់ខេត្តព្រះសីហនុក៏បានចុះបង្ក្រាបដកហូតវត្ថុតាងរួមមាន៖១.ម៉ូតូចំនួន៦គ្រឿង។២.មាន់ជល់ចំនួន២ក្បាល។៣.កន្ត្រកដាក់មាន់ចំនួន៥។ចំពោះអ្នកលេងល្បែងជល់មាន់នេះបានរត់គេចខ្លួនចូលក្នុងព្រៃអស់។ករណីនេះសមត្ថកិច្ចកំពុងបន្តរនីតិវិធី ស្វែងរកម្ចាស់ម៉ូតូនិងអ្នកពាក់ព័ន្ធ៕S/

សេដ្ឋកិច្ច សង្គម

ផ្តើមសង់ស្ពានដែកបាឡេត៍ចូលទៅដែនជម្រកសត្វព្រៃភ្នំត្នោត,ភ្នំពកបន្ទាប់ពីស្ពានឈើត្រូវភ្លើងឆេះ

Mar 1, 2020

ដោយៈសៅវ៉ាន់ឌី/ព្រះវិហារ៖អាជ្ញាធរខេត្តកាលពីព្រឹកថ្ងៃទី១ខែមីនាឆ្នាំ២០២០បានសម្រេចសាងសង់ស្ពានដែកបាឡេត៍ចូលទៅដែនជម្រកសត្វព្រៃភ្នំត្នោត,ភ្នំពកបន្ទាប់ពីស្ពានឈើនេះត្រូវបានភ្លើងឆេះដោយសារតែភ្លើងឆេះព្រៃ។ស្ពាននេះស្ថិតក្នុងភូមិត្រពាំងធ្លកឃុំស្តៅស្រុកសង្គមថ្មីខេត្តព្រះវិហារ។ លោកសំលាងទ្រីប្រធានមន្ទីរសាធារណការនិងដឹកជញ្ជូនខេត្តព្រះវិហារបានឱ្យដឹងថាថវិកាសម្រាប់ដំណើរការសាងសង់ស្ពានដែកនេះទទួលបានការជួយឧបត្ថម្ភពីលោកទេសរដ្ឋមន្ត្រីមាសសុភាប្រធានក្រុមការងាររាជរដ្ឋាភិបាលចុះជួយខេត្តព្រះវិហារ។រួមមានលោកទេសរដ្ឋមន្ត្រីស៊ុនចាន់ថុលរដ្ឋមន្ត្រីក្រសួងសាធារណការនិងដឹកជញ្ជូន,លោកសាយសំអាល់រដ្ឋមន្ត្រីក្រសួងបរិស្ថាននិងលោកប្រាក់សុវណ្ណអភិបាលខេត្តព្រះវិហារ។ លោកសំលាងទ្រីបានគោរពថ្លែងអំណរគុណដ៏ជ្រាលជ្រៅចំពោះថ្នាក់ដឹកនាំដែលបានឧបត្ថម្ភថវិកា និងស្មារតីជួយដល់ការសាងសង់ស្ពាននេះឡើងវិញ។លោកសំលាងទ្រីបានបញ្ជាក់ថាបច្ចុប្បន្នក្រុមការងារនៃមន្ទីរសាធារណការនិងដឹកជញ្ជូនខេត្តព្រះវិហារបានចាប់ផ្តើមដំណើរការសាងសង់ស្ពានដែកនេះហើយ។ ស្ពាននេះអាចនឹងសាងសង់ចប់សព្វគ្រប់ក្នុងរយៈពេលប្រមាណ ៧ថ្ងៃ។ លោកសំលាងទ្រីបានបន្តថាស្ពាននេះមានប្រវែងប្រមាណ៤៨ម៉ែត្រទទឹងជាង៤ម៉ែត្រ,សសរនិងតួស្ពានធ្វើពីដែកនិងក្រាលឈើ។សូមបញ្ជាក់ផងដែរថាដែនជម្រកសត្វព្រៃភ្នំត្នោត-ភ្នំពកស្ថិតនៅក្នុងស្រុកសង្គមថ្មីខេត្តព្រះវិហារនិងខេត្តសៀមរាមមានទំហំផ្ទៃដីសរុប៤២.០៩៧ហិកតា។ដែនជម្រកសត្វព្រៃភ្នំត្នោតភ្នំពកនេះ ត្រូវបានអះអាងថា សម្បូរទៅដោយសត្វព្រៃ និងធនធានធម្មជាតិជាច្រើន៕S/

