Day: August 31, 2021

ក្រុម​រដ្ឋ​អ៊ីស្លាម​អះអាង​ទទួលខុសត្រូវ​ចំពោះ​ការបាញ់​គ្រាប់​រ៉ុក្កែត​ដាក់​អាកាសយានដ្ឋាន​ក្រុង​កា​ប៊ុល​

​ប្រែ​សម្រួលៈ​វាសនា​៖​ក្រុម​រដ្ឋ​អ៊ីស្លាម​(ISIS)​បាន​អះអាង​ទទួលខុសត្រូវ​ចំពោះ​ការវាយប្រហារ​ដោយ​គ្រាប់​រ៉ុក្កែត​ទៅលើ​អាកាសយានដ្ឋាន​ក្រុង​កា​ប៊ុល​កាលពី​ថ្ងៃ​ចន្ទ នេះ​បើ​តាម​ការផ្សាយ​របស់​​សារព័ត៌មាន​Nasher News​របស់​ក្រុម​នេះ​នៅលើ​បណ្តាញ​Telegram ។​ ​វា​បាន​និយាយថា « ដោយ​ឬ​ទ្ធិ​អំណាច​ព្រះ​ជា​ម្ចាស់ ទាហាន​របស់​រដ្ឋ​កាលីហ្វា​ត​បាន​វាយប្រហារ​អាកាស​យានដ្ឋាន​អន្តរជាតិ​ក្រុង​កា​ប៊ុល​ជាមួយនឹង​គ្រាប់​រ៉ុក្កែត​Katyusha​ចំនួន​៦​គ្រាប់​»​។​ ​មន្ត្រី​អាម៉េរិក​ម្នាក់​បាន​និយាយថា ប្រព័ន្ធ​ការពារ​អាកាស​អាម៉េរិក​បាន​ស្ទាក់​កំទេច​រ៉ុក្កែត​បាន​៥​គ្រាប់​ដែល​ត្រូវ​គេ​បាញ់​ដាក់​អាកាសយានដ្ឋាន​ក្រុង​កា​ប៊ុល​កាលពីដើម​ថ្ងៃ​ចន្ទ​នៅពេល​សារព័ត៌​​មាន​អា​ហ្វ​ហ្គានី​ស្ថានបា​ននិយាយថា រ៉ុក្កែត​ទាំងនេះ​ត្រូវ​គេ​បាញ់​ចេញពី​កន្ទុយ​រថយន្ត​។​សារព័ត៌មាន​Pajhwok បាន​និយាយថា​រ៉ុក្កែត​ត្រូវបាន​បាញ់​ចេញពី​ផ្នែក​ផ្សេងៗ​គ្នា​នៃ​ទីក្រុង​កា​ប៊ុល​។​ ​ការវាយប្រហារ​នេះ​កើតឡើង​ចំពេល​អាម៉េរិក​ប្រញាប់ប្រញាល់​បញ្ចប់​ការដកចេញ​ពី​អា​ហ្វ​ហ្គានី​ស្ថាន​ដើម្បី​បញ្ចប់​សង្គ្រាម​យូរ​បំផុត​មួយ​របស់​ខ្លួន​។​ ​ក្នុងពេល​ជាមួយគ្នា​អ្នកនាំពាក្យ​តា​លី​បង់ បាន​និយាយថា​ការ​គំរាម​ពី​ការ​វាយប្រហារ​លើ​អាកាសយានដ្ឋាន​ក្រុង​កា​ប៊ុល​នៅតែ​មាន​ខ្លាំង​នៅ​មួយ​ថ្ងៃមុន​យោធា​អាម៉េរិក​បញ្ចប់​ការដកចេញ​ពី​​អា​ហ្វ​ហ្គានី​ស្ថានទាំង​ស្រុង​។​...