3 March, 2020 - Rasmei Kampuchea Daily

ក្មេងៗសិស្សលាលាឈ្លោះគ្នាឪពុកផ្ទុះកំហឹងចូលវាយដល់ក្នុងសាលាប៉ូលិសឃាត់ខ្លួនចូលប៉ុស្តិ៍

Mar 3, 2020

ដោយៈចាន់តូ/ភ្នំពេញ៖ឪពុកចិត្តមាក្រោយពីកូនជាសិស្សសាលាឈ្លោះគ្នាផ្ទុះកំហឹងចូលទៅប្រើហឹង្សាចាប់វាយយុវតីជាសិស្សផ្អើលពេញសាលាបង្កឱ្យរងរបួសក្មេង៥នាក់កាលពីវេលាម៉ោង៨និង៣០នាទីព្រឹកថ្ងៃទី៣ ខែមិនាឆ្នាំ២០២០។នៅក្នុងសាលាជម្ពូវ័នសង្កាត់ចោមចៅទី៣ខណ្ឌពោធិសែនជ័យ ។ ក្នុងករណីអាណាព្យាបាលសិស្សប្រើហឹង្សាក្នុងសាលារៀនវាយក្មេងរបួស៥នាក់ប្រុសម្នាក់។ក្នុងនោះមានសិស្សម្នាក់រងរបួសធ្ងន់ឈ្មោះស្រេងចន្ទ្រាភេទស្រីអាយុ១៨ឆ្នាំជាសិស្សរៀនថ្នាក់ទី12G1កំពុងចូលសម្រាកនៅគ្លីនិកឡាំប៊ុនថន ។ បុរសបង្កអុកឡុកក្នុងសាលារៀនឈ្មោះឈុំសាវ៉េតភេទប្រុសអាយុ៤៥ឆ្នាំមុខរបរជាមន្ត្រីនគរបាលក្រសួងមហាផ្ទៃ មានទីលំនៅភូមិជ្រៃកោង សង្កាត់ចោមចៅ២ ខណ្ឌពោធិសែនជ័យ ។ ចំណែកកូនស្រីឈ្មោះ ផង់ ភិជ្ជនាផានុត អាយុ១៦ឆ្នាំ ថ្នាក់ទី១០បេ...

សន្តិសុខ សង្គម

រកឃើញសាកសពកម្មករទូកនេសាទម្នាក់នៅបាត់ខ្លួន២នាក់ទៀតដោយមិនដឹងមូលហេតុ

Mar 3, 2020

ដោយះវណ្ណៈ/ខេត្តព្រះសីហនុ៖សមត្ថកិច្ចខេត្តព្រះសីហនុកំពុងស្រាវជ្រាវករណីមនុស្ស៣នាក់នៅលើទូកនេសាទមួយគ្រឿង ដែលមានម្នាក់ស្លាប់និង២នាក់ទៀតបាត់ខ្លួនមិនទាន់ដឹងមូលហេតុ ។ របាយការណ៍បឋមពីសមត្ថកិច្ចប្រាប់ថាសាកសពបុរសជាកម្មករនេសាទម្នាក់ត្រូវបានគេប្រទះឃើញជាប់មងនៅចំណុចជិតកោះថាសក្នុងខេត្តព្រះសីហនុនាព្រឹកថ្ងៃទី៣ខែមិនា២០២០ក្រោយពីបាត់ខ្លួនជាមួយអ្នកនេសាទលើទូកជាមួយគ្នាសរុប៣នាក់ក្នុងពេលចេញទៅនេសាទកាលពីថ្ងៃទី១ខែមីនាឆ្នាំ២០២០។ ប្រភពពីម្ចាស់ទូកឈ្មោះលីគីមលីភេទស្រីអាយុ៣៧ឆ្នាំជនជាតិខ្មែររស់នៅក្រុម២៧ភូមិ៣សង្កាត់លេខ១ក្រុងព្រះសីហនុរាយការណ៍ប្រាប់សមត្ថកិច្ចថាក្រោយបាត់ដំណឹងទាំងទូកនិងកម្មករនេសាទទាំង៣នាក់ គាត់បានរកឃើញទូករបស់គាត់ជាប្រភេទទូកBEនៅឯថ្មសក្នុងខេត្តកោះកុង។ប៉ុន្តែគ្មានឃើញកម្មករនិងអ្នកបើកបរទូកនៅទីនោះទេហើយបន្ទាប់មកក៏មានអ្នកអ្នកនេសាទផ្សេងទៀតប្រាប់ថាបានឃើញសាកសពម្នាក់នៅខាងជើងកោះថាសក្នុងខេត្តព្រះសីហនុឃើញជាប់នឹងមងរួចបានអូសយកមកដីគោកទើបរាយការណ៍ជូនសមត្ថកិច្ច។ សមត្ថកិច្ចប្រាប់បន្ថែមទៀតថាក្រៅពីសាកសពម្នាក់នេះ នៅបាត់មនុស្សលើទូកចំនួន២នាក់ទៀត គឺ៖១.ឈ្មោះណែមពឿនភេទប្រុសអាយុ២៣ឆ្នាំជនជាតិខ្មែរមុខរបរបើកបរទូកមានទីលំនៅក្រុម២៧ភូមិ៣សង្កាត់លេខ១ ក្រុង ព្រះសីហនុ។២-ឈ្មោះសុខ វណ្ណៈ ភេទប្រុសអាយុ៣២ឆ្នាំជនជាតិខ្មែរមុខរបរកម្មករ នេសាទស្នាក់នៅលើទូកនេសាទ។ចំណែកសាកសពឈ្មោះរ៉ាហៅខ្មៅភេទប្រុសអាយុ៣៣ឆ្នាំជនជាតិខ្មែរ មុខរបរកម្មករនេសាទស្នាក់នៅលើទូកនេសាទ...

