4 March, 2020 - Rasmei Kampuchea Daily

សហគមន៍កសិកម្មស្ត្រីរតនៈបូកសរុបលទ្ឋផលការងារប្រចាំ

Mar 4, 2020

ដោយៈសៅវ៉ាន់ឌី/ព្រះវិហារ៖នៅស្នាក់ការសហគមន៍កសិកម្មស្ត្រីរតនៈស្ថិតក្នុងឃុំស្អាងស្រុកជ័យសែន ខេត្តព្រះវិហារកាលពីថ្ងៃទី៤ខែមីនាឆ្នាំ២០២០នេះបានរៀបចំសន្និបាតបូកសរុបលទ្ឋផលការងារប្រចាំ ឆ្នាំ២០១៩និងលើកទិសដៅផែនការឆ្នាំ២០២០។ លោកពឹងទ្រីដាប្រធានមន្ទីរកសិម្មរុក្ខាប្រម៉ាញ់និងនេសាទខេត្តព្រះវិហារបានឱ្យដឹងថាលទ្ឋផលសម្រេចបានឆ្នាំ២០១០សហគមន៍មានសមាជិកសរុបចំនួន១៥៧គ្រួសារ។បច្ចុប្បន្នក្នុងឆ្នាំ២០១៩នេះសហគមន៍មានសមាជិកសរុបចំនួន៦០៩គ្រួសារ។ក្នុងឆ្នាំ២០១៩នេះសហគមន៍មានមុខរបរសំខាន់ៗចំនួន៥ដូចជា៖សម្របសម្រួលកិច្ចសន្យាទិញលក់ស្រូវសរីរាង្គ,ឥណទានសាច់ប្រាក់,លក់ជីសរីរាង្គCoop,ផលិតទឹកពិសារភូមិយើង, និងផលិតទឹកស្អាតចែកចាយជូនសមាជិកសហគមន៍។ លោកពឹងទ្រីដាប្រធានមន្ទីរកសិម្មបានបន្តថាក្នុងឆ្នាំ២០១៩មានសមាជិកសហគមន៍៤៧៩គ្រួសារបានចុះកិច្ចសន្យាលក់ស្រូវសរីរាង្គជូនក្រុមហ៊ុនAmruRiceលើបរិមាណចំនួន៣.៦៦៨.៦០០គីឡូក្រាម។ជាលទ្ឋផលសហគមន៍បានលក់ស្រូវជូនក្រុមហ៊ុនបានបរិមាណ៣.៧៩៣.៤០៦គីឡូក្រាមស្មើ១០៣,៤ភាគរយបើធៀបនិងកិច្ចសន្យា។សម្រាប់ផែនការឆ្នាំ២០២០សហគមន៌នឹងពង្រីកសមាជិកភាពបន្ថែមនឹងពង្រីកដៃគូរបន្ថែមសម្រាប់ផលិតកម្មស្រូវសរីរាង្គ។ ចូលរួមជាកិត្តិយសក្នុងកម្មវិធីសន្និបាតមានថ្នាក់ដឹកនាំមន្ទីរកសិកម្មរុក្ខប្រមាញ់និងនេសាទរដ្ឋបាលស្រុកជ័យសែនសហភាពសហគមន៌កសិកម្មអាជ្ញាធរភូមិ/ឃុំនិងដៃគូអភិវឌ្ឍន៌ដូចជាអង្កការទស្សនៈពិភពលោក ទីប្រឹក្សាគម្រោងអែមជាដើម៕S/