សេដ្ឋកិច្ច សន្តិសុខ សង្គម

សមត្ថកិច្ចចាប់កប៉ាល់ដឹកទំនិញបរទេស១គ្រឿងដែលបានរំលោភចូលដែនសមុទ្រកម្ពុជា

Mar 1, 2020

ដោយ៖វណ្ណៈ/ព្រះសីហនុ៖អាជ្ញាធរមានសមត្ថកិច្ចកម្ពុជាបានឃាត់នាវាបរទេសមួយគ្រឿងឈ្មោះCQURAGEQUSប្រភេទនាវាដឹកទំនិញដែលចូលដែនទឹកកម្ពុជាក្នុងចន្លោះកោះតាងនិកោះពូលូវ៉ៃមិនមានការអនុញ្ញាត។ ប្រតិបត្តិការនេះអនុវត្តន៍ដោយកម្លាំងនគរបាលបង្ក្រាបបទល្មើសលើផ្ទៃសមុទ្រនិងកម្លាំងរួមរបស់នគរបាលព្រំដែនទឹកកាលពីល្ងាចថ្ងៃ២៩កុម្ភៈ២០២០។នៅព្រឹកថ្ងៃទី១ខែមិនា២០២០នាវានេះត្រូវបានសមត្ថកិច្ចនគរបាលព្រំដែនទឹក នាំចូលមកចតនៅកំពង់ផែក្រុងព្រះសីហនុដើម្បីបន្តនីតិវិធី។ លោកឧត្តមសេនីយ៍ឯកទូចពលៈប្រធាននាយកដ្ឋាននគរបាលព្រំដែនទឹកមានប្រសាសន៍ប្រាប់ថា”ប្រតិបត្តិការនេះដឹកនាំផ្ទាល់ដោយឯកឧត្តមឧត្តមសេនីយ៍ឯកតេងសួនអគ្គស្នងការរងនគរបាលជាតិ។ក្រោយពីរកឃើញថានាវាមួយគ្រឿងនេះចូលរំលោភក្នុងដែនសមុទ្រប្រទេសកម្ពុជាខុសច្បាប់អាចថាក្នុងបំណងដោយទុច្ចរិតណាមួយ”។ លោកឧត្តមសេនីយ៍ឯកតេងសួនមានប្រសាសន៍ប្រាប់ថា”នៅលើនាវានេះមានបុគ្គលិកនិងកងនាវាវិកសរុប១៦នាក់។ក្នុងនោះមានជនជាតិឥណ្ឌូនេស៊ី៤នាក់និងជនជាតិភូមា១២នាក់ចំណាត់ការបន្ត អាជ្ញាធរចម្រុះ។ក្នុងនោះមានការសម្របសម្រួលពីព្រះរាជអាជ្ញារង សាលាដំបូងខេត្តព្រះសីហនុផង និងអញ្ជើញចូលរួមពីថ្នាក់ដឹកនាំរដ្ឋបាលខេត្តព្រះសីហនុផង និងបន្តធ្វើតាមនីតិវិធីផ្លូវច្បាប់”។ ដោយនីតិវិធីសាកសួរកំពុងធ្វើបន្ត អាជ្ញាធរនៅមិនទាន់មានរបាយការណ៍បញ្ជាក់ ពីការរកឃើញអ្វីទៀត ដែលជាបទល្មើសនៅក្នុងនាវានេះនៅឡើយ គិតត្រឹមម៉ោងជិត១០ព្រឹកថ្ងៃ១មីនា២០២០នេះ៕S/

កម្សាន្ត

ផលិតកម្មក្រុងពិជ័យ ទម្លាយសកម្មភាពខ្លះ ជូនអ្នកគាំទ្រ បន្ទាប់ពីបានបញ្ចប់ ការថតដំបូងរបស់ខ្លួន

Mar 1, 2020

ភ្នំពេញ៖ ផលិតកម្មក្រុងពិជ័យ ដែលដឹកនាំដោយផលិតករវ័យក្មេង លោក ចាន់ណា រ៉ូណាន បានបញ្ចប់ការថតដំបូងរបស់ខ្លួនគឺ រឿង “សំណើច ៦៥២គីឡូម៉ែត្រ” ជាមួយគ្នានោះក៏បាន ទម្លាយសកម្មភាពខ្លះ ជូនអ្នកគាំទ្រ។ ខណៈកំពុងថតបណ្តើរ...

ការកំណត់

ប្រជាពលរដ្ឋប្រមាណ៤០០គ្រួសារនៅខេត្តស្ទឹងត្រែងបានទទួលអណ្ដូងទឹកស្អាតពីមូលនិធិអណ្តូងទឹកស្អាតមាតាបិតាសម្តេចតេជោ និងសម្តេចកិត្តិព្រឹទ្ធបណ្ឌិត

Mar 1, 2020

ដោយៈមុនីរ័ត្ន/ភ្នំពេញៈក្នុងគោលបំណងបន្តដោះស្រាយតម្រូវការទឹកស្អាតប្រើប្រាស់នៅតាមទីជនបទដាច់ស្រយាលកាលពីថ្ងៃទី ២៨-២៩ ខែកុម្ភ: ឆ្នាំ២០២០ លោកស្រី ពេជ ចន្ទមុន្នី ហ៊ុន ម៉ាណែត ប្រធានមូលនិធិអណ្តូងទឹកស្អាតមាតាបិតាសម្តេចតេជោ និងសម្តេចកិត្តិព្រឹទ្ធបណ្ឌិត រួមទាំងក្រុមការងារ បានប្រគល់អណ្តូងទឹកស្អាតចំនួន២០ជូនដល់គ្រួសារយោធិននិងប្រជាពលរដ្ឋខ្វះខាតទឹកប្រើប្រាស់ជិត៤០០គ្រួសារ នៅស្រុកសៀមប៉ាង និងស្រុកសេសាន...