សន្តិសុខ អប់រំ

សិស្សអនុវិទ្យាលយ័ភូមិរហាលចំនួន៥នាក់ដួលសន្លប់ដោយមិនទាន់ដឹងមូលហេតុ

Mar 3, 2020

ដោយគូលែន/សៀមរាប: យ៉ាងហោចណាស់ក៏មានសិស្សសាលាអនុវិទ្យាល័យភូមិរហាល ចំនួន៥នាក់ បានដួលសន្លប់ដោយមិនដឹងមូលហេតុ។ករណីសិស្សសាលាដួលសន្លប់នេះបានកើតឡើងនៅវេលាម៉ោង៨និង៣០នាទីព្រឹកថ្ងៃទី៣ខែមីនាឆ្នាំ២០២០នេះស្ថិតនៅភូមិរហាលឃុំតាសៀមស្រុកស្វាយលើ ខេត្តសៀមរាប។ លោកវរសេនីយ៍ទោស៊ុនថៃអធិការរងនគរបាលស្រុកស្វាយលើបាននិយាយថានៅវេលាម៉ោង០៨និង៣០នាទីមានសិស្សសាលាអនុវិទ្យាលយ័ភូមិរហាលចំនួន៥នាក់បានដួលសន្លប់នៅពេលក្នុងម៉ោងអង្គុយរៀន។លោកបានបន្តថាក្រោយកើតហេតុសិស្សទាំងអស់ត្រូវបានបញ្ជូនទៅសង្គ្រោះនៅមណ្ឌលសុខភាពស្រុកស្វាយលើ ។ សិស្សដែលដួលសន្លប់ទាំង៥នាក់នោះគឺមានទី១,ឈ្មោះសិធីតាភេទស្រីអាយុ១៤ឆ្នាំរស់នៅភូមិតាសៀម ឃុំតាសៀម សិស្សថ្នាក់ទី៨(B),ទី២,ឈ្មោះព្រិកសុគង់ភេទប្រុសអាយុ១៦ឆ្នាំនៅភូមិរហាលឃុំតាសៀមសិស្សថ្នាក់ទី៩A,។ទី៣,ឈ្មោះដឿមសៃមុំភេទស្រីអាយុ១៣ឆ្នាំនៅភូមិរហាលឃុំតាសៀមសិស្សថ្នាក់ទី០៧B,។ទី៤,ឈ្មោះដឿមសៃនាងភេទស្រីអាយុ១៣ឆ្នាំរស់នៅភូមិរហាលឃុំតាសៀមសិស្សថ្នាក់ទី៨A,និងទី៥,ឈ្មោះក្លាយស្រីមុំភេទស្រីអាយុ១៦ឆ្នាំរៀននៅថ្នាក់ទី៩Bរស់នៅភូមិរហាលឃុំតាសៀម៕S/