សន្តិសុខ

ចោរគាស់ផ្ទះចូលលួចទ្រព្យសម្បត្តិអស់ដោយរវល់ទៅបង្រៀនសិស្ស

Mar 4, 2020

ដោយះគ្រញូង/បាត់ដំបង៖កាលពីថ្ងៃ ទី ៣ខែមីនា ឆ្នាំ២០២០នៅចំណុចភូមិបឹងប្រីយ៍ឃុំ ស្នឹងស្រុក បាណន់មានករណីចោរគាស់ផ្ទះគ្រូបង្រៀនម្នាក់ចូលលួចយកទ្រព្យសម្បត្តិអស់ហើយគាត់បានទៅប្តឹងសមត្ថកិច្ចឱ្យជួយអន្តរាគមន៍តាមចាប់ខ្លួនជនសង្ស័យដែលថតបានក្នុងកាម៉ារ៉ាសុវត្ថិភាពដើម្បីយកមកផ្តន្ទាទោសតាមច្បាប់។ លោកប៉ាន់ វ៉ាន់នីអធិការនគរបាលស្រុកបាណន់បានឱ្យដឹងថាម្ចាស់ផ្ទះរងគ្រោះមានឈ្មោះជុំ ជាតិភេទប្រុសអាយុ៣៣ឆ្នាំនិងភរិយាឈ្មោះសុតពិសីអាយុ២៩ឆ្នាំជាគ្រូបង្រៀនទាំងពិរនាក់នៅសាលាបឋមសិក្សាមួយនៅភូមិឃុំខាលើ។នៅក្នុងពាក្យបណ្តឹងលោកបានរាយការណ៍ថាផ្ទះរបស់គាត់ធ្លាប់ត្រូវចោរគាស់ផ្ទះចំនួនបីលើកហើយ។ប៉ុន្តែសមត្ថកិច្ចមិនទាន់ចាប់បានជនសង្ស័យណាម្នាក់ឡើយ។ ម្ចាស់ផ្ទះបានប្រាប់ថាលើកទី១ក្នុងខែកុម្ភៈមិនចាំថ្ងៃចោរបានគាស់ផ្ទះចូលលួចលុយអស់ជាង៦០ម៉ឺនរៀលនិងទូរស័ព្ទដៃ១គ្រឿង។លើកទី២នៅថ្ងៃទី២៨ខែកុម្ភៈចោរគាស់ផ្ទះចូលលួចយកខ្សែកប្លាទីន១ខ្សែនិងម៉ូទ័រស្វាន១គ្រឿង។ទាំងពីរលើកនេះលោកមិនបានប្តឹងប៉ូលិសប៉ុស្តិ៍ទេតែបានប្តឹងមេភូមិ។ លើកទី៣នេះគឺនៅព្រឹកថ្ងៃទី៣ខែមីនាមានចោរចូលគាស់ផ្ទះជាលើកទី៣យកអស់ម៉ូទ័រស្វាន១គ្រឿងហើយមានរូបជាប់ក្នុងកាម៉ារ៉ាសុវត្ថភាពទើបលោកសម្រេចចិត្តប្តឹងប៉ូលិសប៉ុស្តិ៍រដ្ឋបាលស្នឹងព្រោះចោរនោះគាត់ស្គាល់ជាមនុស្សរស់នៅក្នុងភូមិជាមួយគ្នា។ លោកអធិការស្រុកបានបញ្ជាក់ថាយោងតាមរូបដែលថតបានក្នុងកាម៉ារ៉ាសមត្ថកិច្ចនឹងស្រាវជ្រាវចាប់ខ្លួនជនសង្ស័យបានក្នុងពេលឆាប់ៗនេះដើម្បីយកមកផ្តន្ទាទោសតាមច្បាប់៕S/ រូបថតរ៖ចោរគាស់ផ្ទះគ្រូបង្រៀនចូលរើកកាយយកទ្រព្យសម្បត្តិ

សង្គម ទេសចរណ៍

អាជ្ញាធរដឹកនាំកម្លាំងសម្អាតអនាម័យមាត់ទន្លេក្នុងទីក្រុងដើម្បីភ្ញៀវទេសចរណ៍ចូលមកលេងកម្សាន្ត

