ប្រធានាធិបតីស៊ីទៅដល់ទីក្រុងមូស្គូ ដើម្បីជួបពូទីន
ប្រែសម្រួលៈបំណង(ដេល្លីម៉េល)៖ ប្រធានាធិបតីចិនលោក ស៊ី ជីនពីង បានទៅដល់រដ្ឋធានីមូស្គូកាលពីថ្ងៃចន្ទសំរាប់ដំណើរទស្សនកិច្ចបីថ្ងៃដោយសម្ញែងដំណើរកិច្ចការទូតពិភពលោកថ្មីរបស់ចិនប៉េកាំងនិងជួយលើកមុខមាត់ប្រធានាធិបតី វ្ល៉ាឌីមៀ ពូទីន នៅពេលប៉ុន្មានថ្ងៃក្រោយតុលាការព្រហ្មទណ្ឌអន្តរជាតិចេញដីការចាប់ខ្លួនលោកចំពោះបទឧក្រិដ្ឋសង្គ្រាមពាក់ព័ន្ធនឹងសង្គ្រាមនៅអ៊ុយក្រែន។ កងកិត្តិយសស្វាគមន៍លោកស៊ីនៅអាកាសយានដ្ឋានវីនូកូវ៉ូ ក្នុងក្រុងមូស្គូ កាលពីថ្ងៃ២០មីនា ចិននិងរុស្ស៊ី បានពណ៌នាដំណើររបស់ស៊ីថាជាឳកាសមួយដើម្បីពង្រឹង«មិត្តភាពគ្មានព្រំដែន»របស់ប្រទេសទាំងពីរ។ចិនមើលទៅរុស្ស៊ីថាជាប្រភពប្រេងនិងហ្គាសសំរាប់សេដ្ឋកិច្ចស្រេកឃ្លានថាមពរបស់ខ្លួននិងជាដៃគូក្នុងការងើបឈរតតាំងការត្រួតត្រាកិច្ចការសកលលោករបស់អាម៉េរិក។ ប្រទេសទាំងពីរក៏ធ្វើសមយុទ្ធយោធារួមគ្នាផងដែរ។ អ្នកនាំពាក្យវិមានក្រឹមឡាំងលោក...