សន្តិសុខ សង្គម

ពលរដ្ឋបានបន្ដជួបជុំគ្នានៅមុខសាលាខេត្ដរតនគិរីសុំឱ្យអាជ្ញាធរជួយដោះលែងមនុស្សពីរនាក់

Mar 3, 2020

ដោយ:បានលុង/រតនគិរី:នៅថ្ងៃទី៣ខែមីនាឆ្នាំ២០២០នេះពលរដ្ឋជាងពីរយនាក់នៅស្រុកលំផាត់បានបន្ដមកជួបជុំគ្នានៅមុនសាលាខេត្តរតនគិរីគឺជំរុញអាជ្ញាធរខេត្ដឱ្យជួយអន្ដរាគមន៍ទៅតុលាការដើម្បីដោះលែងមនុស្សពីរនាក់ដែលមន្ដ្រីបរិស្ថានបានចាប់ឃុំខ្លួន។គួររំលឹកថាកាលពីថ្ងៃទី២៧ខែកុម្ភ:ឆ្នាំ២០២០មន្ត្រីបរិស្ថានខេត្ដមួយក្រុមបានទៅចាប់ខ្លួនមនុស្សពីរនាក់គឺលោកអ៊ុធាភេទប្រុសអាយុ៥២ឆ្នាំជនជាតិទំពួននិងឈ្មោះបិនយាងភេទស្រីអាយុ៥៥ឆ្នាំជនជាតិខ្មែរពួកគេជាកសិករមានទីលំនៅភូមិកៃសាន់ឃុំសេដាស្រុកលំផាត់។ សាច់ញាតិជនរងគ្រោះបានឱ្យដឹងថាកាចាប់មនុស្សពីរនាក់មានឈ្មោះដូចខាងលើនោះខាងមន្ដ្រីបរស្ថានមិនបានបង្ហាញដីកាតុលាការទេគឺចោទថាបានពាក់ព័ន្ធករណីកាន់កាប់ដីដែនជម្រកសត្វព្រៃលំផាត់ដោយខុសច្បាប់នៅត្រង់ចំណុចអូរជីបឃុំសេដា។ ក្រោយពីចាប់ខ្លួនរួចមន្ដ្រីបរិស្ថានបានយកពួកគេទៅឃុំនៅមន្ទីរបរិស្ថានខេត្ត។លុះថ្ងៃទី២៨ខែកុម្ភ:ពលរដ្ឋនៅឃុំសេដាបានលើកគ្នាជាងមួយរយនាក់ទៅសុំឱ្យដោះលែងវិញ។ប៉ុន្ដែជនរងគ្រោះមិនត្រូវបានដោះលែងនោះទេគឺមន្ដ្រីបរិស្ថាននិងអាអ្ញាធរខេត្ដថាឱ្យរកតំណាងចូលមកដោះស្រាយតាមសម្រួលហើយទីបំផុតជនរងគ្រោះត្រូវបានបញ្ជូនទៅឃុំខ្លួននៅពន្ធនាគារភ្នំស្វាយ។ លាងមុំត្រូវជាប្រពន្ធលោកអ៊ុធាបានប្រាប់រស្មីកម្ពុជាឱ្យដឹងតាមទូរស័ព្ទថាពួកគាត់មានគ្នាជាងពីរយនាក់បានបន្ដមកជួបជុំនៅមុខសាលាខេត្ដគឺសុំឱ្យអាជ្ញាធរជួយអន្ដរាគមន៍ទៅតុលាការដើម្បីដោះលែងអ្នកទាំងពីរមកវិញ។លាងមុំបានបញ្ជាក់ថាពួកគាត់នឹងបន្ដជួបជុំគ្នាលុះត្រាតែតុលាការព្រមដោះលែងអ្នកទាំងពីរឱ្យមានសេរីភាពវិញ។ ព្រោះដីចម្ការដែលបានអាស្រ័យផលនៅទីនោះគឺទិញតពីអ្នកផ្សេងដែលគេកាប់រានរួចពួកគាត់មិនបានទៅកាប់ព្រៃឈើនោះទេ។បើខាងបរិស្ថានយល់ថាទិញដីតពីគេត្រូវមានកំហុសនោះគួរតែប្រាប់ពលរដ្ឋនៅទីនោះឱ្យដឹងជាមុនហើយបើពួកគាត់នៅតែបំពានចាំដាក់ទោសទៅចុះ។ លោកម៉ឺងស៊ីនាថអ្នកនាំពាក្យសាលាខេត្តរតនគិរីកាលពីរសៀលថ្ងៃទី៣ខែមីនាឆ្នាំ២០២០បានប្រាប់រស្មីកម្ពុជាឱ្យដឹងថាករណីមនុស្សពីរនាក់ដែលមន្ដ្រីបរិស្ថានចាប់ខ្លួនរឿងចូលកាន់ដីដែនជម្រកសត្វព្រៃលំផាត់នោះខាងសាលាខេត្ដបានប្រជុំនិងរកដំណោះស្រាយដែរតែរឿងនេះតុលាការកំពុងធ្វើកាស្រាវបន្ដតាមនីតិវិធី។ លោកស៊ីនាថបានបញ្ជាក់ថាជនសង្ស័យបានសារាភាពថាខ្លួនបានចូលកាន់កាប់ដីព្រៃរបស់រដ្ឋដោយមិនស្របច្បាប់មែនតែយើងសង្ឃឹមថាក្រោយពីតុលាកាបញ្ចប់ការស៊ើអង្កេតរួចពួកគេអាចត្រូវដោះលែងវិញ។លោកកែវពិសុទ្ធអ្នកនាំពាក្យសាលាដំបូងខេត្ដរតនគិរីកាលពីល្ងាចថ្ងៃទី៣ខែមីនាឆ្នាំ២០២០បានបញ្ជាក់ប្រាប់រស្មីកម្ពុជាឲ្យដឹងតាមទូរស័ព្ទដោយខ្លីថាជនសង្ស័យបានបញ្ជូនទៅឃុំខ្លួនជាបណ្ដោះអាសន្នកាលពីថ្ងៃទី២៨ខែកុម្ភ:ដើម្បីរង់ចាំការស៊ើបសង្កេតបន្ដ៕S/ សកម្មភាពរបស់ពលរដ្ឋដែលមកផ្ដុំគ្នានៅមុខសាលាខេត្ដសុំឲ្យជួយដោះលែងពីរនាក់(រូបថតសុវណ្ណ)