Mar 4, 2020

ដោយ:ទេពកង្រី/កំពង់ឆ្នាំង៖អភិបាលរងខេត្តកំពង់ឆ្នាំង លោក ស៊ុនសុវណ្ណារិទ្ធ បានថ្លែងថា វិថីស្អាត ម្ហូបអាហារស្អាតនិងទីក្រុងរមណីយដ្ឋានស្អាតគឺជាចំណង់ចំណូលចិត្តរបស់ភ្ញៀវទេសចរណ៍ជាតិនិងអន្តរជាតិចូលចិត្តមកលេងកម្សាន្ត។ដែលយើងគ្រប់គ្នាគឺជាម្ចាស់មូលដ្ឋានត្រូវតែយកចិត្តទុកដាក់សម្អាតទីក្រុងផ្ទះសម្បែងនិងកន្លែងធ្វើការ។ ភិបាលរងខេត្តបានថ្លែងបែបនេះទៅកាន់មន្ត្រីរាជការកងកម្លាំងប្រដាប់អាវុធនិងសិស្សានុសិស្សប្រមាណជាង៥០០នាក់ដែលពិធីនេះធ្វើឡើងនៅព្រឹកថ្ងៃទី៤ខែមីនាឆ្នាំ២០២០ក្នុងពិធីប្រមូលសំរាមសម្អាតសួនច្បារនិងទីសារធារណៈរួមនិងសម្អាតមាត់ទន្លេផ្សារក្រោមក្នុងសង្កាត់ផ្សារឆ្នាំងក្រុងនិងខេត្តកំពង់ឆ្នាំង ។ លោកស៊ុនសុវណ្ណារិទ្ធបានបន្តថាតាមគោលការរបស់ខេត្តកន្លងមកបានណែនាំអោយប្រជាពលរដ្ឋដែលមានលំនៅស្ថាននិងហាងលក់ដូរឬតាមទីវត្តអារាមនិងតាមមន្ទីរអង្គភាពជុំវិញខេត្តត្រូវមានធុងសំរាម៣ប្រភេទគឺពណ៌ខ្មៅពណ៌លឿងនិងពណ៌ខៀវដើម្បីដាក់សំរាមតាមប្រភេទផ្សេងៗគ្នាសម្រាប់ទុកឱ្យក្រុមហ៊ុនអនាម័យប្រមូលដឹកយកទៅចោល៕S/

ការកំណត់

គ.ជ.ប ត្រៀមសម្រាប់បម្រើឱ្យការពិនិត្យបញ្ជីឈ្មោះ និងការចុះឈ្មោះបោះឆ្នោត

Mar 4, 2020

ដោយៈ មុនីរ័ត្ន/ភ្នំពេញៈ អនុលោមតាមច្បាប់ស្តីពីការបោះឆ្នោតជ្រើសតាំងតំណាងរាស្ត្រ បទបញ្ជា និងនីតិវិធីនិងសេចក្តីណែនាំរួមរវាងគ.ជ.បនិងក្រសួងមហាផ្ទៃគ.ជ.បត្រូវអនុវត្តការងាររៀបចំត្រៀមសម្រាប់បម្រើឱ្យការពិនិត្យបញ្ជីឈ្មោះ។ការចុះឈ្មោះបោះឆ្នោតដែលការងារនេះផ្តោតសំខាន់លើការងារស្រង់ស្ថិតិប្រជាពលរដ្ឋតាមឃុំសង្កាត់ការកំណត់ចំនួន។ ទីតាំងការិយាល័យបោះឆ្នោតសម្រាប់គ.ជ.បប្រើប្រាស់ជាមូលដ្ឋានក្នុងការត្រៀមរៀបចំបញ្ជីបោះឆ្នោត។ក្នុងការអនុវត្តការងារនេះលេខាធិការដ្ឋានរាជធានីខេត្តរៀបចំការបោះឆ្នោត(លធ.ខប)ត្រូវមានភារកិច្ចសហការយ៉ាងជិតស្និទ្ធជាមួយអាជ្ញាធរឃុំសង្កាត់ពិសេសស្មៀននិងមេឃុំចៅសង្កាត់និងដោយមានការគាំទ្រពីរដ្ឋបាលក្រុងស្រុកខណ្ឌនិងរាជធានី ខេត្ត។ នេះជាការគូសបញ្ជាក់របស់លោកទេពនីថាអគ្គលេខាធិការគ.ជ.បក្នុងពិធីបិទវគ្គបណ្តុះបណ្តាលមន្ត្រីលធ.ខបតំណាងគណបក្សនយោបាយនិងតំណាងអង្គការមិនមែនរដ្ឋាភិបាល ស្តីពីការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២០ នៅទីស្តីការ គ.ជ.ប កាលរសៀលថ្ងៃទី០៤ ខែមីនា...

