អ៊ុយក្រែនបដិសេធការអះអាងរបស់រុស្ស៊ីថាខ្លួន បញ្ជូនដ្រូនទៅវាយប្រហារវិមានក្រឹមឡាំង
ប្រែសម្រួលៈបំណង(ដេល្លីម៉េល)៖រុស្ស៊ីបានអះអាងថា ខ្លួនបានរារាំងការវាយប្រហារដោយដ្រូនរបស់អ៊ុយក្រែនជាច្រើនកាលពីថ្ងៃពុធលើវិមានក្រឹមឡាំងក្នុងទីក្រុងមូស្គូ ដោយហៅវាថាជាការប៉ុនប៉ងធ្វើឃាតមិនបានសំរេចលើប្រធានាធិបតីវ្ល៉ាឌីមៀ ពូទីន និងបានសន្យាសងសឹកចំពោះអ្វីដែលខ្លួនហៅថា «អំពើភេរវកម្ម»។ទោះជាយ៉ាងណា ប្រធានាធិបតីអ៊ុយក្រែនលោកហ្សេឡេនស្គី បានបដិសេធការអះអាង នេះដោយថា«យើងមិនបានវាយប្រហារពូទីន ឬទីក្រុងមូស្គូ»ទេ។ លោកពូទីនមិនបាននៅក្នុងវិមានក្រឹមឡាំងទេនៅពេលមានការវាយប្រហារ គឺលោកបានកំពុងស្នាក់នៅផ្ទះរបស់លោកនៅក្រៅទីក្រុងមូស្គូ នេះបើតាមអ្នកនាំពាក្យវិមានក្រឹមឡាំងលោកឌីមីទ្រី ប៉េស្កូវបានប្រាប់ទីភ្នាក់ងារសារព័ត៌មានRIA Novosti។...