នយោបាយ ព័ត៌មានជាតិ

សម្តេចតេជោ ហ៊ុន សែន សុំឲ្យសិល្បករសិល្បការិនីកុំជេរបញ្ចោរគ្នាតាម Facebook

Mar 3, 2020

ដោយៈតារារិទ្ធ(ភ្នំពេញ)៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជាបានថ្លែងសុំឲ្យសិល្បករសិល្បការិនីខ្មែរបញ្ឈប់ការជេរបញ្ចោរគ្នាតាម Facebook ដែលធ្វើឱ្យសាធារណជនមើលទៅខ្វះសីលធម៌ក្នុងនាមជាបុគ្គលសាធារណៈដែលផ្សព្វផ្សាយអំពីវប្បធម៌ខ្មែរ។ ការអំពាវនាវរបស់សម្តេចតេជោ ហ៊ុន សែន បានធ្វើឡើងក្នុងឱកាសដែលសម្តេចអញ្ជើញប្រារព្ធទិវាវប្បធម៌ជាតិ៣មីនានារសៀលថ្ងៃទី៣ ខែមីនា ឆ្នាំ២០២០។ សម្តេចតេជោ ហ៊ុន សែន...

សន្តិសុខ សង្គម

ចាប់សង្ឃក្លែងក្លាយម្នាក់ដែលដើររ៉ៃអង្គាសលុយពីពលរដ្ឋនៅក្រុងសៀមរាប

Mar 3, 2020

សៀមរាប/ដោយៈអង្គរតូច៖សមត្ថកិច្ចនគរបាលកាលពីព្រឹកថ្ងៃទី៣ខែមីនាឆ្នាំ២០២០នេះបានសម្រចឃាត់ខ្លួនជនសង្ស័យម្នាក់(សង្ឃក្លែងក្លាយ)យកទៅអនុវត្តច្បាប់។លោកវរសេនីយ៍ឯកណុបសារ៉ាក់អធិការនគរបាលក្រុងសៀមរាបបានឱ្យដឹងថាជនដែលឃាត់ខ្លួនឈ្មោះអឿអួនភេទប្រុសអាយុ៣៨ឆ្នាំមុខរបរមិនប្រាកដរស់នៅភូមិទំនប់ឃុំទំនប់ស្រុកបាធាយខេត្តកំពង់ចាម។ជននេះជាប់សង្ស័យពីបទឆបោកនឹងគ្របដណ្ដប់បែបពុទ្ធសាសនាដោយគ្មានសិទ្ធ និងប្រើប្រាស់ត្រាក្លែងក្លាយ។ លោកបានឱ្យដឹងទៀតថា ដំណើររឿង: នៅថ្ងៃទី ១ខែមីនា.២០២០ នៅភូមិត្រពាំងសេះ សង្កាត់ គោកចកក្រុងសៀមរាបបន្ទាប់ពីបានទទួលព័ត៌មានពីព្រះសង្ឃនៅវត្តថ្មីថាមានព្រះសង្ឃក្លែងក្លាយនឹងដើររ៉ៃអង្គាសប្រាក់។ សង្ឃនេះត្រូវបានចាប់ផ្សឹករួច ដោយព្រះសង្ឃនៅវត្តថ្មី។ ក្រោយទទួលព័ត៍មាន កម្លាំងនគរ បាលក្រុង បាននាំជនសង្ស័យខាងលើមកសួរនាំ។...

នយោបាយ

រដ្ឋសភាទទួលយកសេចក្តីព្រាងច្បាប់ដែលផ្លាស់ប្តូរឈ្មោះក្រសួង១និងសេចក្តីព្រាងច្បាប់៥ផ្សេងទៀត

Mar 3, 2020

ដោយៈសុផល/ភ្នំពេញ៖សម្ដេចអគ្គមហាពញាចក្រី ហេង សំរិន ប្រធានរដ្ឋសភា បានដឹកនាំកិច្ចប្រជុំ គណៈកម្មាធិការអចិន្ត្រៃយ៍រដ្ឋសភានៅព្រឹកថ្ងៃអង្គារទី៣ខែមីនាឆ្នាំ២០២០។កិច្ចប្រជុំបានសម្រេចទទួលយកសេចក្តីព្រាងច្បាប់ចំនួន៦ តាមសំណើរបស់រាជរដ្ឋាភិបាល។ក្នុងនោះមាន សេចក្តីព្រាងច្បាប់ស្តីពី ការផ្លាស់ប្តូរឈ្មោះក្រសួងឧស្សាហកម្ម មួយផង មកប្រគល់ជូន គណៈកម្មការជំនាញរដ្ឋសភានានា ពិនិត្យសិក្សា ហើយធ្វើរបាយការណ៍ជូនគណៈកម្មាធិការអចិន្ត្រៃយ៍រដ្ឋសភាវិញ។ សេចក្តីព្រាងច្បាប់ទាំង៦...

នយោបាយ វប្បធម៌(ជាតិ និង អន្តរជាតិ)

ប្រមុខ រាជរដ្ឋាភិបាល កម្ពុជា អំពាវនាវឱ្យបញ្ឈប់ជាបន្ទាន់ នូវ ការរំលោភលើច្បាប់ស្តីពីសិទ្ធិអ្នកនិពន្ធ

Mar 3, 2020

ដោយ៖តារា រិ ទ្ធ/ភ្នំពេញ៖ ប្រមុខ រាជរដ្ឋាភិបាល កម្ពុជា បាន អំពាវនាវ ដល់ ជនរួមជាតិ ទាំងអស់ ជាពិសេស សិល្បករ – សិល្បការិនី...

សេដ្ឋកិច្ច សង្គម

វីងនិងមេនូឡាយហ្វ៍បើកកិច្ចពិភាក្សាស្តីពីភាពជាអ្នកដឹកនាំរបស់ស្ត្រីនៅក្នុងយុគសម័យឌីជីថល