នយោបាយ ព័ត៌មានជាតិ អប់រំ

ប្រមុខរាជរដ្ឋាភិបាលផ្តល់មតិណែនាំ៥ចំណុចដល់ក្រសួង សុខាភិបាល

Mar 4, 2020

ដោយ៖តារារិទ្ធ(ភ្នំពេញ)៖ដើម្បីឱ្យគុណភាពសេវាសុខភាពសាធារណៈបានពង្រីកការគ្របដណ្តប់និងកែលម្អកាន់តែល្អប្រសើរស្របតាមតម្រូវការសេវាសុខភាពកំណើនប្រជាជន ការវិវឌ្ឍប្រជាស្រាស្ត ការប្រែប្រួលសណ្ឋានជំងឺនិងជីវភាពរស់នៅរបស់ប្រជាជន ប្រមុខរាជរដ្ឋាភិបាលកម្ពុជាសម្តេចតេជោ ហ៊ុន សែន បានផ្តល់នូវការណែនាំប្រាំចំណុចដល់ក្រសួងសុខាភិបាលនិងស្ថាប័នពាក់ព័ន្ធ ។ សម្តេចតេជោ ហ៊ុន សែន បានផ្តល់មតិណែនាំនេះនៅរសៀលថ្ងៃទី០៤ ខែមីនា ឆ្នាំ ២០២០...

សង្គម អប់រំ

បំពាក់ឯកសណ្ឋានជូនយុវជនកាកបាទក្រហមកម្ពុជានៅស្រុកភ្នំស្រុក

Mar 4, 2020

ដោយ៖ភ្នំស្វាយ/បន្ទាយមានជ័យ៖គណកម្មការអនុសាខាកាកបាទក្រហមកម្ពុជាស្រុកភ្នំស្រុកខេត្តបន្ទាយមានជ័យ បានធ្វើពិធីបំពាក់ឯកសណ្ឋាន ដល់យុវជនកាកបាទក្រហមកម្ពុជា ដល់លោក គ្រូ អ្នកគ្រូ និងសិស្សានុសិស្សមកពី វិទ្យាល័យចំនួន៣នៅក្នុងស្រុកនេះ ។ លោកយុតស្វីតនីហិរញ្ញិកនៃគណះកម្មាធិការសាខាកាកបាទក្រហមកម្ពុជាខេត្តបន្ទាយមានជ័យថ្លែងកាលពីថ្ងៃទី០៤ខែមិនាឆ្នាំ២០២០ថា៖លោកមានក្តីរីករាយនិងសូមអបអរសាទរដែលបានចូលរួមបំពាក់កន្សែងជូនចំពោះលោកគ្រូអ្នកគ្រូនិងក្មួយៗយុវជនស្ម័គ្រចិត្តកាកបាទក្រហម នៃវិទ្យាល័យភ្នំស្រុក, វិទ្យាល័យសុខ អានប៉ោយចារ និងវិទ្យាល័យហ៊ុន សែន...

