លោកស្រី ឱ វណ្ណឌីន បន្តអំពាវនាវដល់ប្រជាពលរដ្ឋ ជនវ័យចាស់ និងអ្នកមានជំងឺប្រចាំកាយ ត្រូវទៅទទួលការចាក់វ៉ាក់សាំងបង្ការជំងឺកូវីដ-១៩ ជាចាំបាច់ទាំងដូសមូលដ្ឋាន និងដូសជំរុញ
ដោយ:បូព៌ព្រឹក្ស/ភ្នំពេញ:ថ្លែងទៅកាន់ប្រជាពលរដ្ឋដែលជាជនជាតិភាគតិចជាច្រើននាក់នៅសាលាបឋមសិក្សាសាមគ្គីចុងរាំង លោកស្រីរដ្ឋលេខាធិការនិងជាអ្នកនាំពាក្យក្រសួងសុខាភិបាលបានបញ្ជាក់ថា កត្តាដែលមនុស្សវ័យចាស់ និងបុគ្គលដែលមានជំងឺប្រចាំកាយត្រូវទទួលវ៉ាក់សាំងកូវីដ-១៩ ដូសជំរុញនោះ គឺដើម្បីរក្សាប្រព័ន្ធការពាររាងកាយឱ្យនៅក្នុងខ្លួនដើម្បីប្រយុទ្ធប្រឆាំងនឹងជំងឺមួយនេះ។ ម្យ៉ាងវិញទៀតជនដែលមានជំងឺប្រចាំកាយ ហាក់បីមានប្រព័ន្ធការពារថមថយ ពោលគឺសុខភាពរបស់ពួកគាត់ខ្សោយជាងអ្នកដែលគ្មានជំងឺប្រចាំកាយ ដូច្នេះវ៉ាក់សាំងពិតជាសំខាន់ណាស់សម្រាប់ពួកគេដើម្បីទប់ទល់ពីការវាយលុកនៃវីរុសនេះ។ ប្រភពក្រសួងសុខាភិបាលបានឱ្យដឹងថា ក្នុងឱកាសចុះពិនិត្យដំណើរការចាក់វ៉ាក់សាំងកូវីដ-១៩ នៅខេត្តមណ្ឌលគីរី ដែលដឹកនាំដោយលោកស្រីវេជ្ជបណ្ឌិត ឱ...