Mar 3, 2020

ដោយសុផល/ភ្នំពេញៈធនាគារឯកទេសវីង(ខេមបូឌា)លីមីតធីតដែលជាធនាគារឈានមុខគេក្នុងការផ្តល់សេវាធនាគារចល័តនៅកម្ពុជានិងក្រុមហ៊ុនមេនូឡាយហ្វ៍(ខេមបូឌា)ដែលជាក្រុមហ៊ុនធានារ៉ាបរងអាយុជីវិតអន្តរជាតិឈានមុខគេមួយបានរួមសហការរៀបចំកម្មវិធីពិភាក្សាស្តីពីការពង្រឹងសិទ្ធិស្ត្រីនិងវិធីសាស្ត្រឆ្ពោះទៅរកភាពជាអ្នកដឹកនាំក្នុងយុគសម័យឌីជីថល។ លោកម៉ានូរ៉ាចាន់អគ្គនាយកនៃធនាគារឯកទេសវីង(ខេមបូឌា)លីមីតធីតបានមានប្រសាសន៍ថា៖«ការពង្រឹងសិទ្ធិអំណាចស្ត្រីក្នុងការចូលរួមក្នុងវិស័យសេដ្ឋកិច្ចគឺជាគន្លឹះដើម្បីបិទគម្លាតយេនឌ័រ។វីង ប្តេជ្ញាឆ្ពោះទៅរកការសម្រេចឱ្យបាននូវគោលដៅនេះតាមរយៈបណ្តាញផលិតផលនិងសេវាកម្មជាដើម។វាពិតជាចាំបាច់ក្នុងការវិនិយោគលើការពង្រឹងសិទ្ធិអំណាចស្ត្រីតាមរយៈការផ្តល់ជូនឱកាសបណ្តុះបណ្តាលជំនាញវិជ្ជាជីវៈសម្រាប់ការច្នៃប្រឌិតបច្ចេកវិទ្យានិងការអភិវឌ្ឍសហគ្រិនភាពដែលមិនត្រឹមតែផ្តល់អត្ថប្រយោជន៍ដល់ស្ត្រីខ្លួនឯងប៉ុណ្ណោះទេ ប៉ុន្តែថែមទាំងជួយដល់គ្រួសាររបស់ពួកគេផងដែរ» ។ ក្នុងបណ្តាញភ្នាក់ងាររបស់វីង៨០ភាគរយគឺជាស្ត្រីមេផ្ទះដែលពួកគាត់មានឱកាសអាចរកប្រាក់ចំណូលបន្ថែមដើម្បីផ្គត់ផ្គង់គ្រួសារហើយសមិទ្ធផលនេះបានរួមចំណែកលើកស្ទួយសេដ្ឋកិច្ចក្នុងប្រទេសផងដែរ។វីងបានចូលរួមគាំទ្រពួកគេឲ្យក្លាយជាអ្នករកប្រាក់កម្រៃបានដោយឯករាជ្យដើម្បីផ្គត់ផ្គង់គ្រួសាររបស់ពួកគេ។ «ក្នុងចំណោមបុគ្គលិករបស់យើងទាំង ៤៧៨ នាក់ នៅក្នុងកម្ពុជា បុគ្គលិកជាង ២០០ នាក់ជាស្ត្រី និង ១៥នាក់ក្នុងចំណោមពួកគាត់មានមុខងារជាអ្នកដឹកនាំ។ពួកគាត់ទាំងអស់រួមចំណែកយ៉ាងសំខាន់ដល់ការរីកចម្រើនរបស់ក្រុមហ៊ុនរួមទាំងជម្រុញក្រុមហ៊ុនរបស់យើងឲ្យក្លាយទៅជាអ្នកដឹកនាំផ្នែកឌីជីថលនៅលើទីផ្សារសម្រាប់អតិថិជនផងដែរ។ខ្ញុំលើកទឹកចិត្តឱ្យអ្នកទាំងអស់គ្នាចូលរួមជម្រុញនិងលើកទឹកចិត្តដល់ស្ត្រីទូទៅ...

នយោបាយ

មេបញ្ជាការទ័ពជើងគោក៖ជាង៤០ឆ្នាំកម្ពុជាការពារបាននូវឯករាជ្យ អធិបតេយ្យ និងបូរណភាពទឹកដី