សន្តិសុខ

ឃាត់ខ្លួនស្ត្រីវៀតណាមម្នាក់ចូលបន្លំយកខ្សែកមួយតម្លឹង

Mar 4, 2020

ដោយ:អង្គរតូច/សៀមរាប៖កម្លាំងនគរបាលប៉ុស្តិ៍គោកចកបានឃាត់ខ្លួនស្ត្រីជនជាតិវៀតណាមម្នាក់ករណីបន្លំលួចខ្សែកមួយខ្សែទម្ងន់មួយតម្លឹង។ហេតុការណ៍បានកើតឡើងនាថ្ងៃទី៤ ខែមីនា ឆ្នាំ២០២០ ស្ថិតនៅផ្សារដើមក្រឡាញ់ក្នុងភូមិត្រពាំងសេះសង្កាត់គោកចកក្រុង.ខេត្តសៀមរាប។ មន្ត្រីនគរបាលមូលដ្ឋាន ដែលស្ថិតក្នុងហេតុការណ៍បានឱ្យដឹងថាជនសង្ស័យមានឈ្មោះង្វៀងធីខាហៅ សុខខាភេទស្រីអាយុ៥៣ឆ្នាំជនជាតិវៀតណាមរស់នៅភូមិគីឡូម៉ែត្រលេខ៧សង្កាត់ស្វាយប៉ាកខណ្ឌឫស្សីកែវរាជធានីភ្នំពេញមានមុខរបរលក់ត្រី។ជនសង្ស័យជាប់ពាក់ព័ន្ធនឹងករណីអំពើលួច(បន្លំលួចខ្សែក)។មន្ត្រីបន្តថាមុនកើតហេតុស្ត្រីសង្ស័យនេះបានធ្វើសកម្មភាពចូលទិញខ្សែកនៅតូបរបស់ជនរងគ្រោះឈ្មោះលីមហ៊ុយឃីភេទស្រីអាយុ៣៧ឆ្នាំរស់នៅភូមិវាលសង្កាត់គោកចកក្រុងសៀមរាប។ជនសង្ស័យបានឱ្យជនរងគ្រោះយកខ្សែកមាសប្រភេទច្រវ៉ាក់ឆាបទម្ងន់១ដំឡឹងពីក្នុងទូរមកឱ្យខ្លួន។ ពេលបានខ្សែកដោយជនរងគ្រោះមិនចាប់អារម្មណ៍ជនល្មើសក៏ដោះខ្សែកខ្លួន(ខ្សែកក្លែងក្លាយ)ប្រភេទច្រវ៉ាកឆាបដូចគ្នាឱ្យទៅជនរងគ្រោះ។រីឯខ្សែកពិតជនសង្ស័យបានយកពាក់នៅនឹងកដោយគ្របអាវជិត។បន្ទាប់មកជនសង្ស័យនឹងជនរងគ្រោះក៏បាននិយាយតម្លៃគ្នាតែមិនត្រូវហើយជនសង្ស័យក៏បានដើរគេចខ្លួនចេញទៅ ។ ដោយជនរងគ្រោះពិនិត្យមើលខ្សែកដែលជនសង្ស័យឱ្យមានលក្ខណៈប្លែកនិងស្រាលក៏ស្រែកឆោឡោឡើង។ប្រជាពលរដ្ឋដែលនៅក្បែរនោះចាប់ឃាត់ជនសង្ស័យបាននិងរាយការណ៍ជូនសមត្ថកិច្ច។ភ្លាមនោះសមត្ថកិច្ចចុះទៅនាំខ្លួនជនសង្ស័យយកមកសួរនាំ។ជនសង្ស័យក៏បានសារភាពថាខ្លួនពិតជាបន្លំលួចខ្សែក ជនរងគ្រោះពិតប្រាកដមែន។ ជាមួយគ្នានោះមន្ត្រីនគរបាលបានឆែកឆេរនិងបានដកហូតវត្ថុតាងពីជនល្មើសរួមមាន៖ខ្សែកច្រវ៉ាក់ឆាបធ្វើអំពីលោហធាតុពណ៌លឿង(មាស)ប្រវែង៧៧ស.មទម្ងន់១តម្លឹង(របស់ជនរងគ្រោះ),។ខ្សែករច្រវ៉ាក់ឆាបធ្វើអំពីលោហធាតុពណ៌លឿង(កាឡៃ)១ខ្សែប្រវែង.៤៤ស.មជារបស់ជនល្មើស។.ខ្សែដៃច្រវ៉ាក់ឆាបលោហធាតុពណ៌លឿង(កាឡៃ)ប្រវែង១៦.៥ស.មជារបស់ជនល្មើស.ក្រវិល១គូរលោហធាតុពណ៌លឿងមានត្បូងពណ៌សរ ២គ្រាប់...