សន្តិសុខ

យុវជនពីរនាក់ត្រូវបានចាប់ខ្លួនបញ្ជូនទៅតុលាការ

Mar 1, 2020

ដោយៈគ្រញូង/បាត់ដំបងៈនៅរសៀលថ្ងៃទី១ខែមីនានេះការិយាល័យប្រឆាំងគ្រឿងញៀនខេត្តបានបញ្ជូនជនសង្ស័យជាយុវជនពីរនាក់ទៅតុលាការ(ម្នាក់មានដីកាបង្គាប់ឲ្យចាប់ខ្លួនពីបទជូញដូរគ្រឿងញៀនដោយខុសច្បាប់)។ ជនសង្ស័យឈ្មោះយួម ជាតិអាយុ២០ឆ្នាំនៅភូមិចខ្នាចអម្ពរឃុំព្រែកជីកស្រុករុក្ខគីរីនិងឈ្មោះសេង ស៊ីឡុងភេទប្រុសអាយុ១៧ឆ្នាំនៅភូមិគារ៣ឃុំគារស្រុកមោងឬស្សី(ជននេះមានដីកាបង្គាប់ឲ្យចាប់ខ្លួន ឃុំខ្លួនពីបទជូញដូរគ្រឿងញៀនដោយខុសច្បាប់ប្រព្តឹត្តនៅចំណុចភូមិគារ៣ជុំគារស្រុកមោងឬស្សីកាលពីថ្ងៃទី២៨ខែមេសាឆ្នាំ២០១៩)។ចំណែកវត្ថុតាងដែលដកហូតបានមានថ្នាំញៀនប្រភេទមេតំហ្វេតាមីន(ICE)ចំនួន៥ថង់ទម្ងន់១,៩១ក្រាម,ទូរស័ព្ទដៃមួយគ្រឿង,កាបូបលុយមួយដែកកេះ២និងអំពូលទែរម៉ូម៉ែត្រកែឆ្នៃសម្រាប់ប្រើប្រាស់ថ្នាំញៀនចំនួនមួយ។ លោកសុខនិមលនាយការិយាល័យប្រឆាំងគ្រឿងញៀនខេត្តបានឲ្យដឹងថាជនសង្ស័យទាំងពីរនាក់ត្រូវបានការិយាល័យជំនាញបញ្ជូនទៅតុលាការខេត្តចាត់ការតាមនីតិវិធី៕សរន

សន្តិសុខ

រថយន្តបុកម៉ូតូបណ្តាលឲ្យស្លាប់មនុស្សម្នាក់នៅស្រុកឧដុង្គ

Mar 1, 2020

ដោយៈសុខសុភ័ណ្ឌ/កំពង់ស្ពឺៈរថយន្តនិងម៉ូតូបានបុកទង្គិចគ្នាបណ្តាលឲ្យស្ត្រីជាអ្នកបើកម៉ូតូស្លាប់នៅនឹងកន្លែងតាមបណ្តោយផ្លូវជាតិលេខ៥១ចន្លោះគីឡូម៉ែត្រលេខ១៣និង១៤ត្រងចំណុចភូមិស្តុកស្តៅឃុំក្សេមក្សាន្តស្រុកឧដុង្គខេត្តកំពង់ស្ពឺកាលពីព្រឹកថ្ងៃទី១ខែមីនាឆ្នាំ២០២០។ មន្ត្រីនគរបាលស្រុកឧដុង្គបានឲ្យដឹងថាដំបូងរថយន្តSCANIAក្បាលពណ៌សលាយផ្ទៃមេឃពាក់ផ្លាកលេខកំពង់ចាម 3A. 8014 សណ្តោងរ៉ឺម៉ក ពណ៌ខៀវពាក់ផ្លាកលេខកំពង់ចាម 4A. O358។អ្នកបើកបរមិនស្គាល់អត្តសញ្ញាណ(រត់គេចខ្លួនបាត់ស្រមោល)បើកបរពីជើងទៅត្បូង លុះទៅដល់ចំណុចខាងលើបានបុកម៉ូតូម៉ាក ហុងដាសេ១២៥ពណ៌ ខ្មៅ ពាក់ផ្លាកលេខ ភ្នំពេញ 1GJ. 6276...

សន្តិសុខ

ភ្លើងធូបបំផ្លាញលំនៅឋានមួយខ្នងនិងម៉ូតូចំនួនពីរគ្រឿង

Mar 1, 2020

ដោយ: គង់ហេង/កំពង់ចាម: អគ្គិភ័យមួយដែលបណ្តាលមកពីភ្លើងធូប បានឆេះបំផ្លាញលំនៅឋាន មួយ ខ្នង និងម៉ូតូចំនួន ពីរ គ្រឿង នៅភូមិដីឡូត៍៍ ឃុំត្រពាំងព្រះ ស្រុកព្រៃឈរ កាលពីម៉ោងប្រមាណ ៩ ព្រឹកថ្ងៃទី...

M	T	W	T	F	S	S
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Day: March 1, 2020