Mar 3, 2020

ដោយៈមុនីរ័ត្ន/ភ្នំពេញៈលោកឧត្តមសេនីយ៍ឯកហ៊ុនម៉ាណែតអគ្គមេបញ្ជាការរងនៃកងយោធពលខេរមភូមិន្ទមេបញ្ជាការកងទ័ពជើងគោកបានបញ្ជាក់ថាការធានាការពារឱ្យបាននូវរាល់សមិទ្ធផលសង្គមសេដ្ឋកិច្ចដែលកម្ពុជាខិតខំសម្រេចបានក្នុងរយៈពេលជាង៤០ឆ្នាំចុងក្រោយនេះ។ ជាពិសេសការការពារឱ្យបានដាច់ខាតនូវឯករាជ្យអធិបតេយ្យនិងបូរណភាពទឹកដីព្រមទាំងការពង្រឹងតួនាទីសកម្មរបស់កម្ពុជានៅលើឆាកអន្តរជាតិតម្រូវឱ្យកងយោធពលខេមរភូមិន្ទត្រូវពឹងផ្អែកជាចម្បងលើការអភិវឌ្ឍសមត្ថភាពនិងបណ្តុះជាប់ជានិច្ចនូវមនសិការស្នេហាជាតិជាចាំបាច់។ដូចប្រសាសន៍របស់សម្តេចតេជោនាយករដ្ឋមន្ត្រីនៅក្នុងគោលនយោបាយយុទ្ធសាស្ត្រការពារជាតិឆ្នាំ២០១៣។ សម្តេចជំរុញឱ្យកងយោធពលខេមរភូមិន្ទចាំបាច់ត្រូវធ្វើការកែទម្រង់ឱ្យទៅជាកម្លាំងការពារជាតិដ៏រឹងមាំមានវិន័យម៉ឺងម៉ាត់និងមានសមត្ថភាពគ្រប់គ្រាន់ដើម្បីឆ្លើយតបប្រកបដោយប្រសិទ្ធភាពព្រមទាំងចូលរួមចំណែកក្នុងការអភិវឌ្ឍជាតិ និងលើកតម្កើងកិត្យានុភាពរបស់កម្ពុជានៅលើឆាកអន្តរជាតិ។ការថ្លែងបញ្ជាក់នេះនៅក្នុងពិធីប្រជុំបូកសរុបលទ្ធផលការងារយោធាសន្តិសុខឆ្នាំ២០១៩និងផ្សព្វផ្សាយផែនការសកម្មភាពការងារយោធា សន្តិសុខឆ្នាំ២០២០របស់កងពលធំអន្តរាគមន៍លេខ៣ ខេត្តព្រះវិហារ កាលពីថ្ងៃទី៣ខែមីនាឆ្នាំ២០២០។ លោកឧត្តមសេនីយ៍ឯកហ៊ុនម៉ាណែតក៏បានផ្តាំផ្ញើដល់មេបញ្ជាការមេបញ្ជាការរងគ្រប់លំដាប់ថ្នាក់នាយទាហាននាយទាហានរងនិងពលទាហានទាំងអស់របស់កងពលធំអន្តរាគមន៍លេខ៣និងបណ្តាស្ថាប័នកងឯកភាពចំណុះសូមរក្សាភាពស្មោះត្រង់ដាច់ខាតចំពោះជាតិសាសនាព្រះមហាក្សត្រព្រមទាំងគោរពឱ្យបានម៉ឺងម៉ាត់នូវរដ្ឋធម្មនុញ្ញនៃព្រះរាជាណាចក្រកម្ពុជា។ ច្បាប់ស្តីពីលក្ខន្តិកៈទូទៅចំពោះយោធិននៃកងយោធពលខេមរភូមិន្ទក៏ដូចជាច្បាប់និងលិខិតបទដ្ឋានគតិយុត្តពាក់ព័ន្ធផ្សេងៗនិងត្រូវបន្តយកចិត្តទុកដាក់ឲ្យបានខ្លាំងក្លាក្នុងការលើកស្ទួយជីវភាពរស់នៅនិងសុខមាលភាពរបស់កងទ័ពនិងត្រៀមកម្លាំងមធ្យោបាយនិងសម្ភារៈជួយសង្គ្រោះប្រជាពលរដ្ឋដែលរងគ្រោះដោយគ្រោះមហន្តរាយដែលបង្កឡើងដោយកត្តាមនុស្សឬធម្មជាតិនៅក្នុងភូមិសាស្ត្រទទួលខុសត្រូវឱ្យបានរហ័សបំផុត។ ជាមួយគ្នានេះលោកឧត្តមសេនីយ៍ឯកហ៊ុនម៉ាណែតក៏បានកោតសរសើរនិងវាយតម្លៃខ្ពស់កិច្ចខិតខំប្រឹងប្រែងលះបង់របស់នាយទាហាន នាយទាហានរង និងពលទាហានរបស់កងពលធំអន្តរាគមន៍លេខ ៣ និងបណ្តាស្ថាប័ន-កងឯកភាពចំណុះ នៅក្នុងការបំពេញភារកិច្ចបម្រើជាតិមាតុភូមិ,...

M	T	W	T	F	S	S
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Day: March 3, 2020