នយោបាយ សង្គម

លទ្ធផលនៃកិច្ចប្រជុំគណៈកម្មការចម្រុះកម្ពុជា-បង់ក្លាដែស លើកទី១

Mar 4, 2020

ដោយ:មុនីរ័ត្ន/ភ្នំពេញ៖-ពិធីសម្ពោធឈ្មោះផ្លូវ“KingNORODOMSIHANOUKRoad”ក្នុងតំបន់ការទូតនៃទីក្រុងដាក្កា។ កិច្ចប្រជុំគណៈកម្មការចម្រុះកម្ពុជា-បង់ក្លាដែសលើកទី១ ត្រូវបានរៀបចំឡើងនៅថ្ងៃទី ២៧ ខែកុម្ភៈ ឆ្នាំ ២០២០នៅទីក្រុងដាក្កាប្រទេសបង់ក្លាដែស។លោកស្រីអ៊ាតសោភារដ្ឋលេខាធិការក្រសួងការបរទេស និងសហប្រតិបត្តិការអន្តរជាតិកម្ពុជានិងលោកអឹមឌីហ្សារៀរអាឡាមសមាជិកសភាអនុរដ្ឋមន្ត្រីការបរទេសនៃសាធារណរដ្ឋប្រជាមានិតបង់ក្លាដែស បានធ្វើជាសហប្រធាននៃកិច្ចប្រជុំនេះ។ កិច្ចប្រជុំបានប្រព្រឹត្តទៅក្នុងបរិយាកាសមិត្តភាពនិងការយោគយល់គ្នាទៅវិញទៅមកដែលឆ្លុះបញ្ចាំងពីស្មារតីរួមដើម្បីជំរុញទំនាក់ទំនងឱ្យកាន់តែជិតស្និទ្ធរវាងប្រទេសទាំងពីរ ទាំងក្នុងក្របខណ្ឌទ្វេភាគី និងពហុភាគី។ភាគីទាំងពីរបានលើកអំពីការវិវត្តនៃស្ថានភាពនយោបាយនិងសេដ្ឋកិច្ចសង្គមនាពេលបច្ចុប្បន្ននិងទិសដៅរបស់ប្រទេសរៀងៗខ្លួន។បានកត់សម្គាល់ដោយការពេញចិត្តអំពីវឌ្ឍនភាពកិច្ចសហប្រតិបត្តិការទ្វេភាគី បន្ទាប់ពីមានការផ្លាស់ប្តូរទស្សនកិច្ចរវាងនាយករដ្ឋមន្ត្រីកម្ពុជា និងបង់ក្លាដែស។ ភាគីទាំងពីរបានឯកភាពអនុវត្តឲ្យបានពេញលេញគ្រប់កិច្ចព្រមព្រៀងដែលប្រទេសទាំងពីរបានចុះហត្ថលេខាដើម្បីជំរុញកិច្ចសហប្រតិបត្តិការទ្វេភាគីហើយនិងបន្តរក្សាឲ្យមានជាទៀងទាត់នូវដំណើរទស្សនកិច្ចជាន់ខ្ពស់...

