ក្រុមតាលីបង់សម្លាប់ភេវរជនរដ្ឋអ៊ីស្លាមដែលជាមេក្លោងនៃការបំផ្ទុះគ្រាប់បែកសម្លាប់ទាហានអាម៉េរិក១៣នាក់កាលពីឆ្នាំ២០២១
ប្រែសម្រួលៈបំណង(ដេល្លីម៉េល)៖ ក្រុមតាលីបង់នៅអាហ្វហ្គានីស្ថានបានសម្លាប់មេដឹកនាំជាន់ខ្ពស់ម្នាក់នៃក្រុមរដ្ឋអ៊ីស្លាម(IS)ដែលបាននៅពីក្រោយការបំផ្ទុះគ្រាប់បែកអត្តឃាតសម្លាប់ទាហានអាម៉េរិក១៣នាក់និងជនជាតិអាហ្វហ្គានីស្ថានប្រមាណ១៧០នាក់ទៀតនៅក្រៅអាកាសយានដ្ឋានក្រុងកាប៊ុលកាលពីខែសីហាឆ្នាំ២០២១។ យោធាអាម៉េរិកកាលពីចុងសប្តាហ៍បានចាប់ផ្តើមជូនដំណឹងទៅកាន់ក្រុមគ្រួសាររបស់ទាហានម៉ារីន១១នាក់ គ្រួសាររបស់ទាហានជើងគោកម្នាក់និងជើងទឹកម្នាក់ដែលបានស្លាប់ក្នុងការផ្ទុះពេលយាមការពារប្រតិបត្តិជម្លៀសពលរដ្ឋនិងទាហានអាម៉េរិកចេញពីអាហ្វហ្គានីស្ថាន។ មេដឹកនាំISដែលអត្តសញ្ញាណមិនត្រូវបានបញ្ចេញ ត្រូវបានសម្លាប់នៅអាហ្វហ្គានីស្ថានខាងត្បូងកាលពីដើមខែមេសា នៅពេលក្រុមតាលីបង់បើកប្រតិបត្តិការបន្តបន្ទាប់លើក្រុមIS។ រូបបញ្ចេញដោយក្រសួងការពារជាតិបង្ហាញ ទាហានម៉ារីនអាម៉េរិកនៅមាត់ច្រកអាកាសយានដ្ឋាននិងការផ្ទុះគ្រាប់បែកនៅអាកាសយានដ្ឋានក្រុងកាប៊ុលកាលពីថ្ងៃ២៦សីហា ២០២១ ការផ្ទុះនៅទ្វារចូលអាកាសយានដ្ឋានកើតឡើងតែប៉ុន្មានម៉ោងក្រោយមន្ត្រីលោកខាងលិចបានព្រមានអំពីការវាយប្រហារធំមួយ និងអំពាវនាវអោយមនុស្សចាកចេញពីអាកាសយានដ្ឋានក្រុងកាប៊ុល។តែការណែនាំនេះមិនត្រូវបានប្រជាជនអាហ្វហ្គានីស្ថានអើពើក្នុងពេលពួកគេខិតខំគេចចេញពីប្រទេសដែលទើបធ្លាក់ចូលក្នុងដៃក្រុមឧទ្ទាមតាលីបង់។ សូមបញ្ជាក់ថា ក្រុមរដ្ឋអ៊ីស្លាមអាហ្វហ្គានីស្ថានដែលមានសមាជិកប្រមាណ៤.០០០នាក់ ឥឡូវជាសត្រូវធំបំផុតរបស់ក្រុមតាលីបង់។ក្រុមនេះបានធ្វើការវាយប្រហារបន្តបន្ទាប់នៅអាហ្វហ្គានីស្ថានចាប់តាំងពីក្រុមតាលីបង់ចូលកាន់កាប់អំណាច...