លោកស៊ីផ្ញើសារអបអរបុណ្យចូលឆ្នាំថ្មីនិងបន់ស្រន់ឱ្យចិនរុងរឿង
ប្រែសម្រួល : កញ្ញាដាលីស ៖ លោកប្រធានាធិបតីស៊ី ជីនភីងបានផ្ញើសារជូនពរឆ្នាំថ្មីដល់ប្រជាជនចិនគ្រប់រូប ឱ្យមានសុភមង្គលនិងសំណាងល្អនិងសូមឱ្យប្រទេសជាតិមានវិបុលភាព។ លោកស៊ី ដែលជាអគ្គលេខាធិការគណៈកម្មាធិការមជ្ឈិមបក្សកុម្មុយនីស្តចិននិងជាប្រធានគណៈកម្មាធិការយោធាមជ្ឈិមដែរនោះបានសម្តែងការស្វាគមន៍បុណ្យចូលឆ្នាំក្នុងដំណើរចុះពិនិត្យមួយនៅខេត្តគួយចូវភាគនិរតីប្រទេសចិន មុនពេលចូលឆ្នាំចិនដែលនឹងចូលមកដល់នៅថ្ងៃទី ១២ ខែកុម្ភៈឆ្នាំនេះ។ ដំណើរនេះបាននាំលោកស៊ីទៅកាន់ទីកន្លែងជាច្រើនរួមមានទីក្រុងប៉ីជីនិងទីក្រុងគួយយ៉ាង ដែលជាទីរួមខេត្តគួយចូវ។ លោកបានចុះទៅភូមិមួយ...