សន្តិសុខ សង្គម

កុំចេះតែហ៊ាន! បញ្ជូនខ្លួនអតីតប្រធានមន្ទីររៀបចំដែនដីខេត្តព្រះសីហនុទៅតុលាការ

Mar 4, 2020

ដោយៈ មុនីរ័ត្ន,សរិទ្ធ/ ភ្នំពេញៈ អង្គភាពប្រឆាំងអំពើពុករលួយឬអ.ប.ព (ACU) បានបញ្ជូនខ្លួនលោក នួន ប៉ុក អតីតប្រធានមន្ទីររៀបចំដែនដីនគរូបនីយកម្ម និងសំណង់ខេត្តព្រះសីហនុ ទៅកាន់សាលាដំបូងរាជធានីភ្នំពេញ កាលពីល្ងាចថ្ងៃទី៤ ខែមីនា ឆ្នាំ២០២០ ដើម្បីចាត់ការតាមនីតិវិធី។...

សេដ្ឋកិច្ច សន្តិសុខ សង្គម

អភិបាលរងខេត្តព្រះវិហារចុះពិនិត្យផ្ទាល់ដល់ទីតាំងគំនរឈើដែលសមត្ថកិច្ចបង្ក្រាបបាន

Mar 4, 2020

ដោយៈសៅវ៉ាន់ឌី/ព្រះវិហារ៖រដ្ឋបាលខេត្តព្រះវិហារបានដឹកនាំមន្ត្រីពាក់ព័ន្ធចុះពិនិត្យផ្ទាល់ដល់ទីតាំងដែលសមត្ថកិច្ចបង្ក្រាបបានទីតាំងសន្និធិឈើខុសច្បាប់មួយកន្លែងស្ថិតក្នុងចំណុចភូមិបុស្សឃុំប្រមេរុស្រុកត្បែងមានជ័យខេត្តព្រះវិហារកាលពីរសៀលទី៤ខែមីនាឆ្នាំ២០២០។ លោកគោស៊ុប៊ុនសឿតអភិបាលរងខេត្តព្រះវិហារតំណាងលោកប្រាក់សុវណ្ណអភិបាលខេត្តបានថ្លែងដឹងថាការចុះទៅពិនិត្យផ្ទាល់ជាក់ស្តែងដល់ទីតាំងគំនរឈើដែលសមត្ថកិច្ចបង្ក្រាបបាននេះគឺក្នុងទិសដៅលើកទឹកចិត្តដល់សមត្ថកិច្ច។ភារៈកិច្ចដែលពួគាត់ខិតខំបង្ក្រាបនិងម្យ៉ាងទៀតចង់ដឹងពីតួលេខពិតប្រាកដនៃចំនួនឈើ។ព្រោះអីមានព័ត៌មានខ្លះថាសមត្ថកិច្ចបង្ក្រាបបានរហូត២០០ទៅ៣០០ម៉ែត្រគូបឯណោះ។ពេលដែលលោកចុះពិនិត្យជាក់ស្តែងឃើញគំនរឈើ ដែលបង្ក្រាបបានមានប្រហែល ២០ទៅ ២៥ម៉ែត្រ គូបប៉ុណ្ណោះ។ លោកគោស៊ុប៊ុនសឿតក៏បានវាយតម្លៃនិងអរគុណលោកឧត្តមសេនីយ៍ត្រីកងសៅគុណមេបញ្ជការកងរាជអាវុធហត្ថខេត្តព្រះវិហារដែលបានដឹកនាំកម្លាំងសហការជាមួយមន្ត្រីរដ្ឋបាលព្រៃឈើធ្វើការបង្ក្រាបបានទីតាំងគំនរឈើដេលខុសច្បាប់នេះ។ជាមួយគ្នានេះដែរលោកក៏បានណែនាំឱ្យជំនាញរដ្ឋបាលព្រៃឈើ ត្រូវដឹកជញ្ជូនឈើនេះយកទៅរក្សាទុក និងធ្វើការវាស់វែងឱ្យបានត្រឹមត្រូវ៕S/

M	T	W	T	F	S	S
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28	29
30	31

Day: March 4, 2020